THRÜNTAN 39:4 - AMÜSÜH HÜM CL Bible (BSI)

⁴ Junangde api miki Josep amuzho ngü, tüsho api tankih. Apinü anihbuh ju api yam kheahrü kamshih, tüsho api lakhi alala akhah ching jih.

THRÜNTAN 39:4 Iomraidhean Croise

THRÜNTAN 15:2

Tüshe Abramnü alo, “ Atungpuh Thrünpuh , nünü I tümü jihba, tümütüsho I a tsührü mülade lah, tüsho I yamrüplurüp lupü thsüde Damaskarü Eliezer lah?”

THRÜNTAN 18:3

tüsho apinü tha, “I tungpuh, muzhobah I hode düyü.

THRÜNTAN 19:19

Kheakü nüsa yamlarü nüsa miki amuzho ngüdo, tüsho I rhangdung khümkhitkhi huhde nüsanü amüthsüm alü kamshihdo; inü awungbo ching tsokhide müyükhuk; ha thsümütsünü I yanphuhbah tüsho I ashebah.

THRÜNTAN 24:2

Jumonü Abrahamnü api lakhi alala kurungkheak yakzanshuhbuh ayamlarü azopü ki tha, “Muzhobah, nü khah I pho dükeak zoang,

THRÜNTAN 32:5

I moshipungbo, donkibo, mihnu boto, tüsho athrürü le aliberü yamlarübo lah; tüsho nü miki I amuzho ngüshihpü inü I tungpuh ki thapü arüshihchoh.”’”

THRÜNTAN 33:10

Tüsho Jakobnü tha, “Yung, muzhobah, I nü miki amuzho ngüa lasho, I khah chingnü I thsambah leangkhiang; nü miro ngükhi inü Thrünpuh miro ngükhi nangde lah, tüsho nünü I ki asühdo.

THRÜNTAN 33:8

Judüki Esaunü tha, “Inü ashorukhi boto alala ha amütsan tümü a?” Tüsho apinü alo, “Harü ha I tungpuh miki amuzho yimpü lah.”

THRÜNTAN 39:8

Tüshe apinü reanglo tüsho api putungrü niube ki tha, “Kheahang, thüyam ching I lung lakhi I putungrünü mümükheah, tüsho anihbuhnü api lakhi alala I khah ching jihdo.

1 KIULONG THSÜRÜ 16:9

Tüshe api yo atorü Zimri, api khora-lolungbe chamkhüh kurungkheak limthobuhnü api azhihde rük yim. Api ju Tirza ching kiulongthsürü yam aheangbuh Arza yam ching müshanga yapchoki,

ESTER 2:9

Hegainü Ester kheak mulong keam, tümüde apinü alümkhi nangde alibenü rhimo. Alibe akheahakhamshihpü apinü kim dükdü ching mujumürade thsülüpjih tüsho tsühyungpü akeake akhin. Apinü Ester kilim anünürü thüne anihbe tankihshihpü mokhita jih tüsho kiulongthsürü lapung atsüdakbe ching lashih.

MÜCHITMUDU 14:35

Kiulongthsüpuh muzho ju lümlung lakhi yamlarü kilim lah, tüshe api bukakhiukkhi ju achih ngüshihrü azhihde lah.

MÜCHITMUDU 16:7

Küyimki mihtsürü limrobonü Atungpuh asühshihbanü, apinü anihbuh riribo she api lung mungtsü lashichoh.

MÜCHITMUDU 17:2

Lümlung lakhi yamlarünü achih ngüshihkhi tsührü kurungkheak yakzan shuhbah, tüsho keoniorü bolung yamrüplurüp chamachihbah.

MÜCHITMUDU 22:29

Mihtsürü khülang api rhimo ching yeanzamkhi nünü ngüchonah? Api kiulongthsürübo miki zhipbah; api a mümükheahkhi mihtsürübo miki müzhip.

MÜCHITMUDU 27:18

Shepünü khubasodung kümchonü ju sangaso tsühbah; junangde shepünü nihbuh putungrü aleangchonü wüntre jihbah.

MÜCHITMUDU 3:4

junangde nünü Thrünpuh tüsho mihtsürü miki amuzho tüsho mung atsü ngübah.

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

RUTH 2:6

Tüsho abebuhnü alo, “ Api Naomi lung arükhi Moabberü ah.

1 SAMUEL 16:22

Saulnü Jesse kilim thiyia yüshihde tha, “David I tankihpü ching lashang, tümüde I mük ki api tsüde ngüdo.”

1 SAMUEL 2:26

Kheakü azübuh Samuel ju trungdung tüsho Atungpuh le mihtsürübo mürühkhi ching zode kam.