THRÜNTAN 38:26 - AMÜSÜH HÜM CL Bible (BSI)

²⁶ Jumonü Judanü jurü mütsan tüsho tha, “I kheaknü alibe alü thiyuro-lungki lado, tümütüsho inü anihbe I tsührü Shela kilim müjih.” Tüsho apinü alibe kheak mümüyamlodebah.

THRÜNTAN 38:26 Iomraidhean Croise

THRÜNTAN 37:33

Apinü ju kheahkhit tüsho tha, “Ha I tsührü shulünkhim ah. Mütüm shiwüh khürünü api tsühdo. Josep a atsütsünü adütre kamde thonakdo.”

THRÜNTAN 38:14

Jumonü alibenü anihbe khimoberü khimmihbo yihkhitbah adukiubenü anihbe hingdo, tüsho Timna limro kheak bin; tümüde Shela zokhi anihbenü ngü tüshe alibe ju aniube thsüpü müjihde alakheah.

THRÜNTAN 4:1

Kheakü Adamnü aniube Eve keak nung tüsho alibe mübünkeangde kambah Kain zübejih, tüsho tha, “Inü mihtsürü khülang Atungpuh kilimnü ngüdo.”

2 SAMUEL 16:22

Jumonü arünü Absalom khilim thüyam kumung khimyam thsüjih; tüsho Absalomnü yübah Israel alala mikinü abuh hanniubebo kheak nung.

2 SAMUEL 20:3

Davidnü Jirusalem ching api yam lim arü; tüsho kiulongthsüpuhnü thüyam kümpü lashihkhi hanniube 10 lu, tüsho arübo thüyam ching aheangshih, tüsho apinü arü kheak munung. Jumonü arübo ashe khiungde khimoberü nangde rihdoa la.

2 SAMUEL 24:17

Küyimki Davidnü mihtsürü thsümünimde alakhi yunirü ju angükhea, apinü Atungpuh ki tha, “I langzünü neak yihbeakdo, tüsho I langzünü mihbukmuyuk rhimodo; tüshe harü namfimihnubonü tümü rhimoa la? Inü tamkhüntamnüchoh, nü khahnü I tüsho I buh yamkhün kheak azhihang.”

JOB HU H T ANYU 4:5

Tüshe kheakü ha nü kilim arüdo tüsho nü küpkhukchoh; hanü nü qiuchoh, tüsho nü mulong ninishihchoh.

JOB HU H T ANYU 40:5

Inü khülang ki asukdo, tüsho inü malo; mahne ki, tüshe kheaküa müthalo.

EZEKIEL 16:52

Nü achih arümang, tümüde nünü nü chi pürü thsungkheak thiyumütsan khürü jihdo. Tümütüsho nü neakbo ju arü kheaknü alü mütsüdakde alakheah. Arübo nü kheaknü alü thiyurolungki akhiukdo. Jumonü achihang tüsho nü mungchih arümang, tümüde nünü nü chi pürü thiyuro-lungki akhiukshihdo.

HABAKKUK 1:13

Nü mükbo ju amütsü ngüpü khide tsangkhitlah, tüsho nünü amülim-rhimo kheak mükheahkhuk; tümüde nünü mülapmüji kheak kheahcho le, tüsho mihbukmuyuknü arü kheaknü thiyurolungkirü lakhi muyuchoki zhikde lacho le?

MATHI 3:8

Jumonü mulong müthrikhi thülünde aso asoang,

JOHAN 8:9

Judüki sherünü ju sokheanü, arü küdah thsüde lümkhiungbah azopünü akhuhbah khülang khülangnü tsoabah. Alibe ju ching zhipde Jisu zangrü aning.

ROMRÜ KILIM PAULNÜ ATHRÜTKHI KIHÜM HUHTANYU 13:12

azhing tsodo, animung thünina lah. Jumonü isanü azhing rhimobo tukloanü tüsho ayin zülu yihanü;

ROMRÜ KILIM PAULNÜ ATHRÜTKHI KIHÜM HUHTANYU 3:19

Kheakü tümüpürü yakzannü thachonü yakzan bukkhüp larü ki thachoh de isanü mükheahlah, junangde mihbüm aban mün tuklobah, tüsho alomiküp athrünkhi Thrünpuh mahkhapkhi khüp lah.

1 SAMUEL 24:17

Apinü David ki tha, “Nü a I kheaknü khide thiyuro ah; tümüde inü nü ki amütsü rhimo she nünü a I ki atsü rhimodo.

1 SAMUEL 24:18

Atungpuhnü I nü khah ching yukjihbah nünü I mülaksahde I ki atsü rhimokhi khihni nünü huhdo.