THRÜNTAN 41:42 - AMÜSÜH HÜM CL Bible (BSI)

⁴² Pharaonü api yingkhing chingnü yingkhüm yihkhit tüsho Josep yingkhing ching yukjih; apinü khimthünakbo api kheak phukihjih tüsho suna wuhrünlak ahung mükamde yukjih.

THRÜNTAN 41:42 Iomraidhean Croise

THRÜNTAN 38:18

Apinü tha, “Nü kilim inü tümü thiyuchihchim jihba?” Alibenü alo, “Shungliu bede nü yo mütsanyüm, tüsho nü khah ching lakhi tso.” Jumonü apinü jurü alibe kilim jihbah anihbe kheak müyam, tüsho api hode alibe mübünkeangde kam.

THRÜNTAN 41:43

Tüsho apinü api yo khora-lolungbe mahnepü kheak binshih; tüsho arünü api miki zhi, “Khukningang!” Junangde api Ijip lomi alala kurungkheak zojih.

ESTER 10:3

Jihudabuh Mordekai ju kiulongthsüpuh Zerzes khinbuh lakheah. Amüyamrü Jihudarü bolung api lang thude la, tümüde apinü amihtsürü tsüpü tüsho tsühsoniuso thsungkheak mungtsü rhimojih.

ESTER 3:10

Jumonü yüma ahiuhshihpü thsüde, kiulongthsüpuhnü yingkhüm yihkhita Agagrü Hammedatha tsührü Haman, Jihudarü riribuh kilim jih.

ESTER 3:12

Jushu akhuhbe khinu, thürükheak mahsam nipü Hamannü kiulongthsüpuh yo athrütrübo jibah thiyusheak ahiuhpü kiulongthsübo ching thiyutha abannü angüshihpü thsüde khede thrütshihbah atorübo tüsho kovünorbo kilim jihpü thsakham. Ju Zerzes mung chingnü yingkhümnü yümbah yüshih.

ESTER 8:10

Mordekainü kihümbo ju kiulongthsüpuh Zerzes mung chingnü thrüt tüsho apinü kiulongthsü mütsan yingkhümnü yüm, jurübo ju aberünü kiulongthsüpuh yo khora yam chingnü adukathri kheak binbah niokheamde hanbah yü.

ESTER 8:15

Mordekainü kiulongthsü khim biyi le amüye, khimthünak yih tüsho suna kuthran thranbah kiulongthsü yam chingnü tsahmusu. Tüsho Susa kiuto ju asühkhi düsheaknü mide kam.

ESTER 8:2

Tüsho kiulongthsüpuhnü Haman kheaknü alulokhi mütsanyüm ayingkhing chingnü yihkhita Mordekai kilim jih, tüsho Esternü Mordekai ju Haman yamrung kurungkheak binshih.

ESTER 8:8

Tüshe kiulongthsüpuh mung chingnü kiulongthsü mütsan yingkhümnü yümbah thiyusheak ahiuhkhia mübahkhuk, judüalalashe nüsanü akünkhi nangde Jihudarü thsungkheak I mung chingnü thrütbah kiulongthsü mütsan yingkhümnü ayümpü kuklah.”

MUNGSHIKHÜN 73:6

Jumonü lülüshishi ju arü lak thsülah; khimmih nangde athsümünimnü arü hingdolah.

MÜCHITMUDU 1:9

tümüde jurübo nü ku kheak akhamdak zülubo tüsho nü hung mükamde lakbo thsübah.

MÜCHITMUDU 31:22

Alibenü yapkiu khimbe keakchoh tüsho mürümmuchukhi athünak khimbo phuyuchoh.

MÜCHITMUDU 31:24

Alibenü athünak khimmihbo keaka yinchoh, tüsho arümkihbebo yinzüyindorü kilim jihchoh.

KHÜNBOLUNGKHÜN 1:10

Nü müchipbo kheak nüpünü akhamlah, nü hung kheah suna laknü akhamlah.

KHÜNBOLUNGKHÜN 4:9

Nünü nü yo suna lak khülangnü I mulong ahühdo, I tsübe, I yamkhünbe, Nü müknü rheaka kheahkhi ching nünü I mulong ahühdo.

ISAIA 3:23

ayinatrüm-khimbo, azhingzhingkhim, kuhingbe, tüsho kudukiubebo.

JEREMIA 52:33

Jumonü Jehoiakinnü api rihyam khimmihbo müthri, tüsho api rhangdung ching nimung aban kiulongthsüpuh dükhüm kheak yimtsüh.

EZEKIEL 27:7

Nü sangkung khim ju Ijip chingnü atsüdak yakkhokhi khim zhingzhing, nü yo amütsan riphin lakheah; nü yo ayinripit tüsho ripit phudobe ju Elisha keyean chingnü biyi tüsho amüwa lakheah.

DANIEL 5:16

Tüshe nünü thanakkhukchoh tüsho lümkhilümduh mulong-mülüchoh de inü sodo. Kheakü nünü athrütkhi khekhuksho tüsho thanakkhuksho, nü kheak mürümmüri khim phuyujihbah, nü hung mükamde suna wuhrünlak khülang jihbah, tüsho kiulongthsü ching asampü ching lashihbah.”

DANIEL 5:29

Judüki Belshazzarnü thiyukhüm jih, tüsho mürümmüri khim Daniel kheak phuyujih, suna wuhrünlak ahung mükamde yukjih, tüsho kiulongthsü ching api binkiu asampü ching lapü dünkheak zhiyukjih.

DANIEL 5:7

Kiulongthsüpuhnü wurük-huhrü, thümürü tüsho Kaldearü bede azahpü zhi; tüsho kiulongthsüpuhnü Babilon lümlung larü mihtsürübo ki tha, “Shepünü ha thrütkhi khekhukba tüsho athanakkhi I ki thabanü mürümmüri khim phuyujihbah, suna wuhrünlak ahung ching lakshihbah, tüsho kiulongthsü-binkiu asampü ching labah.”

LUKNÜ ATHRÜTKHI THIYUSHEAK-ATSÜ HUHTANYU 15:22

Tüshe abuhnü yamlarübo ki tha, ‘Nahnah shulünkhim atsübe lude akhiukbah api kheak phuyujang, akhah ching khahrih yukjang tüsho ajing ching jingkhümpü yukjang.

1 SAMUEL 18:4

Jonathannü ayihkhi shulünkhim trünkhia api thirithsü zülu tüsho nukshang, sanglüh tüsho chimrümbe David kilim jih.