THRÜNTAN 37:4 - AMÜSÜH HÜM CL Bible (BSI)

⁴ Tüshe küyimki arü abuhnü akeoniorübo alala kheaknü api alü muzhokhi akhiung pürünü angükhea, arünü api mükheahnede kam, tüsho api ki amuzho yu müthakhukde alakheah.

THRÜNTAN 37:4 Iomraidhean Croise

THRÜNTAN 27:41

Jumonü abuhnü api müngühjihkhi dünkheak Esaunü Jakob lungkhangde kam, tüsho Esaunü amulong ching tha, “I buh dünkheak tüzhopü nimungbo thüninde lah; jushu inü I niurü Jakob laksahbah.”

THRÜNTAN 37:11

Akhiung pürübonü api lungkhang, tüshe ju dünkheak abuhnü lüm ching zo.

THRÜNTAN 37:5

Kheakü Josepnü milim khülang mi, tüsho apinü ju akhiung pürü ki thaa huh; tüsho arünü api alü mükheahnede kam.

THRÜNTAN 4:5

tüshe apinü Kain tüsho apinü kingaünkhi müleangkhi. Jumonü Kainnü khide bukakhiuk tüsho api mi khuram.

THRÜNTAN 49:23

Api riribonü müzhakde api zündo tüsho arü sanglühbo le hühzobo shuhbah api yande müsham.

MUNGSHIKHÜN 38:19

I riribo shihphü tsüde sühmüh lah; amütsan mülade I thraneanrü hihlah.

MUNGSHIKHÜN 69:4

Amütsan mülade I thraneanrü I kuyü kheaknü ahihbe ah; amudopü mülade I thsümünimpü yimrü I riribo ahihdo lah. Inü mahühkhi shakpü I kheak thsungkihchoh.

JEREMIA 12:6

Tümüde nü keoniorü tüsho nü yamkhünnü she nü kheak mihyu manide rhimodo; arünü nü azhihde azhikhi lah; arünü nü ki müyamrü yu thatha she arü kheak akin düla.

MARK 3:25

Yamkhün khülangnü ju azhihde chamnaksho, ju yamkhün müzhipkhuk.

TITA 3:3

Tümüde isa she khülangki makhade mihyumanide, tsophülapde, shihkünkhi tüsho asühara aphuaphu azhorü thsüde, isa nimungbo alungchihpü, mükthsüpü, mihtsürü khülangnü khülang thraneanachihde hoshih;

1 JOHAN 2:11

Tüshe shepünü nihbuh keoniorü thraneanchonü amiting ching lah tüsho amiting ching tsahchoh, tüsho küching yüchonü apinü mümükheah, tümütüsho amitingnü api mükbo tukshihdo.

1 JOHAN 3:10

Ha Thrünpuh tsührübo le arimri tsührübo dükeak mütsankhi lah: Shepünü alungki mürhimocho, yungsho nihbuh keoniorü mümuzhonü Thrünpuh tsührü yung.

1 JOHAN 3:12

tüsho amütsübe lakhi tüsho aniurü laksahbuh Kain nangde düla. Tümü thsükhi apinü anihbuh laksahkhea? Tümütüsho api rhimobo amünean tüsho aniurü rhimobo thiyuro-lungki lakheah.

1 JOHAN 4:20

Khürünü, “Inü Thrünpuh muzholah,” de thabah api keoniorü thraneansho, api akeangyu tharü ah; tümüde shepünü apinü angükhi keoniorü mümuzhonü apinü amüngükhi Thrünpuh mümuzhokhuk.

1 SAMUEL 17:28

Akhiung azopü Eliabnü mihtsürübo ki apinü athakhi so; tüsho Eliabnü David kheak alü bukakhiuk. Apinü tha, “ Tümü thsüpü nü akikhea? Sunglo ching nünü namfimihnu anükhüh thsü she ki zojihla? Nü rük thsükhi tüsho nü mulong ching amütsü lümkhi inü mükheahlah; tümüde nü a le keochihkhi kheahpü lang akia lah.”