THRÜNTAN 4:10 - AMÜSÜH HÜM CL Bible (BSI)

¹⁰ Tüsho Atungpuhnü tha, “Nünü tümü rhimokhea? Nü niurü thiyihnü alo chingnü I ki zhichoh.

THRÜNTAN 4:10 Iomraidhean Croise

THRÜNTAN 18:20

Tüsho Atungpuhnü tha, “Tümütüsho Sodom tüsho Gomorra azhihde azhikhi tüsho arü neak tode lah,

THRÜNTAN 3:13

Atungpuh Thrünpuhnü alibe ki tha, “Tümü thsükhi nünü ha rhimokhea?” Alibenü alo, “Phurutonü I mülapyukjih, tüsho inü tsüh.”

THRÜNTAN 9:5

Tüsho nüsa rhangdung-thiyih thsungkheaknü tsükjide inü ju dün kheangbah. Shiwüh tüsho mihtsürü aban kheaknü akheangbah. Mihtsürü aban kheaknü nihbuh keoniorü rhangdung dün kheangbah.

2 KIULONG THSÜRÜ 9:26

‘Naboth thiyih tüsho api tsührü thiyih inü yini ngükhi thsungkheak, Atungpuhnü tha, inü thiyuchihchimchoh, inü ha lo kheak nü kilim jihlobah.’ Kheakü jumonü api shuhkhitang tüsho Atungpuh yu yande api alo kheak shuh-a bahang.”

2 KIUTHSÜYUKHEAN 28:9

Tüshe ju ching Atungpuh yo wukihrü khülang lakheah, api mung Oded; apinü Samaria ching arükhi bonungrü shorupü wukhiuk, tüsho arü ki tha, “Nüsa jipürü Thrünpuh, Atungpuhnü Juda kheak bukakhiukmonü, apinü arübo nüsa khah ching jih, tüshe nüsanü bukakhiukde arü laksahkhinü yinmi khiung.

JOB HU H T ANYU 16:18

O alomi, I thiyih lüpdoa dübah; inü thiyuro zhikhi dükheamshih.

JOB HU H T ANYU 24:12

Kiutobo ching yurirü tüsho ashepü larübonü arung thsungkheak zhichoh, tüshe Thrünpuhnü arü tamkhüntamnükhi manijih.

MUNGSHIKHÜN 50:21

Nünü harü rhimodo, tüsho inü zhikde la; I ju nü ruk ah de nünü lüm; tüshe inü nü thürühbah, tüsho jurübo nü miki akhin akhinnü azobah.

MUNGSHIKHÜN 72:14

Apinü junokhi tüsho athsümünim chingnü arü rhangdung rhokhitbah; tüsho arü thiyih ju api miki shoto labah.

MUNGSHIKHÜN 9:12

Thsünüde alarü Thrünpuhnü lümkhitchoh; arünü azhikhi apinü mümih, tüsho arü ki amülim rhimorü apinü thsümüchichoh.

MUNGSHIKHÜN 9:13

I ki müthsümang, O Atungpuh ! I riribonü I thsünüshihkhi kheahang! Ashe chingnü I khümkhitang, O Atungpuh ,

ABEKHIT 3:7

Tüsho Atungpuhnü tha, “Inü atsütsü I mihtsürübo Ijip lomi ching dukmüsüpkhi ngüdo; arü azhorü kuhi chingnü khümkhitpü zhikhi inü sodo; arü thsünü alala inü mükheahlah.

ISAIA 5:7

Tümüde Wuto Atungpuh yo kurungasolu ju Israel yamkhün, tüsho Juda mihtsürü ju apinü asühde akhimkhi; apinü thiyuro mükkin thsü tüshe thiyih bukkhi ngü; thiyuro lakhi mükkin thsü tüshe atripkhi so!

WÜHKHE 35:33

Jumonü nüsanü nüsa lapung lomi dümünean; tümüde thiyihnü alo müneanchoh, tüsho ju lo ching bukkhi thiyih ju mümüsühkhitkhuk, tüshe mihtsürü laksahbah thiyihnü lang müsühkhitkhukbah.

YUNIRÜBO RHIMO 5:3

Tüshe Peternü tha, “Anania, tümü thsükhi alo yinkhi sho khürü chama zopü Amüsüh Me ki akeangyu thade nü mulong ching Arimri yüzahkhea?

YUNIRÜBO RHIMO 5:9

Tüshe Peternü alibe ki tha, “Atungpuh Me rükakipü thsüde küde thsah nükenü rukhüh mulongkhea? Kheahang, nü niubuh hande awukhiukrü lah, tüsho arünü nü she hande awukhiukbah.”

YUZÜNGTHALO 21:1

“Atungpuh nüsa Thrünpuhnü nüsa lashihpü jihkhi lo ching khürü laksah-a thulu ching yapde ngüsho, tüsho shepünü api laksahkheanü mümükheahsho,

IBRI 11:4

Akin hode Abelnü Kain kheaknü atsübe laksah-a kingaünkhi Thrünpuh kilim jih, ju hode Thrünpuhnü api thsambah leangkhikhinü thiyumütsan thsüde thiyuro-lungki mülükhi ngü; api shedo, tüshe api akin hode kheakü khiungde asukchoh.

IBRI 12:24

tüsho aso tangzüng limburü Jisu kilim, tüsho Abel thiyih kheaknü alü muzhode athakhi arhakkihkhi thiyih kilim.

JAKOB 5:4

Kheahang, nüsanü nüsa lubo ching rhimorübo ki mihkhah dün müjihrünü nüsa azhihde zhichoh; tüsho yimlurübonü azhikhi Wuto Atungpuh nükhünbo khiungdo.

JIHUSUA 7:19

Jihusuanü api ki tha, “I tsah-a, Atungpuh Israel Thrünpuh kilim müretahshang, tüsho neak alokhiang. Nünü tümü rhimokheanü I ki kheakü thaang; ju I ki düram.”

1 SAMUEL 13:11

Samuelnü tha, “Nünü tümü rhimokhea?” Saulnü alo, “ Küyimki inü mihtsürübo I kheaknü chamkhiabahde angükhea, tüsho nünü atsüngdokhi nimungbo dükeak ching nü marükhea, tüsho Filistiarü Mikmash ching trüngmukhungkhea,