THRÜNTAN 4:2 - AMÜSÜH HÜM CL Bible (BSI)

² Jushu she alibenü aniurü Abel zübejih. Abel ju namfimihnu neakrü lakheah, tüshe Kain a thulu wochakrü lakheah.

THRÜNTAN 4:2 Iomraidhean Croise

THRÜNTAN 3:23

Jumonü Atungpuh Thrünpuhnü küpü lonü api thrünkheanü ju wochakshihpü Eden shahwün chingnü yankhitabah.

THRÜNTAN 37:13

Tüsho Israelnü Josep ki tha, “Nü khiung pürübo Shekem ching namfimihnubo kümchoh yung de? Arang, inü nü arü kilim yüshihanü.” Jumonü api ki alo, “I ha kheak lah.”

THRÜNTAN 4:1

Kheakü Adamnü aniube Eve keak nung tüsho alibe mübünkeangde kambah Kain zübejih, tüsho tha, “Inü mihtsürü khülang Atungpuh kilimnü ngüdo.”

THRÜNTAN 4:3

Kim khülang ching Kainnü yimlukhi chingnü Atungpuh kilim kingaün hande arü.

THRÜNTAN 47:3

Judüki Pharaonü api keoniorübo ki tha, “Nüsa rhimo tümü a?” Tüsho arünü Pharao ki alo, “Nü yamlarübo isa jipü lungkinü namfimihnu neakrübo ah.”

THRÜNTAN 9:20

Noa thulu thsürü thsüpü tankih, tüsho apinü kurungasolu thsü.

MUNGSHIKHÜN 127:3

Kheahang, tsührübo ju Atungpuh kilimnü yamrüplurüp lah, nuyam sangaso ju api thsambah.

ABEKHIT 3:1

Kheakü Mosanü Midiarü amükeamrü akü Jethro yo namfimihnubo neakde alakheah. Apinü namfimihnubo ju loshelo hode bede yübah Thrünpuh wung Horeb ching arü.

AMOS 7:15

tüsho Atungpuhnü I mihnu boto kümkhi chingnü bea lu, tüsho Atungpuhnü I ki tha, ‘ Yüang, I mihtsürü Israel ki müchitang.’

LUKNÜ ATHRÜTKHI THIYUSHEAK-ATSÜ HUHTANYU 11:50

Junangde alomiküp khimtanchokinü wukihrü alala thiyihbo bukkhi dünkheak ha lün thsümüchibah,

LUKNÜ ATHRÜTKHI THIYUSHEAK-ATSÜ HUHTANYU 11:51

Abel thiyih kheaknü kingaün sadam le arüngakopung dükeak bukkhi Zekaria thiyih khiungde. Am inü nüsa ki thachoh, ha lün thsümüchibah.

JOHAN 8:44

Nüsa a nüsa abuh arimri tsührü ah, tüsho nüsa abuhnü akünkhi nüsanü rhimonelah. Atankih chingnü api mihkhukrü lakheah, tüsho thiyuro ching müzhip, tümütüsho api kheak thiyuro müla. Küyimki apinü akeangyu thabanü, apinü nihbuh yakli chingnü thachoh, tümüde api akeangyu tharü ah tüsho ju abuh ah.

1 JOHAN 3:10

Ha Thrünpuh tsührübo le arimri tsührübo dükeak mütsankhi lah: Shepünü alungki mürhimocho, yungsho nihbuh keoniorü mümuzhonü Thrünpuh tsührü yung.

1 JOHAN 3:12

tüsho amütsübe lakhi tüsho aniurü laksahbuh Kain nangde düla. Tümü thsükhi apinü anihbuh laksahkhea? Tümütüsho api rhimobo amünean tüsho aniurü rhimobo thiyuro-lungki lakheah.

1 JOHAN 3:15

Shepünü nihbuh keoniorü thraneanchonü mihkhukrü ah, tüsho mihkhukrü kheak lün rhangdung müla de nüsanü mükheahlah.