THRÜNTAN 43:12 - AMÜSÜH HÜM CL Bible (BSI)

¹² Nüsa khah ching sho ju mahne kinü alü luang, tüsho nüsa shungliu-qiuqiu münbo ching jihlokhi sho nüsanü lulode yüang; khükia ju lakmih-a lapü kuklah.

THRÜNTAN 43:12 Iomraidhean Croise

THRÜNTAN 42:25

Judüki arü shungliu-qiuqiubo ching hi yukshihpü, mihtsürü aban sho arü nihbuh shungliu-qiuqiu ching yukloshihpü, tüsho hantsah thsungkheak arü kilim tsühyungbe jihshihpü thiyukhüm jih. Hanangde apinü arü thsungkheak rhimo.

THRÜNTAN 42:35

Arü shungliu-qiuqiubo yeahkeang she arü nihbuh shungliuqiuqiu aban ching sho düm ngü; tüsho arü le arü abuhnü sho dümbo ngüchoki arü trede kam.

THRÜNTAN 43:13

Nüsa niurü she beang, tüsho tsahmusubah mihtsürübuh kilim alode yüang.

THRÜNTAN 43:21

tüshe küyimki isa binkheampung yükheanü, isanü isa shungliu-qiuqiubo khimshuh, tüsho mihtsürü aban shungliu-qiuqiu mün ching buh shosho asusu zah-a lakheah; jumonü isanü lulode arüdo.

THRÜNTAN 43:22

Tüsho isanü tsühyungbe thulopü sho püpü lubah akikheah. Isa shungliu-qiuqiubo ching shenü isa sho yukjihkheanü isanü mümükheah.”

ROMRÜ KILIM PAULNÜ ATHRÜTKHI KIHÜM HUHTANYU 12:17

She ki she amütsü dün amütsü düjihlo, tüshe alala miki tümü atsüanü lümang.

ROMRÜ KILIM PAULNÜ ATHRÜTKHI KIHÜM HUHTANYU 13:8

Khülangnü khülang ki muzhoachihpü kheak hode she ki she azüng düzo; tümüde shepünü nihbuh yamhingrü muzhochonü yakzan mihyuanido.

2 KORINT 8:21

tümüde isanü mükkheahkih lakhi ju Atungpuh miki lang yungde mihtsürü miki she wüntre lapü lah.

FILIPI 4:8

Akheam ching, keoniorübo, tümüpürü thiyuro la, tümüpürü wüntrepü la, tümüpürü alim la, tümüpürü atsangkhit la, tümüpürü akhamkhi la, tümüpürü amuzho la, tümüanü atsüdak lasho, tümüanü mungshipü thülünde lasho, judürü dünkheak lümakheahang.

1 TESALONIKA 4:6

junangde mihtsürü shenü she hadürü ching nihbuh keoniorü ki müthsümünim, tüsho amülim müthsü, tümütüsho isanü nüsa ki amüngühnü düh de athakhi nangde harü alala ching Atungpuh ju royimrü lah.

1 TESALONIKA 5:21

tüshe lüpdükhi rükakheahang; tümü atsüanü düngde ramrihang,

IBRI 13:8

Jisu Khrista ju yini, khihni tüsho lünnü rukhüh ah.