THRÜNTAN 39:9 - AMÜSÜH HÜM CL Bible (BSI)

⁹ Ha yam ching I hobah sheshe ato müla; yungsho I kheaknü tümü she tukloa muzo tüshe nü lang ah, tümütüsho nü api niube ah. Dale küde thsah inü ha amütsü ato rhimopü, tüsho Thrünpuh azhihde neak yihbeakpü?”

THRÜNTAN 39:9 Iomraidhean Croise

THRÜNTAN 13:13

Tüshe Sodom mihtsürübo hodakde mihbukmuyuk tüsho Atungpuh azhihde neak yihbeaka lakheah.

THRÜNTAN 20:3

Tüshe azhing milim ching Thrünpuh Abimelek kilim arü, tüsho tha, “Nü ashebah, tümütüsho nünü ha liberü ludo; anihbe arhangkhi liberü ah.”

THRÜNTAN 20:6

Thrünpuhnü milim ching api ki tha, “Am, nü lümkhi müsühde arhimokheah de inü amükheahmonü, I azhihde inü nü neak müyihbeakshih. Jumonü inü nünü alibe müqiushih.

THRÜNTAN 20:9

Abimeleknü Abraham ji tüsho api ki tha, “Nünü isa ki tümü rhimokhea? Inü nü ki tümü amülim rhimokhi nünü I tüsho I kiulongthsü kheak neak ato hande arükhea? Nünü I ki amürhimobe rhimodo.”

THRÜNTAN 24:2

Jumonü Abrahamnü api lakhi alala kurungkheak yakzanshuhbuh ayamlarü azopü ki tha, “Muzhobah, nü khah I pho dükeak zoang,

THRÜNTAN 39:10

Junangde alibenü nimung aban Josep ki thatha she, apinü anihbe lung müyampü alibe ki mani.

THRÜNTAN 41:40

Inü nü I lomi kurungkheak zojihbah, tüsho I mihtsürü alalanü nü yukhümbo anibah; kiulongthsübinkiu ching lang I nü kheaknü atobe labah.”

THRÜNTAN 42:18

Judüki Josepnü mahsam nipü arü ki tha, “Ha rhimoang tüsho nüsa rhangdung labah, tümüde inü Thrünpuh trelah:

2 SAMUEL 11:27

Küyimki yapsu hokhea, Davidnü yüshihbah alibe ayam ching bebah arü, tüsho anihbe api niube kam, tüsho api kilim tsührü athrürü khülang zübejih. Tüshe Davidnü arhimokhinü Atungpuh masühde kam.

2 SAMUEL 12:13

Davidnü Nathan ki tha, “Inü Atungpuh azhihde neak yihbeakdo.” Nathannü David ki tha, “Kheakü Atungpuhnü nü neak bahjihdo; nü müshe.

NEHEMIA 5:15

I müngüh kovünorübonü a mihtsürübo ki jim tüsho yukhu thsungkheak nimung aban shotoyinchi 40 lude hahmülang jih. Arü yamlarübonü she mihtsürübo juno. Tüshe inü a büthsüde rhimodo, tümüde inü Thrünpuh ki wüntre jihchoh.

NEHEMIA 6:11

Inü alo, “I alihde ajikrü mihtsürü yung. Arüngyam ching jikde I rhangdung khümkhitbah de nünü lümcho shi? Inü jude müthsü.”

JOB HU H T ANYU 31:23

Tümütüsho Thrünpuh kilimnü athsümüchibe ju inü trede alakheah, inü küyimkishe müthsükhuk.

MUNGSHIKHÜN 51:4

Nü azhihdü lang inü neak yihbeakdo, tüsho nü miki tümü amütsüanü rhimodo. Junangde nünü asukchoki nü alim ngübah; tüsho nünü mahkhapchoki amudopü müla.

ABEKHIT 20:14

“Nünü müzammüram düyihbeak.

MÜCHITMUDU 6:29

Jumonü püpürü mihtsürü niuberü lung müyamkhi ju api yung de; anihbe qiurü sheshe müthsümüchidüa mutso.

MÜCHITMUDU 6:32

Shepü aliberü kheak müzammüram yihbeakchonü anikhitkhi mülachoh; shepünü jude thsüchonü nihbuh thsümünimchoh.

T H S AN GYU T H S AN GR ARÜ 7:26

Ashekhi kheaknü akhüh liberü ju azheang lakhi inü yimkhit, shepü mulong qimürip tüsho keangbo la, shepü khahbo wuhrünliubo la; shepünü Thrünpuh asühshihchonü anihbe kheaknü atsokhibah, tüshe aneakrü a anihbenü tholochoh.

JEREMIA 28:16

Jumonü Atungpuhnü ha thachoh: Inü nü alomi kheaknü yihkhita bahpü thsüchoh. Ha kam ching nü ashebah, tümütüsho nünü Atungpuh azhihde asukdo.”

JEREMIA 50:7

Arü ngürü alalanü arü tsühabahdo, tüsho arü riribonü tha, “ Isa amülim müla, tümütüsho arünü thiyuro rimlopung, Atungpuh , arü jipürü mulonglam Atungpuh azhihde neak yihbeakdo.”

LEVI 20:10

Athrürü shepünü nihbuh yamhingrü niuberü kheak müzammürambanü, müzammürambuh tüsho müzammürambe ane chido dükde asheshihbah.

LEVI 6:2

Küyimki nüsa khürünü yamhingrü ki zomukhungkhi yungsho thiyuchihchimkhi ching mülapyukde yungsho ahühmudode, Atungpuh azhihde neak yihbeakbanü yungsho nünü yamhingrü junosho,

WÜHKHE 32:23

Tüshe nüsanü jude müthsüsho, mütsanang, nüsanü Atungpuh azhihde neak yihbeakdo; tüsho nüsa neaknü nüsa yimkhitbah de mütsanang.

LUKNÜ ATHRÜTKHI THIYUSHEAK-ATSÜ HUHTANYU 12:48

Tüshe shepünü mümükheahkhea, tütüshe ashikpü thülünde lakmihsho nükde ashikbah. Tümütüsho shepü kilim hihde jih-a lanü, api kilimnü hihde akheangbah; tüsho ju kheaknü alü jihbuh kilimnü alübe kheangbah.

1 KORINT 4:2

Kheaküshe atoathüprübo ju thiyuro lapü yihnüpü lah.

TITA 2:10

yungsho arü kheaknü mahühbeah, tüshe arü kheak dükde mulonglam lakhi huhbeah, junangde lüpdükhi limro ching arünü isa khümkhitrü Thrünpuh dünkheak thsangyukhi alunebe kamshihbah.

IBRI 13:4

Alalanü yamkhün thsükhi wüntre labeah, tüsho yamkhün thsükhi yappung amümüsüh dükamshih; tümüde Thrünpuhnü yüliyüra tüsho müzammüram mahkhapbah.

1 JOHAN 3:9

Thrünpuh tsührü shenü she neak müyihbeakchoh, tümüde api kheak Thrünpuh yakli lah, tüsho apinü neak yihbeakpü mukuk tümütüsho api ju Thrünpuh tsührü ah.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.