THRÜNTAN 41:30 - AMÜSÜH HÜM CL Bible (BSI)

³⁰ tüshe jurü dunglim kam thüne khümzung labah, tüsho muzhomopungkhi alala Ijip lomi ching mihabahbah, tüsho khümzungnü lomi thsümünimbah.

THRÜNTAN 41:30 Iomraidhean Croise

THRÜNTAN 41:21

tüshe küyimki arünü tsühabahkheanü arünü jurü tsühdo de shenü mümükheah, tümüde arübo atan nangde trukkhita akheahpü mütsüdü lang alakheah. Jushu I asürü.

THRÜNTAN 41:27

Tüsho trukkhita ashih-mükihkhi moshi thüne arü dunglim akhiukkhi ju kam thüne, tüsho aniakhiuklim pungnü yündüsükkhi aye thüne ju kam thüne khümzung ah.

THRÜNTAN 41:31

Junangde khümzung arükhinü lomi ching muzhomopungkhi mümükheahde akambah, tümüde ju khide muthsukde alabah.

THRÜNTAN 41:51

Josepnü adüjibuh mung Manase de ji tüsho tha, “Thrünpuhnü I küpkhukbo tüsho I buh yamkhün alala mihshih.”

THRÜNTAN 41:54

tüsho Josepnü athakhi nangde kam thüne khümzung arüpü tankih. Khümzung ju lomi alala ching lakheah, tüshe Ijip lomi alala ching tsühyungbe lakheah.

THRÜNTAN 41:56

Khümzung ju alomi alala ching lakheah, tüsho Josepnü jakambo alala khimshuh tüsho Ijiprübo ki yinjih. Tüsho khümzung ju Ijip lomi ching muthsukde kam.

THRÜNTAN 47:13

Kheakü lomi alala ching tsühyungbe mülade alakheah; tümüde khümzung ju khide muthsukde la, junangde Ijip tüsho Kanan lomi alala khümzung hode yiuhyiuhde kam.

2 SAMUEL 24:13

Jumonü Gadnü David kilim arübah api ki tha; anihbuhnü api ki keokhi, “Nü lomi ching kam mahsam khümzung arüba shi? Yungsho nü riribonü nü yanchoki arü müngüh khinu mahsam tsoba shi? Yungsho nü lomi ching nimung mahsam arüm laba shi? Kheakü lümakheahang, tüsho I thiyibuh kilim alokhi tümü lulobah ayübanü mokhitang.”

1 KIULONG THSÜRÜ 17:1

Kheakü Gilead ching, Tishbirü Elijanü Ahab ki tha, “Inü atankihbuh, Israel Thrünpuh, Atungpuh lale, I yu hode yungsho, arübe kam mahne yungsho mahsam ayinke yungsho tsüng marü.”

2 KIULONG THSÜRÜ 8:1

Kheakü Elishanü atsührü arhang kamloshihkhi azoberü ki tha, “Asürang, nü tüsho nü yamkhün yüang, tüsho nünü küching lakhukbanü ju ching laang; tümüde Atungpuhnü khümzung jido, tüsho ju lomi ching kam thüne arübah.”

MUNGSHIKHÜN 105:16

Judüalalashe apinü lomi ching khümzung arüshih; tüsho arü tsühyungbe alala thsümünimjih.

MÜCHITMUDU 31:7

Arünü yungshang tüsho arü mükheakmürak tüsho masühkhi mihabahshang.

ISAIA 65:16

Judüki sherünü lomi ching müngühmühi kheangbanü thiyuro Thrünpuhnü müngühjihbah, tüsho sherünü lomi ching thiyuchihchimbanü thiyuro Thrünpuh damde thiyuchihchimbah; tümütüsho akhuhlim küpkhuk mihdo tüsho I mük kinü rama lah.

LUKNÜ ATHRÜTKHI THIYUSHEAK-ATSÜ HUHTANYU 4:25

Tüshe thiyuronü, inü nüsa ki thachoh, kam mahsam kheak khinu thuruk thüning khimdobah alomi alala ching khümzung arükhi Elija nimungbo ching Israel ching khimoberü ahihkhüh lakheah;

JAKOB 5:17

Elija ju isa nangde mihtsürü lakheah tüsho tsüng marüshihpü apinü shuhmülanga jihde tamkhüntamnü, tüsho kam mahsam kheak khinu thuruk alomi ching tsüng marü.