THRÜNTAN 41:25 - AMÜSÜH HÜM CL Bible (BSI)

²⁵ Judüki Josepnü Pharao ki tha, “Pharao milimbo khülang tüsho rukhüh ah; apinü tümü rhimopü lanü Thrünpuhnü Pharao ki huhdo:

THRÜNTAN 41:25 Iomraidhean Croise

THRÜNTAN 40:8

Anenü api ki alo, “Ike chidonü milim mido, tüsho ju athanakrü she müla.” Tüsho Josepnü ane ki tha, “Athanakkhi ju Thrünpuh yo yung de? Nüke milimbo I ki thaang.”

THRÜNTAN 41:16

Jumonü Josepnü Pharao ki alo, “Ju I kheak yung; Pharaonü alunekhi Thrünpuhnü alojihbah.”

THRÜNTAN 41:26

Moshi atsü thüne ju kam thüne, tüsho aye atsü thüne ju kam thüne ah; milimbo khülang lang ah.

THRÜNTAN 41:28

Ha inü Pharao ki thado. Thrünpuhnü Pharao ki apinü arhimopü lakhi huhdo.

THRÜNTAN 41:32

Tüsho milim ju Pharao ki mahne ki huhdo, tümütüsho Thrünpuhnü ha thsakhama lah, tüsho Thrünpuhnü ha nahde adünjishihbah.

MUNGSHIKHÜN 98:2

Atungpuhnü api akhümkhit mükheahshih; apinü trükshihbo miki api thiyuro-lungki amikheak akhiukde huh.

ABEKHIT 9:14

tümütüsho hakhip a inü arüm ju nü mulong ching, nü yamlarübo le nü mihtsürübo kheak arüshihbah, junangde alomi alala ching I ruk müla de nünü amükheahbah.

ISAIA 43:9

Trükshih alala rukhüh mukhungshang tüsho mihtsürübo mukhungshang. Arü bolung shepünü ha khipkhitkhukba tüsho atsokhibo thakhukba? Arünü mütsanmükhipü arü thiyumütsanbo hande arüshang, tüsho arünü soshang tüsho thashang, “Ha thiyuro.”

DANIEL 2:45

Nünü müzüng chingnü akhiukkhi lung khülang ngü, tüshe mihtsürü khahnü yung–yinchi, müwayinchi, alo, shotoyinchi tüsho suna adütre kamde ayihnakkhi lung khülang. Ato Thrünpuhnü arübe ching tümü dünjibanü kiulongthsüpuh ki huhdo. Milim ju thiyuro tüsho athanakkhi ju akinpü thülünkhi lah.”

DANIEL 2:47

Kiulongthsüpuhnü Daniel ki tha, “Tsükjide nü Thrünpuh ju thrünpuhbo bolung Thrünpuh tüsho kiulongthsürübo bolung Atungpuh tüsho aramyu thakhita huhrü lah, tümüde nünü ha aramyu thakhita huhkhukdo.”

AMOS 3:7

Tsükjide Atungpuh Thrünpuhnü api yamlarü wukihrübo ki rama lakhi alümkhi muhuhdüa tümü she müthsü.

MATHI 24:40

Mihtsürü mahne thulu ching labah; khülang bea lubah tüsho khülang bahjihbah.

MARK 13:23

Tüshe kurhangang; inü amüngühnü alala nüsa ki thado.

EFISIA 1:17

junangde isa Atungpuh Jisu Khrista Thrünpuh, müretah Abuhnü lümlung me tüsho api mükheahkhi ching amikheak akhiukkhi nüsa kilim jihbah,

JIHUSUA 11:6

Atungpuhnü Jihusua ki tha, “ Arübo ki dütre, tümüde shido hadüchokia Israelrü khilim inü arübo laksahbah; nüsanü khora jingbo lipshakbah tüsho lolungbebo takabahbah.”

AMIKHEAKAKHIUKKHI 4:1

Ha dunglim inü kheah, tüsho kheahang, yinmi ching ripit khülang khimshuh-a lakheah. Tüsho hulipungpung nangde I ki thade inü asokhi akhuhbe düsheaknü tha, “Ha kheak akihang, tüsho ha dunglim tümü dünjipü lanü inü nü ki huhbah.”