THRÜNTAN 40:15 - AMÜSÜH HÜM CL Bible (BSI)

¹⁵ Tümüde I Ibrirü lomi chingnü ahüh-a lude tso; tüsho ha ching she inü rihyam ching binpü thülünde tümü mürhimode arünü I yuka zolah.”

THRÜNTAN 40:15 Iomraidhean Croise

THRÜNTAN 14:13

Tüshe atsokhitkhi mihtsürü khülangnü, Amorrü Mamre arüngako sangdungbo thüninde alakhi Ibrirü Abram ki thiyusheak alala jih. Mamre le akeoniorübo Eshkol tüsho Aner ju Abram müshiprü lakheah.

THRÜNTAN 39:20

Judüki Josep putungrünü api bea lubah kiulongthsürü yo aramrü zopung rihyam ching api yuk. Tüsho api rihyam ching lakheah.

THRÜNTAN 40:16

Küyimki athanakkhi ju yikhaptakrü azopünü tsüde angükhea, apinü Josep ki tha, “Inü she milim khülang mido: I ku kheak yikhap muluk mahsam lakheah.

THRÜNTAN 41:12

Ju ching aheangrü wühkenobuh yamlarü Ibri mihtsürü khülang ike lung lakheah. Ikenü api ki tha, tüsho apinü ike thsungkheak milimbo thanak; mihtsürü abande apinü nihbuh milim yande thanaka jih.

MUNGSHIKHÜN 105:18

Api jingbo wuhrünliubo ching zo, tüsho yinchilak api hung ching mükamyukjih.

MUNGSHIKHÜN 109:2

Tümüde mihbukmuyuk mün tüsho mülapmüji mün I azhihde kaa lah; arünü keangtha mulonü I azhihde asukdo.

ABEKHIT 21:16

“Shepünü mihtsürü ahüh-a lubah ayinba, yungsho api khah ching yimkhitsho api asheshihbah.

DANIEL 6:22

I Thrünpuhnü api yunirü arüshihbah kekhüzübo mün khimdoshih, junangde arünü I muyuri, tümütüsho I api miki amülim mülade ngü; tüsho nü miki she, O kiulongthsüpuh, inü amülim tümü mürhimo.”

JOHAN 10:32

Jisunü arü ki tha, “I Buh kilimnü inü rhimo atsü ahihdo nüsa kilim huhdo. Jurü rhimobo küpü dünkheak nüsanü I kingcho?”

JOHAN 15:25

Tüshe ha yakzan ching, ‘Amütsan mülade arünü I thraneando,’ de thrüta lakhi yu dünjipü lakheah.

YUZÜNGTHALO 24:7

“Mihtsürü khülang akeoniorü Israelrü tsührü rama lubah atsokhi ngükhitsho, tüsho azhorü nangde api thsümüchisho yungsho yinsho, mihrambuh ju asheshihbah; tüsho nüsanü amütsü mihtsürü nüsa bolungnü yihkhita bahang.

1 TIMOTHI 1:10

müzammüram mihtsürü, yüliyürarü, bekhide-atsorü, akeangyu tharü, arükchih thiyumütsan thsürü tüsho kingaün-yakzan alungki azhihrü thsungkheak ah.

1 SAMUEL 24:11

Abuh, nü yo shulünkhim münkheam I khah ching ha kheahang; tümüde atsütsü inü nü yo shulünkhim münkheam nipkhia lu, tüsho nü mülaksah, ha hode I kilim amülim yungsho azhihkhi müla de nünü amükheahbah. Nünü I rhangdung lupü jima lalashe, inü nü azhihde neak müyihbeak.