THRÜNTAN 41:8 - AMÜSÜH HÜM CL Bible (BSI)

⁸ Jumonü yapsu api me küpkhukde alakheah; apinü thiyia yüshihbah Ijip wurük-huhrü tüsho lümlung lakhi mihtsürü alala ji. Pharaonü arü ki api milim tha, tüshe Pharao thsungkheak jurü thanakpü she mülakheah.

THRÜNTAN 41:8 Iomraidhean Croise

THRÜNTAN 40:6

Tüsho Josepnü yapsu ane kilim arübah ane kheak kheah, tüsho ane ju mulong tukthsüde ngü.

THRÜNTAN 40:8

Anenü api ki alo, “Ike chidonü milim mido, tüsho ju athanakrü she müla.” Tüsho Josepnü ane ki tha, “Athanakkhi ju Thrünpuh yo yung de? Nüke milimbo I ki thaang.”

THRÜNTAN 41:15

Tüsho Pharaonü Josep ki tha, “Inü milim khülang mido, tüsho ju thanakkhukrü she müla. Tüsho nünü milim thanakkhuklah de inü sodo.”

THRÜNTAN 41:24

Tüsho adüsükkhi aye thünenü aye atsü thüne ju muyuabah. Jumonü inü ha wurük-huhrübo ki tha, tüshe I ki thanakkhukpü she mülade alakheah.”

THRÜNTAN 41:7

Tüsho adüsükkhi aye thünenü aliuhliuh aye thüne ju muyuabah. Pharao asürü, tüsho ju milim khülang lakheah.

MUNGSHIKHÜN 25:14

Atungpuh aramyu ju api trerü kheak lah, tüsho apinü arü ki api tangzüng huhbah.

ABEKHIT 7:11

Tüshe Pharaonü she lümlung larü mihtsürü tüsho wurük-huhrü jide arü; junangde Ijip wurük-huhrübonü she arü wurüknü ju ruk thsü.

ABEKHIT 7:22

Tüshe Ijip wurük-huhrübonü arü wurüknü ju ruk thsü; jumonü Pharao mulong müküpde kamlo, tüsho Atungpuhnü athakhi nangde apinü ane ki mani.

ABEKHIT 8:7

Tüshe wurükhuhrübonü arü wurük hode ju ruk thsü, tüsho Ijip lomi kheak kheangbo hande arü.

ABEKHIT 9:11

Tüsho phanjakkhuhbo akhiukkhinü wurük-huhrübonü Mosa miki müzhipkhuk, tümüde phanjakkhuhbo ju wurük-huhrübo tüsho Ijiprü alala kheak lakheah.

ISAIA 19:3

arü bolung Ijiprü me mülade akambah, tüsho inü arü lümkhibo akeangkeang kamshihbah; arünü sangthsübo tüsho ashekhi mebo tüsho mesherü le mebo ki keokhibah;

ISAIA 29:14

jumonü ha mihtsürü kheak niuknimde amüyinsahbe rhimobah. Arü lümlung larü lümkhi dükheakbah, tüsho lümlung anikhitpü lakhi ramabahbah.

ISAIA 8:19

Küyimki mihtsürübonü dapdaprururü mesherü tüsho me-larü ki keoang de nü ki thabanü, mihtsürübonü arü Thrünpuh ki mükeobea de? Tümüde arhang larü thsung thsüde asherü ki keokhicho?

DANIEL 1:20

Lümlungbo tüsho anikhitkhi ching kiulongthsüpuhnü arü ki keokhikhi lüpdükhi ching apinü arübo api kiulongthsü athrünkhi ching kuhikheahrü tüsho wurük-huhrü alala kheaknü thürü kinü atsübe kheahkhit.

DANIEL 4:18

Ha I, Nebukednezarnü milim ngükheah. Tüsho nü, O Belteshazzar, thanakkhi amütsan I ki thaang, tümütüsho I kiulongthsü mihtsürü alalanü I ki thanaka müjihkhuk, tüshe nünü kuklah, tümüde amüsüh Thrünpuh me nü kheak lah.”

