THRÜNTAN 43:11 - AMÜSÜH HÜM CL Bible (BSI)

¹¹ Tüsho arü abuh Israelnü arü ki tha, “Jude athsübeasho, hade thsang: Lomi chingnü akhiukkhi atsüdak sangaso khürü nüsa hahbo ching hanbah mihtsürübuh kilim thsambah thsüde yükiang–molike tüsho mukhuke anükhüh, rhümthüneabe tüsho jinjinlak, pista sangaso tüsho almondbo.

THRÜNTAN 43:11 Iomraidhean Croise

THRÜNTAN 33:10

Tüsho Jakobnü tha, “Yung, muzhobah, I nü miki amuzho ngüa lasho, I khah chingnü I thsambah leangkhiang; nü miro ngükhi inü Thrünpuh miro ngükhi nangde lah, tüsho nünü I ki asühdo.

THRÜNTAN 37:25

Arü yimtsühpü binde alachoki, arünü abinkih-a kheah tüsho Ishmaelrü hantsahrü bo khülang Gilead limnü arüde ngü. Arü yo kemelbo ju thüneathürabebo, molike tüsho jinjinlaknü hah thsüa lakheah, tüsho arü jurü hanbah Ijip lim yükide alakheah.

THRÜNTAN 43:10

Isanü mülakmakhülaa, dükde isa ha mahne kipü alode arüa labah.”

THRÜNTAN 43:14

Tüsho Wuto Thrünpuhnü mihtsürübuh miki nüsa amüthsüm jihshang, junangde apinü nüsa niurü püpü le Benjamin büne dükhebah. I a tsührübo dükheakpü lasho, tümüyu lapü!”

THRÜNTAN 43:15

Jumonü mihtsürübonü thsambah tüsho arü khah ching sho mahne kinü alü thsüde lu tüsho Benjamin lungnü Ijip lim yüki; tüsho arü Josep miki zhip.

THRÜNTAN 43:25

Judüki arünü animuro Josep arüpü thsungkheak thsambahbo thsakham, tümüde arü ju ching yimtsühbah de arünü so.

THRÜNTAN 43:26

Küyimki Josep thüyam ching arükhea, arünü thüyam ching lude azahkhi thsambahbo api kilim jih, tüsho api miki alo kheak khukning.

1 KIULONG THSÜRÜ 10:15

ju yinzüyindorü tüsho shothsümolorü tüsho Arabia kiulongthsürü le lomi ching kovünorbo kilimnü arükhi ching yukrulah.

1 KIULONG THSÜRÜ 10:25

Mihbüm abannü thsambah, shotoyinchi kukrukbo, suna, khimmih, thsühnukbo, mungji aphuaphubo, khora, khoranunu, kam aban hihdakde lubah arü.

1 KIULONG THSÜRÜ 15:19

“I buh le nü buh ane dükeak nangde, ike dükeak arihde laanü: Inü nü kilim shotoyinchi tüsho suna thsambah mühahchoh; yüang, Israel kiulongthsüpuh Baasha kheak duduachihkhi thsümünimang, junangde api I kheaknü atsolobah.”

1 KIULONG THSÜRÜ 4:21

Solomon ju Euphra chingnü Filistia lomi kiulongthsürübo alala kurungkheak, Ijip aredungyean she khiungde wu-sühmüh lakheah; arünü ruk handarü tüsho Solomon rhangdung lakhi amuyung tankih.

2 KIULONG THSÜRÜ 16:8

Ahaznü Atungpuh yam le kiulongthsüpuh rahpung-yam ching lakhi shotoyinchi tüsho suna she lu, tüsho Asiria kiulongthsüpuh kilim thsambah khülang mühah.

2 KIULONG THSÜRÜ 20:12

Ju kim ching Baladan tsührü Babilon kiulongthsüpuh Merodakbaladannü kihüm tüsho thsambah mühahbah yunithsürübo Hezekia kilim yüshih, tümüde apinü Hezekia tukthsüde alakheah de so,

2 KIULONG THSÜRÜ 8:8

kiulongthsüpuhnü Hazael ki tha, “Nünü thsambah khülang luang tüsho Thrünpuh mihtsürü shorupü yüang. I ha tukthsü chingnü anguba shi mungunü api hode Atungpuh ki keokhiang.”

ESTER 4:16

“Yüang tüsho Susa ching Jihudarü alala bemukhungang; khümkeak thsüde I thsungkheak tamkhüntamnüang. Nimung mahsam tsüngre mahsam dütsühyung. I tüsho I yamlaberünü she ju ruk thsübah. Jushu yakzannü mümülülü she I kiulongthsüpuh miki yübah; ha dünkheak I ashepü kamkam she I ashebah.”

