THRÜNTAN 41:56 - AMÜSÜH HÜM CL Bible (BSI)

⁵⁶ Khümzung ju alomi alala ching lakheah, tüsho Josepnü jakambo alala khimshuh tüsho Ijiprübo ki yinjih. Tüsho khümzung ju Ijip lomi ching muthsukde kam.

THRÜNTAN 41:56 Iomraidhean Croise

THRÜNTAN 12:10

Kheakü lomi ching khümzung lakheah, tüsho Abramnü Ijip ching lacholapü yüki, tümüde lomi ching khümzung ju muthsukdakde alakheah.

THRÜNTAN 41:30

tüshe jurü dunglim kam thüne khümzung labah, tüsho muzhomopungkhi alala Ijip lomi ching mihabahbah, tüsho khümzungnü lomi thsümünimbah.

THRÜNTAN 41:35

Tüsho arünü kam atsübo arükhi ching tsühyungpü alala hanmukhungshang, tüsho Pharao yukhüm bukkhüp chingnü hibo zomukhungshang, tüsho arünü kiutobo ching tsühyungbebo zoshang.

THRÜNTAN 41:55

Jumonü küyimki Ijip lomi alala ching akhümpü tankihkheanü, mihtsürübonü Pharao ki tsühyungbe thsungkheak zhi. Judüki Pharaonü Ijiprü alala ki tha, “Josep kilim yüang; apinü nüsa ki tümü thabanü rhimoang.”

THRÜNTAN 41:57

Jumonü alomi alalanü hi thulopü Ijip ching Josep kilim arü, tümütüsho khümzung ju lomi alala ching muthsukde alakheah.

THRÜNTAN 42:6

Kheakü Josep ju alomi kurungkheak kovünor lakheah; tüsho lomi mihtsürü alala kilim apinü yinjih. Tüsho Josep keoniorübonü arübah alo lim arü miro thsübah api miki khukning.

THRÜNTAN 43:1

Kheakü lomi ching khümzung ju muthsukde alakheah.

ISAIA 23:17

Kam nerü akheam ching, Atungpuhnü Tair rhuakheahbah, tüsho anihbenü nihbe mulomüthsüpü lim rholobah, tüsho anihbenü lomi kiulongthsübo alala ki mulomüthsübah.

ZEKARIA 5:3

Jushu apinü I ki tha, “Ha alomi athrünkhi kheak muthrumünean wukhiukkhi lah; tümüde sherünü ahühbanü thripkhüh lakhi yande adükheakshihbah tüsho sherünü akeangyu thiyuchihchimbanü püpü thrip lakhi yande adükheakshihbah.

LUKNÜ ATHRÜTKHI THIYUSHEAK-ATSÜ HUHTANYU 21:35

Tümüde alomi ching larü alala kheak ju azheang khülang nangde arübah.

YUNIRÜBO RHIMO 17:26

Apinü mihtsürü khülang kheaknü mihtsürü trükshih aban lomi alala ching lapü thsüde thrün; tüsho apinü arü kimbo tüsho lapungbo akhualojih,