THRÜNTAN 42:22 - AMÜSÜH HÜM CL Bible (BSI)

²² Tüsho Reubennü arü ki tha, “Azübuh azhihde neak düyihbeak de inü nüsa ki mütha de? Tüshe nüsanü mani! Jumonü kheahang, api thiyihnü isa kheangchoh.”

THRÜNTAN 42:22 Iomraidhean Croise

THRÜNTAN 4:10

Tüsho Atungpuhnü tha, “Nünü tümü rhimokhea? Nü niurü thiyihnü alo chingnü I ki zhichoh.

THRÜNTAN 42:23

Tüshe Josepnü arü ki anikhitlah de arünü mümükheah, tümüde apinü ayihphülaprü hode arü ki asuk.

THRÜNTAN 45:3

Judüki Josepnü api keoniorübo ki tha, “I Josep ah; I buh kheakü khiungde la shi?” Tüshe api keoniorübonü api ki malokhuk, tümüde Josep miki arübo müyinnim.

THRÜNTAN 50:15

Arü abuh sheabah dunglim Josep keoniorübonü tha, “Khükia Josepnü isa thraneanbah, tüsho isanü api ki amütsü rhimokhi atsütsünü athrihlopü labah.”

1 KIULONG THSÜRÜ 2:32

Apinü thiyih bukshihkhi Atungpuhnü anihbuh ku kheak hanlodarübah, tümütüsho I buh Davidnü mümükheahde, apinü anihbuh kheaknü atsübe thiyuro mihtsürü mahne, Ner tsührü Abner, Israel bonungrü limthobuh, tüsho Jether tsührü Amasa, Juda bonungrü limthobuh yande nukshangnü laksah.

1 KIULONG THSÜRÜ 2:33

Jumonü arü thiyih ju Joab ku kheak tüsho api tsühsoniusobo ku kheak lünnü arülobah; tüshe David, api tsühsoniusobo, api yamkhün, tüsho api kiulongthsü-binkiu kilim a Atungpuh kilimnü lünnü mungtsü labah.”

2 KIUTHSÜYUKHEAN 24:22

Zekaria abuh Jehoiadanü api ki amuzho huhkhi, kiulongthsüpuh Joashnü mülümkhit, tüshe api tsührü laksah. Anihbuh shede alachoki, apinü tha, “Atungpuhnü ngüshang tüsho royimshang!”

MUNGSHIKHÜN 9:12

Thsünüde alarü Thrünpuhnü lümkhitchoh; arünü azhikhi apinü mümih, tüsho arü ki amülim rhimorü apinü thsümüchichoh.

EZEKIEL 3:18

Küyimki inü mihbukmuyuk mihtsürü ki, Nü tsükjide ashebah de athaba, tüsho nünü api ki düh de müthasho yungsho anihbuh rhangdung khümkhitpü thsüde amütsü limrobo chingnü rholoshihpü masuksho, ju mihbukmuyuk mihtsürü ju anihbuh neak dün shebah, tüsho inü api thiyih nü khah chingnü akheangbah.

LUKNÜ ATHRÜTKHI THIYUSHEAK-ATSÜ HUHTANYU 23:41

Ike a lungkide thsümüchido, tümüde ikenü arhimokhi dün ike thsambah leangkhichoh; tüshe ha mihtsürünü amülim tümü mürhimo.”

YUNIRÜBO RHIMO 28:4

Jumonü küyimki kekunglorünü phuruto akhah kheak zhinkhia ngükhea, arü khülangnü khülang ki thaachih, “Ha mihtsürü mihlaksahrü ah, api keto chingnü tsokhita lalashe thiyuronü api alapü mümülü.”

ROMRÜ KILIM PAULNÜ ATHRÜTKHI KIHÜM HUHTANYU 2:15

Arü mulong ching yakzan thrüta lakhi rhimonü ahuhkhi arü lümkhinü thiyumütsan thsüchoh, tüsho arü dükeak ching arü lümkhinü amülim jihchoh yungsho amülim bahachihchoh.

AMIKHEAKAKHIUKKHI 13:10

Khürü ramde atsopü lasho, api aramkhi ching yübah; khürü nukshangnü alaksahpü lasho, nukshangnü api laksahbah. Ha amüsührü arümkheam tüsho thiyuro lapü thsungkheak jichoh.

AMIKHEAKAKHIUKKHI 16:9

mihtsürübo ju khide alamlamnü tak, tüsho arünü harü arümbo kurungkheak wu labuh Thrünpuh mung athru, arünü mulong mümüthri tüsho api kilim müremütah.

1 SAMUEL 19:4

Jonathannü David dünkheak abuh Saul ki tsüde asuk, “ Kiulongthsüpuhnü nihbuh yamlarü David azhihde neak müyihbeakbeah, tümütüsho apinü nü azhihde neak müyihbeak, tüsho api rhimo nü ki khide atsü lado;