THRÜNTAN 40:19 - AMÜSÜH HÜM CL Bible (BSI)

¹⁹ Nimung mahsam dükeak chingnü Pharaonü nü bekhitbah tüsho nü sangdung khülang kheak zhinbah; tüsho wuhnubonü nü shih tsühbah.”

THRÜNTAN 40:19 Iomraidhean Croise

THRÜNTAN 40:13

Nimung mahsam dükeak chingnü Pharaonü nü dükhebah tüsho akhuhlim nünü api pung-jihrü thsükhi nangde nünü api khah ching pung jihbah.

THRÜNTAN 40:17

Muluk achangbe ching Pharao tsühyungbe dümkhi mungji alala lakheah, tüsho wuhnubonü I ku kheak mulukbo chingnü tsüh.”

THRÜNTAN 40:18

Jumonü Josepnü tha, “Ju thanakkhi ha lah: Muluk mahsam ju nimung mahsam ah.

THRÜNTAN 40:20

Kheakü nimung mahsampü ching, Pharao zübe nimung apinü anihbuh yamlarü alala thsungkheak thünio thsakham; tüsho apinü pung-jihrü azopü le yikhap-takrü azopü büne api yamlarübo miki bedarü.

THRÜNTAN 40:22

Tüshe Josepnü ane ki thanakkhi nangde, apinü yikhap-takrü azopü a wuka zhin.

THRÜNTAN 41:13

Tüsho apinü ike ki thanakkhi yande ju dünji. Apinü I rhimoyam ching yüloshih, tüshe yikhap-takbuh a wuka zhin.”

2 SAMUEL 21:10

Judüki yimlukhi kim chingnü mumükin tsüng marüyi khiungde Aia tsührü Rizpanü shungliukhim lubah anihbe thsungkheak lungto khülang kheak dütrüta pinga zo; alibenü animung wuhnubo mibo kheak marüshih, yungsho azhing ching mütüm shiwüh marüshih.

2 SAMUEL 21:6

api tsührü athrürü 7 ju isa kilim jihang, tüsho Atungpuhnü mokhitkhi Saul kiuto Gibeon kheak Atungpuh miki isanü arü wuka zhinbah.” Kiulongthsüpuhnü tha, “Inü arübo jihabahbah.”

MÜCHITMUDU 30:17

Shepünü nihbuh abuh luhmünechonü yungsho shina lachoki abe mükhemükimbanü müleangtopübo yungsho khüyakbonü api mükjibo mukiukhita tsühabahbah.

EZEKIEL 39:4

Nü tüsho bonungrü le nü lung lakhi mihtsürü alala Israel müzüngbo kheak keambah. Inü nü shihtsüh wuhnu mungjibo tüsho mütüm shiwühbo tsühshihpü jihbah;

YUNIRÜBO RHIMO 20:27

tümüde inü nüsa ki Thrünpuh lümkhi alala zhiyukpü müdukiuhlo.

GALATIA 3:13

Isa thsungkheaknü muthrumünean kamde yakzan muthrumünean chingnü Khristanü isa rhokhit, tümüde ha thrüta lah: “Shepü sangdung kheak zhinbanü muthrumünean.”

JIHUSUA 10:26

Ju dunglim Jihusuanü kiulongthsürü phüngü ju laksah tüsho arelim khiungde arü pang sangdung phüngü kheak zhina zo.

JIHUSUA 8:29

Apinü Ai kiulongthsüpuh pang ju sang kheak arelim khiungde zhin. Ani yüzahshu pang ju ayihkhipü Jihusuanü thiyukhüm jih, tüsho ju kiuto khuhto chipimurung limpeang jipa bah, tüsho ju kheak lung rhunga mujukshih, ju khihni khiungde lah.

1 SAMUEL 17:44

Goliathnü David ki tha, “I kilim arang, tüsho inü nü shihtsü thüning wuhnubo tüsho thulu ching lakhi mütüm shiwühbo kipanü.”

1 SAMUEL 17:46

Khihni ha nimung ching Atungpuhnü nü I khah ching yukjihbah, tüsho inü nü kinga yapshihbah tüsho nü ku lipshakbah; tüsho inü Filistia bonungrü ashemibo ha nimung ching thüning ching lakhi wuhnubo tüsho alo kheak lakhi mütüm shiwühbo kilim jihbah, junangde Israel ching Thrünpuh khülang lah de alomi alalanü amükheahbah,