THRÜNTAN 37:8 - AMÜSÜH HÜM CL Bible (BSI)

⁸ Akhiung pürünü api ki tha, “Nünü isa kurungkheak kiulongthsüpü? Yungsho nünü isa kurungkheak yakzan shuhpü?” Jumonü api milimbo tüsho api yubo dünkheaknü arünü alü api mükheahnede kam.

THRÜNTAN 37:8 Iomraidhean Croise

THRÜNTAN 27:41

Jumonü abuhnü api müngühjihkhi dünkheak Esaunü Jakob lungkhangde kam, tüsho Esaunü amulong ching tha, “I buh dünkheak tüzhopü nimungbo thüninde lah; jushu inü I niurü Jakob laksahbah.”

THRÜNTAN 37:4

Tüshe küyimki arü abuhnü akeoniorübo alala kheaknü api alü muzhokhi akhiung pürünü angükhea, arünü api mükheahnede kam, tüsho api ki amuzho yu müthakhukde alakheah.

THRÜNTAN 37:9

Judüki api milim püpü mi tüsho akhiung pürü ki tha, “Inü milim püpü mido. Kheahang, ani, khinu, tüsho chining 11nü I ki khukningdo.”

THRÜNTAN 42:10

Tüsho arünü api ki alo, “Yung, isa tungpuh, nü yamlarübo tsühyungbe thulopü arükheah.

THRÜNTAN 44:18

Judüki Judanü api thüninde yü tüsho tha: “O I tungpuh, muzhobah nü yamlarünü I tungpuhnü sode thiyu khülang thashang; tümüde nü a Pharao ruk ah.

THRÜNTAN 49:26

Nü buh pürü müngühmühi ju jipü müzüngbo, adüso wungbo hihdakkhi kheaknü atobe ah; jurübo Josep ku kheak, api keoniorübo kheaknü achamkhikhi kingkang kheak lashang.

THRÜNTAN 50:18

Judüki api keoniorübonü she yü tüsho api miro ki mükhüm tüsho tha, “Kheahang, isa nü yamlarübo ah.”

MUNGSHIKHÜN 118:22

Thüyam thsürünü abahyukkhi lung ju amühit-lung adungtobe kamdo.

ABEKHIT 2:14

Mihtsürü junü alo, “Shepünü nü isa kurungkheak yakzanshuhrü tüsho mahkhaprü kamshihkhea? Nünü Ijipbuh laksahkhi ruk thsü I she alaksahpü lümcho de?” Judüki Mosanü tre tüsho lüm, “Inü arhimokhi mükheahabahdo.”

LUKNÜ ATHRÜTKHI THIYUSHEAK-ATSÜ HUHTANYU 19:14

Tüshe api mihtsürübonü anihbuh thranean, tüsho yunithsürü khülang api dunglim yüshihde tha, ‘Isanü ha mihtsürü isa kurungkheak kiulong müthsüshih.’

LUKNÜ ATHRÜTKHI THIYUSHEAK-ATSÜ HUHTANYU 20:17

Apinü arü kheak kheahbah tha, “Dale tüsho ha thrüta lakhi ju tümü a: ‘Thüyam-thsürübonü abahyukkhi lung ju amühit-lung adungtobe kamdo’?

YUNIRÜBO RHIMO 7:35

“Ha buh Mosa, shepü arünü, ‘Shepünü nü isa kurungkheak yakzanshuhrü tüsho mahkhaprü kamshihkhea?’ de reanglode athabuh thsü Thrünpuhnü api ki sangrung ching yunirü akhiukbuh khah hode yakzanshuhrü tüsho abekhitrü chido kamde thiyi.

YUZÜNGTHALO 33:16

api lo atsü alalanü mishang, sangrung aniukhi ching lakhi Atungpuhnü müngühshang. Harü müngühmühi trük kheak arüshang, tümütüsho khiungmungrü bolung api limberü lakheah.

IBRI 10:29

Shepünü Thrünpuh tsührü jing khüp jungde, api tsangkhitkhi tangzüng thiyih müneankhea, tüsho amüthsüm Me mükhemükimrü küdükhüh she athsümüchipü thülünba de nüsanü lümcho?

1 SAMUEL 10:27

Tüshe amüthülünkhi mihtsürü khürünü tha, “ Ha buh mihtsürünü küde thsah isa khümkhitkhukpü?” Arünü api mükhemükim thsü tüsho api kilim thsambah lubah marüjih. Tüshe apinü amüsomürang thsüabah.

1 SAMUEL 17:28

Akhiung azopü Eliabnü mihtsürübo ki apinü athakhi so; tüsho Eliabnü David kheak alü bukakhiuk. Apinü tha, “ Tümü thsüpü nü akikhea? Sunglo ching nünü namfimihnu anükhüh thsü she ki zojihla? Nü rük thsükhi tüsho nü mulong ching amütsü lümkhi inü mükheahlah; tümüde nü a le keochihkhi kheahpü lang akia lah.”

1 SAMUEL 18:8

Saulnü khide bukakhiuk, tümüde ha thakhinü api masühde kam. Apinü tha, “ Arünü David ki chithürü thürübo tha, tüsho I ki chithürübo tha; arünü api ju kiulongthsürü kamshihpü thsüchoh!”