THRÜNTAN 42:6 - AMÜSÜH HÜM CL Bible (BSI)

⁶ Kheakü Josep ju alomi kurungkheak kovünor lakheah; tüsho lomi mihtsürü alala kilim apinü yinjih. Tüsho Josep keoniorübonü arübah alo lim arü miro thsübah api miki khukning.

THRÜNTAN 42:6 Iomraidhean Croise

THRÜNTAN 18:2

Abrahamnü abinkih-a kheah tüsho mihtsürü 3 aphüni zhipde ngü, küyimki apinü arü ngükheanü arü shorupü apinü khimyam ripit kinü niokheamde yü tüsho alo kheak khukning,

THRÜNTAN 19:1

Yunirü 2 arelim Sodom ching arü, tüsho Lot ju Sodom chipiripit ki zhipde alakheah. Küyimki Lotnü ane ngükheanü, apinü ane shorupü wusu, tüsho amiro alo lim kheahbah khukning.

THRÜNTAN 33:3

Apinü arü alala hode yü tüsho akhiung api thüninde marüyi khiungde alo kheak thüne ki khukning.

THRÜNTAN 41:43

Tüsho apinü api yo khora-lolungbe mahnepü kheak binshih; tüsho arünü api miki zhi, “Khukningang!” Junangde api Ijip lomi alala kurungkheak zojih.

THRÜNTAN 41:54

tüsho Josepnü athakhi nangde kam thüne khümzung arüpü tankih. Khümzung ju lomi alala ching lakheah, tüshe Ijip lomi alala ching tsühyungbe lakheah.

THRÜNTAN 41:57

Jumonü alomi alalanü hi thulopü Ijip ching Josep kilim arü, tümütüsho khümzung ju lomi alala ching muthsukde alakheah.

THRÜNTAN 44:14

Jumonü Juda tüsho api keoniorübo Josep yam ching arü, tüsho api ju ching lakheah; tüsho arünü api miki alo kheak khukning.

THRÜNTAN 45:26

Tüsho arünü api ki tha, “Josep kheakü khiungde lah, tüsho api Ijip lomi alala kurungkheak kovünor ah.” Tüsho Jakob lümshangmang, tümütüsho apinü arü kheak akin müla.

THRÜNTAN 45:8

Jumonü I ha ching arüshihkhi ju nüsanü yung, tüshe Thrünpuhnü ah; tüsho apinü I Pharao yo achangbe atorü, api yam alala putungrü, tüsho Ijip lomi alala yakzanshuhrü kamshih.

THRÜNTAN 48:12

Judüki Josepnü api mukhukbo kinü ane beakhin, tüsho apinü amiro alo lim thsübah khukning.

MÜCHITMUDU 11:26

Shepünü hi mükihde azobanü mihtsürübonü athruajichoh, tüshe shepünü ayinjihbanü arünü api shijihchoh.

ISAIA 60:14

Nü junorü tsühsoniusobonü nü ki mükhümde arübah, tüsho nü mükhemükimrü alala nü jing ki khukningde arübah; arünü nü ki Israel Amüsüh Thrünpuh yo Zion, Atungpuh kiuto de ajibah.

YUNIRÜBO RHIMO 7:10

api thsümütsü alala chingnü api bekhit tüsho Ijip kiulongthsüpuh Pharao miki amuzho tüsho lümlung jihbah apinü anihbuh Ijip tüsho api yamkhün alala kurungkheak kovünor kamshih.

AMIKHEAKAKHIUKKHI 3:9

Arimri sinagog ching larübo, arü Jihudarü ah de akeangyu tharü nü jing ki khukningshihbah tüsho inü nü muzhokhi mükheahshihbah.

1 SAMUEL 20:41

Azübuh tsoabahshu, Davidnü lung-mutrung khüpnü asürü tüsho amiro alo lim mükhümbah Jonathan ki mahsam ki khukning. Anenü müthsüpachih, tüsho tripachih; Davidnü alübe trip.