THRÜNTAN 39:6 - AMÜSÜH HÜM CL Bible (BSI)

⁶ Junangde api lakhi alala Josep khah ching jih, tüsho anihbuhnü tsühyungkhi kheak hode apinü tümü mümükheahde alakheah. Tüsho Josep ju trungdung tüsho akheahpü atsü lakheah.

THRÜNTAN 39:6 Iomraidhean Croise

THRÜNTAN 29:17

Lea mük atsü, tüshe Rachel trungdung atsü tüsho akheahakham lakheah.

THRÜNTAN 39:23

Rihyam aheangrünü Josep khah ching lakhi tümü she mükheahlüng, tümütüsho Thrünpuh api lung lakheah; tüsho tümüpürü apinü arhimokheanü, Atungpuhnü ju akuk ngüshih.

THRÜNTAN 39:4

Junangde api miki Josep amuzho ngü, tüsho api tankih. Apinü anihbuh ju api yam kheahrü kamshih, tüsho api lakhi alala akhah ching jih.

THRÜNTAN 39:8

Tüshe apinü reanglo tüsho api putungrü niube ki tha, “Kheahang, thüyam ching I lung lakhi I putungrünü mümükheah, tüsho anihbuhnü api lakhi alala I khah ching jihdo.

THRÜNTAN 43:32

Arünü Josep dükhüm khülang kheak tüsho api keoniorübo püpü kheak shua zojih. Arü lung tsühyungkhi Ijiprübo büthsüde ahiuhakhip, tümütüsho Ijiprünü Ibrirü kinü müyimtsühkhuk, tümüde ju Ijiprü ki athraneanbe lakheah.

MÜCHITMUDU 31:11

Anihbe yamkhünbuhnü alibe kheak mulongram alala lah tüsho api alü mülade müthsü.

LUKNÜ ATHRÜTKHI THIYUSHEAK-ATSÜ HUHTANYU 16:10

“Shepünü anükbe ching thiyuro lanü ahihkhüh ching she thiyuro labah; tüsho shepünü anükbe ching thiyuro mülanü ahihkhüh ching she thiyuro lapü yung.

LUKNÜ ATHRÜTKHI THIYUSHEAK-ATSÜ HUHTANYU 19:17

Tüsho apinü anihbuh ki tha, ‘Tsüde rhimodo, yamlarü atsü; tümütüsho nünü khide aninikhüh khülang ching thiyuro lado, kiuto 10 kurungkheak thiyukhüm-sühmüh ahoriang.’

YUNIRÜBO RHIMO 7:20

Ju kim ching Mosa zübe, tüsho Thrünpuh miki akhamde alakheah. Tüsho api ju abuh yam ching khinu mahsam mütrü;

1 SAMUEL 16:12

Apinü thiyia yüshihbah anihbuh bede yüzah. Kheakü api shihphü atsü, mük akheahakham, tüsho trungdung atsü lakheah. Atungpuhnü tha, “Wusuang tüsho api mujude-mokhitang; tümüde ha buh ah.”

1 SAMUEL 17:42

Küyimki Goliathnü David ngükhea, apinü münejih, tümüde api athunu, mürümmürido tüsho trungdung atsü lakheah.