THRÜNTAN 41:16 - AMÜSÜH HÜM CL Bible (BSI)

¹⁶ Jumonü Josepnü Pharao ki alo, “Ju I kheak yung; Pharaonü alunekhi Thrünpuhnü alojihbah.”

THRÜNTAN 41:16 Iomraidhean Croise

THRÜNTAN 37:14

Apinü anihbuh ki tha, “Nü khiung pürü le namfimihnubo tsüde lanahnü muzhobah yünü kheahang, tüsho I kilim thiyusheak lubah arüloang.” Jumonü apinü Hebron jindükhün chingnü thiyia wukhiukshih, tüsho apinü Shekem lim yü.

THRÜNTAN 40:8

Anenü api ki alo, “Ike chidonü milim mido, tüsho ju athanakrü she müla.” Tüsho Josepnü ane ki tha, “Athanakkhi ju Thrünpuh yo yung de? Nüke milimbo I ki thaang.”

THRÜNTAN 41:17

Pharaonü Josep ki tha: “Kheahang, milim ching I Nile yean zhipde alakheah.

THRÜNTAN 41:25

Judüki Josepnü Pharao ki tha, “Pharao milimbo khülang tüsho rukhüh ah; apinü tümü rhimopü lanü Thrünpuhnü Pharao ki huhdo:

THRÜNTAN 41:28

Ha inü Pharao ki thado. Thrünpuhnü Pharao ki apinü arhimopü lakhi huhdo.

2 KIULONG THSÜRÜ 6:27

Apinü tha, “Muh! Atungpuhnü nü rungshang. Inü küde thsah nü rungpü? Hi nitpung chingnü dashi yukhu nitpung chingnü?”

DANIEL 2:47

Kiulongthsüpuhnü Daniel ki tha, “Tsükjide nü Thrünpuh ju thrünpuhbo bolung Thrünpuh tüsho kiulongthsürübo bolung Atungpuh tüsho aramyu thakhita huhrü lah, tümüde nünü ha aramyu thakhita huhkhukdo.”

DANIEL 4:2

Khide Achang Thrünpuhnü I thsungkheak amütsanbo tüsho amüyinsahbebo rhimokhibo inü asühde khechoh.

ZEKARIA 4:6

Apinü I ki tha, “Ha Zerubbabel ki Atungpuh yu lah: ‘ Sühmühnü yung yungsho wunü yung, tüshe me hode lah,’ Wuto Atungpuhnü thachoh.

WÜHKHE 12:6

Tüsho Atungpuhnü tha, “Kheakü I yu aniang! Küyimki nüsa bolung wukihrü labanü, inü arü michih ching I akhiuka huhchoh tüsho inü arü kheak milim ching asukachihchoh.

LUKNÜ ATHRÜTKHI THIYUSHEAK-ATSÜ HUHTANYU 19:42

tüsho tha, “Khihni ha nü kilim tümünü mungtsü hande arübanü nünü mükheahkhülaa! Tüshe jurü nü mükbo kinü jika lah.

YUNIRÜBO RHIMO 3:12

Küyimki Peternü ju ngükhea, apinü mihtsürübo ki tha, “Israel mihtsürübo, tümü thsükhi nüsanü ha kheak müyinsahcho, yungsho isa wu yungsho isa tsakamkhinü api tsahshihkhi nangde isa kheak kheahcho?

YUNIRÜBO RHIMO 3:7

Tüsho apinü akhah tsülimnü thoa lubah düjitmusu; tüsho zukleangnü amüphü tüsho ajingmükbo düküngde kam.

1 KORINT 15:10

Tüshe Thrünpuh amüthsüm hode tümü lanü I ah, tüsho I kilim api amüthsüm akeangkeang mülakheah. Tüshe arü kheaknü inü amürangbe rhimo, ju inü yung, tüshe I lung lakhi Thrünpuh amüthsümnü ah.

2 KORINT 3:5

Isanü tümükhüh lang she isa küdahnü athsükhukkhi lah de alümkhi müla; isanü athsükhukpü ju Thrünpuh kilimnü lah.

YUZÜNGTHALO 29:29

“Aramkhi kukruk ju Atungpuh isa Thrünpuh yo ah, tüshe akhiukahuhkhibo lünnü isa tüsho isa tsührübo yo ah, junangde isanü ha yakzan anibah.