THRÜNTAN 42:21 - AMÜSÜH HÜM CL Bible (BSI)

²¹ Judüki arü khülangnü khülang ki thaachih, “Tsükjide isa niurü dünkheaknü isa mülimkhi lah, tümüde apinü isa ki mushuchoki anihbuh me thsünükhi isanü ngüdo, tüshe isanü manijih; jumonü ha küpkhuk isa kheak arüdo.”

THRÜNTAN 42:21 Iomraidhean Croise

THRÜNTAN 41:9

Judüki pung-jihrü azopünü Pharao ki tha: “Khihni inü I mülimkhi lümkhitchoh.

THRÜNTAN 44:16

Judüki Judanü tha, “Isa tungpuh ki isanü tümü thakhukba? Isanü tümü asukba? Yungsho isa amülim mülakhi küde thsah amütsanba? Thrünpuhnü nü yamlarübo mülimkhi yimkhitdo; isa le shepü lung pung ngükheanü isa chido, isa tungpuh yo azhorübo ha kheak lah.”

THRÜNTAN 45:3

Judüki Josepnü api keoniorübo ki tha, “I Josep ah; I buh kheakü khiungde la shi?” Tüshe api keoniorübonü api ki malokhuk, tümüde Josep miki arübo müyinnim.

THRÜNTAN 50:15

Arü abuh sheabah dunglim Josep keoniorübonü tha, “Khükia Josepnü isa thraneanbah, tüsho isanü api ki amütsü rhimokhi atsütsünü athrihlopü labah.”

2 SAMUEL 12:13

Davidnü Nathan ki tha, “Inü Atungpuh azhihde neak yihbeakdo.” Nathannü David ki tha, “Kheakü Atungpuhnü nü neak bahjihdo; nü müshe.

1 KIULONG THSÜRÜ 17:18

Jumonü alibenü Elija ki tha, “O Thrünpuh mihtsürü, I azhihde nünü tümü thsükhea? Nünü I neak lümkhitloshihpü tüsho I tsührü sheshihpü nü I kilim arükhea de!”

MÜCHITMUDU 21:13

Shepünü zhochihrünü azhikhi lim nükhün yihdochonü, anihbuhnü she azhibah tüsho musojihde alabah.

MÜCHITMUDU 28:17

Mihtsürü shepü thiyih bukkhi amülim lanü ashekhün ching shande ayübah; shenü she api dürungshih.

JEREMIA 2:17

Ha apinü nü limro ching bechoki Atungpuh nü Thrünpuh bahyukkhinü nü kheak handarükhi yung de?

JEREMIA 2:19

Nü mihbukmuyuk hode nü thsümüchibah, tüsho nü sühmüzahkhinü nü abahkhi kambah. Nünü Atungpuh nü Thrünpuh bahyukpü ju amütsü tüsho akhüh de mükheahang tüsho kheahang; I trekhi nü kheak müla, Atungpuh Wuto Thrünpuhnü thachoh.

JEREMIA 34:17

Jumonü Atungpuhnü ha thachoh: Nüsanü nüsa yamhingrü tüsho müyamrübo müdükhekhi hode I yu manide kamdo; inü nüsa kilim dükhepü lah, Atungpuhnü thachoh–nukshang, arüm-tukthsü tüsho khümzung dükhebah. Inü nüsa lomi kiulongthsü alala ki atrebe kamshihbah.

JEREMIA 4:18

“ Nü limrobo tüsho nü rhimobonü ha nü kheak handarüdo. Ha nü neak hode thsümütsü lah; ha küdükhüh akhüh! Hanü nü mulong khiungdo.”

HOSEA 5:15

Arünü arü mülimkhi muhuhyi khiungde, inü I mihtsürü bahyukbah. Tüsho arünü I miro yimbah; arü thsünükhi ching arünü mushude I yimbah.

WÜHKHE 32:23

Tüshe nüsanü jude müthsüsho, mütsanang, nüsanü Atungpuh azhihde neak yihbeakdo; tüsho nüsa neaknü nüsa yimkhitbah de mütsanang.

MATHI 7:2

Tümütüsho nüsanü mührü yukhapkhi yande nüsa yukhapbah, tüsho nüsanü akeara ahorikhi yande nüsa akearabah.

MARK 9:48

ju ching arü muso müshe tüsho mo mümütchoh.

LUKNÜ ATHRÜTKHI THIYUSHEAK-ATSÜ HUHTANYU 16:28

tümüde I keoniorü 5 lah, junangde apinü arü ki thiyumütsan thsübah, jude yungsho arü she ha thsümüchi dangpung ching arübah.’

YUNIRÜBO RHIMO 19:18

Akinrü ahihkhühnü arünü arhimokhi boto mikinü thakhitde arü.

JAKOB 2:13

Tümüde mihmüthsüm muhuhrü ki mahkhapkhinü mihmüthsüm mülachoh; tütüshe mihmüthsümnü mahkhap kurungkheak kukchoh.

1 JOHAN 1:9

Isanü isa neakbo thakhitsho, api ju thiyuro tüsho alungki lah, tüsho apinü isa neakbo bahjihde thiyuro-mülungkikhi alala chingnü isa müsühjihbah.

MAHKHAPRÜ 1:7

Tüsho Adonibezeknü tha, “ Kiulongthsürü 70 arü khahkutopü le jingkutopübo khapshakbah I dükhüm bukkhüp adütrebo moa lude lado; kheakü inü tümü rhimokheanü Thrünpuhnü I kilim jihlochoh.” Arünü api Jirusalem ching bebah arü, tüsho api ju ching sheabah.