THRÜNTAN 39:3 - AMÜSÜH HÜM CL Bible (BSI)

³ Api lung Atungpuh lakhi anihbuh putungrünü ngü tüsho api khah rhimo alala Atungpuhnü akuk ngüshih.

THRÜNTAN 39:3 Iomraidhean Croise

THRÜNTAN 21:20

Junangde azübuh lung Thrünpuh lakheah; api zode asürü tüsho sunglo ching lade sanglüh-kiprü khülang kam.

THRÜNTAN 21:22

Ju kim ching Abimelek tüsho api bonungrü limthobuh Phikol anenü Abraham ki tha, “Nünü arhimokhi lüpdükhi ching Thrünpuh nü lung lah.

THRÜNTAN 21:23

Jumonü kheakü, I le I tsührü yungsho I tsühsoniusobo kheak mülimde mürhimopü I ki thiyuchihchimang. Nü hanrü thsüde alakhi lo ching inü nü ki huhkhi nangde I tüsho alomi ki amuzho huhang.”

THRÜNTAN 26:24

Ju tsüngre Atungpuh api ki akhiuk tüsho tha, “I nü buh Abraham Thrünpuh ah; dütre, tümüde I nü lung lah. Inü I yamlarü Abraham thsülimnü nü müngühjihbah tüsho nü tsühsoniusobo bushihbah.”

THRÜNTAN 26:28

Tüshe arünü tha, “Atungpuh nü lung lah de isanü tsükjide ngüdo. Jumonü isanü thachoh, nü tüsho isa dükeak thiyuchihchim khülang lashihanü, tüsho isanü nü kheak tangzüng khülang thsanü,

THRÜNTAN 30:27

Tüsho Labannü api ki tha, “I nü miki tsüde ngüa lasho, muzhobah binloang, tümüde nü thsülimnü Atungpuhnü I müngühjihdo de akin hode inü anikhitdo.”

THRÜNTAN 30:30

Tümüde I marüyichoki nü anikhüh lakheah, tüshe kheakü ahihkhüh kamdo; I arü shunü Atungpuhnü nü müngühjihdo. Tüsho kheakü, I yamkhün thsungkheak inü küyimki rhimoba?”

THRÜNTAN 39:2

Josep lung Atungpuh lakheah, tüsho api akuk ngürü mihtsürü lakheah; tüsho api ju anihbuh putungrü Ijiprü yam ching lakheah.

THRÜNTAN 39:21

Tüshe Josep lung Atungpuh lakheah tüsho api ki amüthsüm huh, tüsho rihyam aheangrü miki api amuzho ngüshih.

THRÜNTAN 39:23

Rihyam aheangrünü Josep khah ching lakhi tümü she mükheahlüng, tümütüsho Thrünpuh api lung lakheah; tüsho tümüpürü apinü arhimokheanü, Atungpuhnü ju akuk ngüshih.

2 KIULONG THSÜRÜ 18:7

Atungpuh api lung lakheah; api yüpung alala ching akuk ngü. Apinü Asiria kiulongthsüpuh azhih tüsho api mütankih.

1 KIUTHSÜYUKHEAN 22:13

Judüki Israel thsungkheak Atungpuhnü Mosa ki thiyukhüm jihkhi yakzan thsükhibo tüsho thiyuzüngbo kümkangde yansho nü akuk ngübah. Reangzahang tüsho mulong toang. Dütre yungsho mulong dünini.

1 KIUTHSÜYUKHEAN 9:20

Tüsho Eleazar tsührü Phinehas ju akhuhlim kimbo ching arü kurungkheak akubuh lakheah; api lung Atungpuh lakheah.

2 KIUTHSÜYUKHEAN 1:1

David tsührü Solomonnü api kiulongthsü düküngde kamshih; Atungpuh api Thrünpuh anihbuh lung lakheah tüsho api khide ato kamshih.

2 KIUTHSÜYUKHEAN 26:5

Atungpuh trekhi ching api thsangdanbuh Zekaria nimungbo ching apinü Thrünpuh yimpü thsakham; tüsho apinü Atungpuh yimkhi amuyung, Thrünpuhnü api müngühjih.

NEHEMIA 2:20

Inü alo, “Yinmi Thrünpuhnü isa akuk ngüshihbah. Isa api tankihrünü thüyam thsüpü tankihbah. Tüshe nüsa Jirusalem yamrüplurüp lupü alim müla tüsho ju ching nüsa shihcham müla.”

MUNGSHIKHÜN 1:3

Api ju ayung yean mukhuhkhi sangdung khülang kiphahlah, akheahmünchi ching aso asochoh tüsho ayü yiuhamübah. Apinü arhimokhi alala ching akuk ngüchoh.

ZEKARIA 8:23

Wuto Atungpuhnü ha thachoh: Judüki nimungbo ching trükshih yutha aban chingnü mihtsürü 10nü Jihudarü 1 kheak ramlobah, api khimmih kheak zamlobah athabah, “ Isa nü lung yüanü, tümüde Thrünpuh nü lung lah de isanü sodo.”

MATHI 5:16

Mihtsürübo miki nüsa ayin tahshang, junangde arünü nüsa rhimo atsü ngübah tüsho yinmi ching nüsa Abuh müretahbah.

1 KORINT 16:2

Amu-khip akhuhbe nimung nüsa mihbüm abannü nihbuh lalim ayannü tümükhüh zomukhungang, junangde küyimki I arübanü müthrezüthredo.

YUZÜNGTHALO 2:7

“Tümüde Atungpuh nüsa Thrünpuhnü nüsa khah rhimokhi alala ching müngühjihdo. Apinü nüsa ha sunglo ato hode keaksahde atsahkhi mükheahlah. Ha kam yirü Atungpuh nüsa Thrünpuh nüsa lung lado; tüsho nüsa tümü she müngüde müla.

JIHUSUA 1:9

Reangzahpü tüsho mulonglampü inü nü ki thiyukhüm jihdo de lümkhitang! Dütre tüsho mulong dünini, tümüde Atungpuh nü Thrünpuh, nü küching küching yüyü she nü lung lah.”

AMIKHEAKAKHIUKKHI 3:9

Arimri sinagog ching larübo, arü Jihudarü ah de akeangyu tharü nü jing ki khukningshihbah tüsho inü nü muzhokhi mükheahshihbah.

1 SAMUEL 18:14

Davidnü arhimokhi alala ching akuk ngü; tümüde Atungpuh api lung lakheah.

1 SAMUEL 18:28

Tüshe küyimki David lung Atungpuh lah de Saulnü alümlokhea, tüsho Saul tsührü Mikalnü api muzhokhea,

1 SAMUEL 3:19

Samuel zode akamchoki, Atungpuh api lung lakheah tüsho api yu tümü lang she alo kheak mayokhishih.