THRÜNTAN 42:38 - AMÜSÜH HÜM CL Bible (BSI)

³⁸ Tüshe apinü tha, “I tsührü nü lung müyüki, tümüde akhiung sheabahdo, tüsho api lang aninga lah. Nüsa yükhi ching api kheak thsümütsü yükihsho, nünü I ku buyiukkhi mulong rozhakde shekhün ching yüzahshihbah.”

THRÜNTAN 42:38 Iomraidhean Croise

THRÜNTAN 37:33

Apinü ju kheahkhit tüsho tha, “Ha I tsührü shulünkhim ah. Mütüm shiwüh khürünü api tsühdo. Josep a atsütsünü adütre kamde thonakdo.”

THRÜNTAN 37:34

Judüki Jakobnü api khimmihbo thorüpbah achim kheak shungliukhim yihkih, tüsho api tsührü thsungkheak nimung ahihdo tüzho.

THRÜNTAN 37:35

Tüsho api tsührübo le tsührübebo alalanü api shukheampü wusurü; tüshe apinü ashukheampü arochih tüsho tha, “Tümüde I tsührü shepung I tüzhode ayükibah.” Hanangde abuhnü api thsungkheak mitrip.

THRÜNTAN 42:13

Tüsho arünü tha, “Nü yamlarübo Kanan lomi ching mihtsürü khülang tsührübo 12 ah; akheambuh a isa abuh ki lah, tüsho khülang a müladebahdo.”

THRÜNTAN 42:37

Judüki Reubennü abuh ki tha, “Inü api nü kilim belode marüsho I tsührü 2 ju laksahang; api I khah ching yukjang, tüsho inü api nü kilim belode arübah.”

THRÜNTAN 42:4

Tüshe Jakobnü Josep niurü Benjamin akhiung pürü lung müyüshih, tümüde apinü thsümütsü khürü anihbuh kheak dünjipü tre.

THRÜNTAN 43:13

Nüsa niurü she beang, tüsho tsahmusubah mihtsürübuh kilim alode yüang.

THRÜNTAN 44:20

Tüsho isanü isa tungpuh ki alo, ‘Isa abuh ashinbuhrü lah, tüsho api ashinshu tsührü, azürü lah; akhiung a sheabahdo, tüsho abe tsührü bolung api lang aninga lah, tüsho abuhnü api muzhochoh.’

THRÜNTAN 44:22

Tüsho isanü isa tungpuh ki alo, ‘Azübuhnü abuh müchamkhikhuk, tümüde apinü abuh chamkhisho, abuh ashebah.’

1 KIULONG THSÜRÜ 2:6

Jumonü nü lümlung ayannü rhimoang, tüshe abuyukkhi api ku mungtsü chingnü Ashe-lomi ching düyüzahshih.

JOB HU H T ANYU 41:32

Apinü adunglim azhingzhing limro akhiukshihchoh; tüsho keto ju arhukrhuk amüye kamshihchoh.

MUNGSHIKHÜN 71:18

Kheaküshe I küyimki ashinbuhrü tüsho kubuyukba, inü ha arüpü lakhi lün mihbüm aban ki nü wu tüsho sühmüh müthayikia, O Thrünpuh, I dübahyuk.

MUNGSHIKHÜN 90:10

Isa rhangdung kambo ju kam 70; isa sühmüh lasho kam 80, tüshe jurübonü isa küpkhuk tüsho mulong rozhak hande arüchoh; ha nahde hoabahchoh, isa tsoabahchoh.

T H S AN GYU T H S AN GR ARÜ 1:14

Ha lomiküp ching rhimobo alala inü ngüdo; tüsho kheahang, alala akeangkeang ah, tüsho apung dunglim müshamchoh.

T H S AN GYU T H S AN GR ARÜ 2:26

Tümüde shepünü api asühshihchonü Thrünpuhnü lümlung, mükheahmudu tüsho asühpü jihchoh; tüshe aneakrü kilim a Thrünpuh asühshihrü kilim jihshihpü lang, apinü hanmukhungpü tüsho wumujungpü rhimo jihchoh. Ha she akeangkeang tüsho apung dunglim müshamkhi khülang ah.

ISAIA 38:10

Inü tha: I rhangdung amuro kheaknü I kambo aningkhi dükheakde I Ashe-lomi chipiripit ching yüshihdo.

ISAIA 46:4

nü ashin khiungde I api ah, nü ku buyiuk khiungde inü nü buhbah. Inü nü thründo, tüsho inü akümbah; inü nü buhbah tüsho khümkhitbah.