THRÜNTAN 4:8 - AMÜSÜH HÜM CL Bible (BSI)

⁸ Kheakü Kainnü aniurü Abel ki tha, “Ike thulu ching yüanü.” Tüsho ane thulu ching lachoki Kainnü aniurü Abel azhihde wusu tüsho api laksah.

THRÜNTAN 4:8 Iomraidhean Croise

THRÜNTAN 4:25

Kheakü Adamnü aniube kheak nung, tüsho alibenü tsührü khülang zübe tüsho amung Seth de jide tha, “Thrünpuhnü Abel müthri tsührü khülang I kilim jihdo, tümütüsho Kainnü api laksah.”

2 SAMUEL 14:6

Nü yamlaberü tsührü athrürü mahne lakheah, tüshe ane thulu chingnü keochih-a lah; ane mihrungrü she mülakheah, tüsho khülangnü khülang buh kheak king tüsho api laksah.

2 SAMUEL 3:27

Küyimki Abner Hebron lim alodarükhea, Joabnü api ki mükhingde athapü ripit limro lim bebah yü, tüsho ju ching apinü abuk ching düchip. Jumonü api Joab akhiung Asahel thiyih bukkhi dünkheaknü api she.

2 KIUTHSÜYUKHEAN 21:4

Küyimki Jehoramnü abuh kiulongthsü-binkiu kheak yükihkhea tüsho düküngde akamkhea, apinü akeoniorü alala tüsho Israel torübo khürü laksah.

NEHEMIA 6:2

Tahle Sanballat tüsho Geshem bünenü Ono dükhün kiulong ching I ane shoruang de thiyusheak jih. Tüshe ju I thsümüchipü arü rük thsükheah.

JOB HU H T ANYU 11:15

tsükjide machihdü lang nü miro dukobah; am, nü düküngde alabah, tüsho mütre.

MUNGSHIKHÜN 139:19

O, nünü mihbukmuyuk laksahkhülaa, O Thrünpuh, junangde thiyih bukpü mihtsürübo I kheaknü achamachihbah.

MUNGSHIKHÜN 36:3

Api yu asukkhibo mihbukmuyuk ah tüsho akeangyunü milah; apinü kheaküa lümlung lade arhimopü tüsho atsü rhimopü kheamabahdo.

MUNGSHIKHÜN 55:21

Api mün ching thiyubo ju shihkingkung kheaknü athünakbe, tüshe api mulong ching thirithsü lakheah; api yubo ju müdangke kheaknü athünakbe tütüshe jurübo ayuk nukshangbo lakheah.

HOSEA 4:2

Thiyuchihchim, akeangyu, mihlaksah, ahühkhi tüsho müzammüram akhiukdo; thiyih bukkhinü thiyih bukkhi yankihlah.

MIKA 7:6

tümüde tsührünü buhrü bahyukde rhimochoh, tsührübenü berü azhihde wusuchoh, tsühmeakbenü anihbe ani azhihchoh; nü riribo ju nihbuh betsührü ah.

WÜHKHE 35:20

Mihtsürü khülangnü khürü kheak mükheahnede nima adansahshihsho yungsho bindobah api kheak tümükhühnü kingsho,

MATHI 23:35

junangde thiyuro-lungkirü Abel thiyih kheaknü nüsanü arüngyam le kingaün sadam dükeak laksahkhi Berekia tsührü Zekaria thiyih khiungde, alomi ching thiyuro-lungkirü thiyih bukkhi alala nüsa kheak arübah.

LUKNÜ ATHRÜTKHI THIYUSHEAK-ATSÜ HUHTANYU 11:51

Abel thiyih kheaknü kingaün sadam le arüngakopung dükeak bukkhi Zekaria thiyih khiungde. Am inü nüsa ki thachoh, ha lün thsümüchibah.

LUKNÜ ATHRÜTKHI THIYUSHEAK-ATSÜ HUHTANYU 22:48

Tüshe Jisunü api ki tha, “Juda, nünü Mihtsürü Tsührü müthsüpde yinatsühcho de?”

IBRI 11:4

Akin hode Abelnü Kain kheaknü atsübe laksah-a kingaünkhi Thrünpuh kilim jih, ju hode Thrünpuhnü api thsambah leangkhikhinü thiyumütsan thsüde thiyuro-lungki mülükhi ngü; api shedo, tüshe api akin hode kheakü khiungde asukchoh.

IBRI 12:24

tüsho aso tangzüng limburü Jisu kilim, tüsho Abel thiyih kheaknü alü muzhode athakhi arhakkihkhi thiyih kilim.

JUDNÜ ATHRÜTKHI KIHÜM HUHTANYU 1:11

Arü are! Tümüde arünü Kain limro ching tsahchoh, tüsho Balaamnü alakmihkhi alü thsüpü lim arü küdahnü bahyukchoh, tüsho Kora azhihkhi ching dükheakchoh.