DANIEL 4:19

Judüki Belteshazzar de ajikhi Daniel ju anükhüh kheak lüm shangmangde kam. Anihbuh lümkhinü api trede kamshih. Kiulongthsüpuhnü tha, “Belteshazzar, milim yungsho thanakkhinü nü trede dükam.” Belteshazzarnü alo, “ I tungpuh, milim ju nü thraneanrü thsungkheak tüsho thanakkhi ju nü riribo thsungkheak lashang!

DANIEL 4:5

Inü milim khülang ngübah I müyinsahshih; yapkiu ching lümzülümdo tüsho michihbonü I müyinsahshih.

DANIEL 4:6

Jumonü I ki milim thanakpü thsüde Babilon lümlung larü mihtsürü alala I miki bedarüpü inü thiyuzüng thsü.

DANIEL 4:7

Judüki kuhikheahrü, wurük-huhrü, thümürü, chining-kherübo tüsho Kaldearü alala bede azah, tüsho inü arü ki thaa huh, tüshe arünü I ki müthanakkhuk.

DANIEL 5:11

Nü kiulongthsü ching amüsüh Thrünpuh me lakhi mihtsürü khülang lah. Nü buh nimungbo ching api kheak sulüm, anikhitkhi, tüsho thrünpuhbo lümlung nangde alakhi ngükhitdo. Nü buh, kiulongthsüpuh Nebukednezarnü api wurük-huhrü, kuhi-kheahrü, Kaldearü, tüsho müchitrü kurungkheak atobuh kamshih,

DANIEL 7:28

Akhekhi ha akheam. I, Daniel thsungkheak a, I lümkhinü I tode treshih, tüsho I miro pheakmulukdo kam; tüshe amütsan inü I lüm ching zo.

DANIEL 8:27

Jumonü I, Daniel lümthsünüde kam tüsho nimung anükhüh tukthsüde yap; jushu inü asürü tüsho kiulongthsüpuh rhimo thsungkheak yü. Tüshe michihnü I yingyingabah tüsho ju manikhit.

LEVI 19:31

Mesherü tüsho judürü mebo kilim düyü; arünü nüsa müneanshihpü arü düyim: I Atungpuh ah.

LEVI 20:6

Shepünü mesherü tüsho thümürü kilim yübah arü kheak yüliyürabanü, inü arü azhihbah tüsho arübo mihtsürü bolungnü khekhita bahbah.

HABAKKUK 3:16

Inü sochoh, tüsho I mulong ching thukthukchoh; düsheaknü I münküpbo niukchoh. I robo ching ashuh yüzahchoh, tüsho I jingbo ajanchoh. Isa yanrü mihtsürü kheak thsümütsü nimung arüpü thsungkheak inü zhikde aleangchoh.

MATHI 2:1

Kiulongthsüpuh Herod kim ching, Judea ching lakhi Bethlehem ching Jisu zübe dunglim, aniakhiuklimnü mükheahmudurübo Jirusalem ching arü

YUNIRÜBO RHIMO 17:18

Epikur tüsho Stoik lümlung-yimrü khürünü she api shoru. Tüsho khürünü tha, “Mudukmükerünü tümü thacho?” Püpürünü tha, “Apinü khiungkerü thrünpuhbo dünkheak thachoh khunuh.” Arünü ha tha tümütüsho Paulnü Jisu tüsho arhang kamlokhi dünkheak thsangyuthsangra.

YUNIRÜBO RHIMO 7:22

Mosa ki Ijip lümlung alala thsangyu tüsho api ju thiyu tüsho rhimobo ching mungkhung mihtsürü kam.

1 KORINT 1:19

Tümüde ha thrüta lah, “Lüm larü lümlung inü adükheakshihbah, tüsho rük larü rükri duhmüabahshihbah.”

1 SAMUEL 6:2

Judüki Filistiarünü amükeamrü le thümürübo ji tüsho tha, “Isanü Atungpuh sangdan küde athsüba? Isanü tümü bebah azopung ching alode ayüshihbanü isa ki thaang.”