THRÜNTAN 41:43 - AMÜSÜH HÜM CL Bible (BSI)

⁴³ Tüsho apinü api yo khora-lolungbe mahnepü kheak binshih; tüsho arünü api miki zhi, “Khukningang!” Junangde api Ijip lomi alala kurungkheak zojih.

THRÜNTAN 41:43 Iomraidhean Croise

THRÜNTAN 41:42

Pharaonü api yingkhing chingnü yingkhüm yihkhit tüsho Josep yingkhing ching yukjih; apinü khimthünakbo api kheak phukihjih tüsho suna wuhrünlak ahung mükamde yukjih.

THRÜNTAN 41:44

Kheaküshe Pharaonü Josep ki tha, “I Pharao ah, tütüshe nü yukhüm mulude Ijip lomi alala ching mihtsürü shenü she khah yungsho jing mushuhkih.”

THRÜNTAN 42:30

“Ijip kovünornü isa ki khümkhümde tha, tüsho isa ju lomi rükramrübo ah de müdamdo.

THRÜNTAN 42:33

Judüki mihtsürü junü alo, ‘Ha hode nüsa thiyuro mihtsürü ah de inü amükheahbah: Nüsa keoniorü bolung khülang ha ching I lung zojihbah nüsa betsührübo khümkhi thsungkheak tsühyungbe lubah yüang.

THRÜNTAN 42:6

Kheakü Josep ju alomi kurungkheak kovünor lakheah; tüsho lomi mihtsürü alala kilim apinü yinjih. Tüsho Josep keoniorübonü arübah alo lim arü miro thsübah api miki khukning.

THRÜNTAN 45:26

Tüsho arünü api ki tha, “Josep kheakü khiungde lah, tüsho api Ijip lomi alala kurungkheak kovünor ah.” Tüsho Jakob lümshangmang, tümütüsho apinü arü kheak akin müla.

THRÜNTAN 45:8

Jumonü I ha ching arüshihkhi ju nüsanü yung, tüshe Thrünpuhnü ah; tüsho apinü I Pharao yo achangbe atorü, api yam alala putungrü, tüsho Ijip lomi alala yakzanshuhrü kamshih.

THRÜNTAN 50:18

Judüki api keoniorübonü she yü tüsho api miro ki mükhüm tüsho tha, “Kheahang, isa nü yamlarübo ah.”

THRÜNTAN 50:9

Tüsho ju ching api lung khoralolungbebo tüsho khoraberübo wutu, tüsho ju khide hihde mukhunga lakheah.

ESTER 10:3

Jihudabuh Mordekai ju kiulongthsüpuh Zerzes khinbuh lakheah. Amüyamrü Jihudarü bolung api lang thude la, tümüde apinü amihtsürü tsüpü tüsho tsühsoniuso thsungkheak mungtsü rhimojih.

ESTER 3:2

Kiulongthsüpuhnü Haman ki khukningde akin jihang de abukkhüp rhimorü ripit ki binrübo ki thiyukhüm jih. Arü alalanü ani tüshe Mordekainü lang mani,

T H S AN GYU T H S AN GR ARÜ 4:14

Lomi ching zhochihde zübebe she, khürünü kiulongthsüpü rihyam chingnü akhiukpü kuklah.

DANIEL 2:48

Judüki kiulongthsüpuhnü Daniel ju binkiu achang ching zojih tüsho thsambah ahihdo api ki mujungde zojih. Apinü anihbuh ju Babilon lomi alala kurungkheak yakzanshuhrü kamshih tüsho lümlung larü mihtsürü alala kurungkheak akeanangrü aku kamshih.

YUNIRÜBO RHIMO 7:10

api thsümütsü alala chingnü api bekhit tüsho Ijip kiulongthsüpuh Pharao miki amuzho tüsho lümlung jihbah apinü anihbuh Ijip tüsho api yamkhün alala kurungkheak kovünor kamshih.

FILIPI 2:10

junangde yinmi ching, alomi kheak tüsho lüpdükhi mukhuknü Jisu mung ki khukningbah,