MUNGSHIKHÜN 68:29

Jirusalem ching nü arüngyam dünkheaknü, kiulongthsürübonü nü kilim thsambahbo handarübah.

MUNGSHIKHÜN 72:10

Tarshish tüsho kekung-lo kiulongthsürübonü thsambahbo hande arübah; Sheba tüsho Seba kiulongthsürübonü thsambahbo jihbah.

MUNGSHIKHÜN 76:11

Atungpuh nü Thrünpuh ki thiyuchihchimang tüsho jurü dünjishang; api mükamde alarünü atrepü thsüde api kilim thsambahbo lude arüshang.

ABEKHIT 3:8

Ijiprü khah chingnü arü khümkhitpü tüsho ju lomi chingnü bekhitbah alomi atsü tüsho niuhke le mukhuke bukkhi Kananrü, Hitrü, Amorrü, Perizrü, Hivrü tüsho Jebusrü lapung bede ayüpü I akikheah.

MÜCHITMUDU 17:18

Anikhitkhi mülarü mihtsürünü thiyuchihchimde khah zhimachihchoh, tüsho api müyamrü shozüng hahmülang luchoh.

MÜCHITMUDU 18:16

Mihtsürü thsambahnü nihbuh limro khimshuhchoh, tüsho adungto mihtsürü miki api bede arüchoh.

MÜCHITMUDU 19:6

Ahihdonü adungtorü amuzho ngüpü mürangchoh, tüsho mihtsürü aban thsambahbo jihrü müyamrü ah.

MÜCHITMUDU 21:14

Ramde ajihkhi thsambahnü bukakhiukkhi keamloshihchoh, tüsho dunglim lakhi buknimnü bukmüke tukloshihchoh.

KHÜNBOLUNGKHÜN 4:10

Nü muzho küdükhüh niungla, I tsübe, I yamkhünbe! nü muzho a küdükhüh yukhu kheaknü atsübe, tüsho püpü thüneathürabe kheaknü nü rhüm thüneakhi atsübe la!

KHÜNBOLUNGKHÜN 4:14

molisang lung molisangbün, thüre tüsho kelülüsang, ju lung jinjinlak-sang alala, rhümthüneabe tüsho akhühsang, ju lung thüneathürabe atsüdakbo alala–

KHÜNBOLUNGKHÜN 8:14

Niokheamang, I tsübuh tüsho rhümthüneabe wungbo kheak rimsung nangde yungsho shahyih nunu nangde thsang!

JEREMIA 8:22

Gilead ching moli müla de? Ju ching thümürü müla de? Dale tümüde amuzhobe I mihtsürü shihphü müthsüngukhea?

EZEKIEL 27:15

Rhodiarünü nü lung yinzüyindo; keyean lobo ahihdo büthsüde nü yinzüyindopung lakheah; arünü nü kilim thsotorü tüsho sangrobo handarü jih.

EZEKIEL 27:17

Juda tüsho Israel lominü nü lung yinzüyindo; wheat hi, minnith, danji, mukhuke, müdangke, tüsho molikenü nü kukrukbo müthriachih.

EZEKIEL 27:22

Sheba tüsho Raama shothsümolorünü nü lung yinzüyindo; arünü nü ki rhümthüneabe mungji alala, tüsho shoto lungbo alala tüsho suna müthriachihde shothsümolo.

LEVI 20:24

Tüshe inü nüsa ki tha, “ Nüsanü arü lo yamrüplurüp lubah tüsho niuhke le mukhuke bukde alakhi lomi nüsa lashihpü inü nüsa kilim jihbah.” I Atungpuh nüsa Thrünpuh; apinü nüsabo mihtsürü bolungnü bemuwuh.

YUNIRÜBO RHIMO 21:14

Küyimki isanü api yu mukukkheanü isanü tuklo tüsho tha, “Atungpuh lümkhi thsüshang.”

YUZÜNGTHALO 33:14

aninü asoshihkhi atsübe tüsho khinubonü suhdahde akhiukshihkhinü,

1 SAMUEL 25:27

Tüsho kheakü nü yamlaberünü I tungpuh kilim hande arükhi thsambah ha I tungpuh yande arürü athrününgtsüngbo kilim jihang.

1 SAMUEL 9:7

Tüsho Saulnü azübuh ki alo, “ Tüshe ike yüsho, api kilim tümü lubah ayüpü? Tümüde ike qiuqiu ching yikhap bando, tüsho Thrünpuh mihtsürü kilim lubah ayüpü thsambah müla. Ike tümü la le?”