THRÜNTAN 38:24 - AMÜSÜH HÜM CL Bible (BSI)

²⁴ Khinu mahsam bande hobah, Juda ki tha, “Nü tsühmeakbe Tamar müzammüram ahoria lah; müzammüramkhinü anihbe khungarü lah.” Jumonü Judanü tha, “Alibe bekhitang tüsho anihbe takabahang!”

THRÜNTAN 38:24 Iomraidhean Croise

THRÜNTAN 20:3

Tüshe azhing milim ching Thrünpuh Abimelek kilim arü, tüsho tha, “Nü ashebah, tümütüsho nünü ha liberü ludo; anihbe arhangkhi liberü ah.”

THRÜNTAN 20:7

Kheakü jumonü mihtsürü niube jihloang; tümüde api wukihrü ah, tüsho apinü nü thsungkheak tamkhüntamnüjihbah tüsho nü alabah. Tüshe nünü anihbe müjihlosho, tsükjide nü le nü mihtsürü alala shebah de mükheahang.”

THRÜNTAN 20:9

Abimeleknü Abraham ji tüsho api ki tha, “Nünü isa ki tümü rhimokhea? Inü nü ki tümü amülim rhimokhi nünü I tüsho I kiulongthsü kheak neak ato hande arükhea? Nünü I ki amürhimobe rhimodo.”

THRÜNTAN 34:31

Tüshe anenü alo, “Apinü isa niurü müzammüramrü nangde arhimobea de?”

THRÜNTAN 38:23

Judüki Judanü tha, “Kukrukbo anihbe lushang, jude yungsho isa achih ngübah; tümüde inü ha mihnu nunu mühah tüshe nünü alibe müyimkhit.”

2 SAMUEL 12:5

Judüki Davidnü mihtsürü kheak alü abukakhiuk. Apinü Nathan ki tha, “Atungpuh mung tamde thachoh, mihtsürü shepünü hade arhimokheanü ashepü thülünlah;

2 SAMUEL 12:7

Nathannü David ki tha, “Mihtsürü ju nü ah! Atungpuh Israel Thrünpuhnü ha thachoh: Inü nü Israel kurungkheak kiulongthsürü thsüpü mujude-mokhit, tüsho inü nü Saul khah chingnü khümkhit;

T H S AN GYU T H S AN GR ARÜ 7:26

Ashekhi kheaknü akhüh liberü ju azheang lakhi inü yimkhit, shepü mulong qimürip tüsho keangbo la, shepü khahbo wuhrünliubo la; shepünü Thrünpuh asühshihchonü anihbe kheaknü atsokhibah, tüshe aneakrü a anihbenü tholochoh.

JEREMIA 2:20

Ashang tsodo, nünü nü sangkaplak yihshak tüsho thiyuchihchim yihshakabah, tüsho nünü tha, “ Inü mütankih!” Awung achang abande tüsho sangdung phüyak aban khüp müzammüramrü nangde nünü yap.

JEREMIA 3:1

Athrürü khülangnü aniube bahbah api kinü tsosho tüsho püpürü thrürü niuberü kamsho, apinü alibe kilim yüloba de? Hadürü lo ju tode mümüneanba de? Nünü müyamrü ahihdo kheak müzammüramdo; tüsho nü I kilim arüloba de? Atungpuhnü thachoh.

JEREMIA 3:6

Kiulongthsüpuh Josia nimungbo ching Atungpuhnü I ki tha: Anihbenü arhimokhi nünü ngünah, akin mülakhi khülang, Israel, künangde anihbenü awung aban yükihkhea tüsho sangdung phüyak aban khüp müzammüram rhimokhea?

JEREMIA 3:8

Akin mülakhi, Israel, müzammüramkhi hode abahkhi yukhüm jihbah alibe inü atsoshihkhi anihbenü ngü; tütüshe dükde mülakhi anihbe achi Judanü mütre, tüshe anihbe she yü tüsho müzammüram rhimo.

EZEKIEL 16:15

Tüshe nünü nü akheahakhamkhi ching mulonglam tüsho nü mungthu lakhinü müzammüram ahori. Nünü atsahhorü khürü kheak müzammüram thsüde nü arü yo kamshih.

EZEKIEL 16:25

Limro ku aban kheak nünü kingaün dangpungbo thsü tüsho atsahhorü aban ki nü küdah alü müzammüramde nü akheahakham thsümünim.

EZEKIEL 16:26

Nünü nü shihkünkhi nü phünirü Ijiprü kheak müzammüram thsü, tüsho alü müzammüramkhinü I bukakhiukshih.

EZEKIEL 16:28

Nünü Asiriarü kheak she müzammüram, tümütüsho nü reangmükeamde alakheah; tüsho ju dunglim she nü reangmükeamde alakheah.

EZEKIEL 16:41

Arünü nü yambo takkheambah tüsho aliberübo mikinü nü thsümüchibah. Inü nü müzammüram tukloshihbah, tüsho kheaküa nünü nü muzhorü ki müjihchung.

EZEKIEL 23:19

Tütüshe alibenü anihbe anünü nimungbo ching Ijip lomi ching müzammüramkhi lümkhitde müzammüram alü kamshih

EZEKIEL 23:44

Tümüde khürünü müzammüramrü kheak yükhi nangde arünü ane kheak yüdo. Hanangde arünü yüliyüra liberü Ohola tüsho Oholiba kheak yü.

EZEKIEL 23:5

Oholanü anihbe I yo lachoki müzammüram thsü; alibenü anihbe muzhorü Asiriarü, thirithsürübo mürüh,

HOSEA 2:5

Tümüde arü abenü jilihjikhün ahorido; alibe shepünü arü zübekheanü achihbe rhimodo. Tümüde anihbenü tha, “ Inü I muzhorübo dunglim yübah; arünü I kilim yikhap tüsho ke jihchoh, khimlamlam, khimthünak, müdangke tüsho yukhu jihchoh.”

HOSEA 3:3

Tüsho inü alibe ki tha, “ I lung nimung ashang labah; nünü püpü thrürü kheak yüliyüra, müzammüram müthsübeah, tüsho I nü lung labah.”

HOSEA 4:15

Nünü yüliyüra ahoriri she, O Israel, Juda amülim dükamshih. Gilgal ching düyüzah, yungsho Beth-aven ching duwutu, tüsho “Atungpuh lale,” de thiyuchihchim düthsü.

LEVI 20:10

Athrürü shepünü nihbuh yamhingrü niuberü kheak müzammürambanü, müzammürambuh tüsho müzammürambe ane chido dükde asheshihbah.

LEVI 21:9

Amükeamrü tsührübe khülangnü müzammüramde nihbe zangrü thsümünimsho, alibenü abuh mungchihshihchoh; anihbe ju monü takabahbeah.

ROMRÜ KILIM PAULNÜ ATHRÜTKHI KIHÜM HUHTANYU 14:22

Nü akin lakhi ju nü le Thrünpuh dükeak zoang; apinü am de alümkhi ching nihbuh küdah thsüde mübahyukrü asühpü.

YUZÜNGTHALO 24:16

“Tsührübo dünkheak buhrübo müsheshih, yungsho buhrübo dünkheak tsührübo müsheshih; nihbuh neak dünkheak mihtsürü khülang ju asheshihbah.

MAHKHAPRÜ 19:2

Tüshe alibenü api ki thiyuro mülakheah. Alibenü api bahjihbah Juda ching lakhi Bethlehem ching abuh yam lim alode yü, tüsho ju ching khinu phüyi amuyung lakheah.