THRÜNTAN 37:34 - AMÜSÜH HÜM CL Bible (BSI)

³⁴ Judüki Jakobnü api khimmihbo thorüpbah achim kheak shungliukhim yihkih, tüsho api tsührü thsungkheak nimung ahihdo tüzho.

THRÜNTAN 37:34 Iomraidhean Croise

THRÜNTAN 37:29

Judüki Reubennü shingkung lim alode yü, tüshe Josep ju shingkung ching mülade alakheah; tüsho apinü akhimmihbo thorüp.

THRÜNTAN 42:38

Tüshe apinü tha, “I tsührü nü lung müyüki, tümüde akhiung sheabahdo, tüsho api lang aninga lah. Nüsa yükhi ching api kheak thsümütsü yükihsho, nünü I ku buyiukkhi mulong rozhakde shekhün ching yüzahshihbah.”

THRÜNTAN 44:13

Judüki arünü arü khim thorüp, tüsho mihtsürü abannü nihbuh donki hah thsüloa mühahbah kiuto lim yülo.

2 SAMUEL 1:11

Judüki Davidnü akhim kheak tholobah rukrüp; tüsho api lung larü mihtsürü alalanü ju ruk thsü.

2 SAMUEL 3:31

Judüki Davidnü Joab tüsho api lung lakhi mihtsürü alala ki tha, “Nüsa khimmih rukrüpang, tüsho shungliukhim yukbah Abner dünkheak tüzhoang.” Tüsho kiulongthsüpuh Davidnü kung dunglim yan.

1 KIULONG THSÜRÜ 20:31

Api yamlarübonü api ki tha, “ Kheahang, Israel yamkhün kiulongthsürübo a mihmüthsüm kiulongthsürü ah de isanü sodo; isanü shungliukhim isa chim kheak rümanü tüsho isa ku kheak shungliu hingbah Israel kiulongthsüpuh kilim wutuanü; khükijua apinü nü rhangdung lashihbah.”

1 KIULONG THSÜRÜ 21:27

Küyimki Ahabnü thiyu jurü sokhea, apinü akhim thorüp tüsho apang keangkeang kheak shungliukhim yuk; apinü khümkeak thsüde shungliukhim ching yap, tüsho mulong rozhakde mükamde tsah.

2 KIULONG THSÜRÜ 19:1

Küyimki kiulongthsüpuh Hezekianü ju sokhea, apinü akhim thorüpbah shungliukhim phuyu, tüsho Atungpuh yam ching yüzah.

2 KIULONG THSÜRÜ 2:12

Elishanü kheahde la tüsho zhi, “Abuh, Abuh! Israel khora-lolungbebo tüsho khoraberübo!” Tüshe küyimki apinü anihbuh müngükhukde akamkhea, apinü nihbuh khimmihbo thrüa lu tüsho mahne thsüde thorüp.

2 KIULONG THSÜRÜ 22:11

Küyimki kiulongthsüpuhnü yakzan hüm yubo sokhea, apinü khimbo thorüp.

1 KIUTHSÜYUKHEAN 21:16

Davidnü abinkih-a kheah tüsho thüning le alo dükeak Atungpuh yunirü zhipa ngü, tüsho nukshang khülang Jirusalem kumung dünkih-a api khah ching shuh. Judüki David tüsho azothsürübonü shungliukhim phuyubah khukning.

1 KIUTHSÜYUKHEAN 7:22

Tüsho ane abuh Ephraimnü nimung ahihdo tüzho, tüsho api keoniorübonü api shukheampü arü.

NEHEMIA 9:1

Ju khinu nimung mukukheak phüyi ni Israelrübonü shungliukhim phuyu tüsho arü ku kheak asungthulung kamkihde khümkeak thsüde mukhung.

JOB HU H T ANYU 1:20

Judüki Jobnü asürü, api yo shulünkhim thorüp, api ku hüt, tüsho alo kheak khukningbah kingaün.

JOB HU H T ANYU 16:15

Inü I küp kheak shungliukhim thürekih, tüsho I ku asungthulung ching yap.

JOB HU H T ANYU 2:12

Küyimki arünü api limshu chingnü angükhea, arünü api mükheahmütsan, arünü arü düsheak akhiuk tüsho achangnü trip; arünü atüzhokhi huhpü arü shulünkhimbo thorüp tüsho arü ku kheak asungthulung kamkih.

MUNGSHIKHÜN 69:11

küyimki inü shungliukhim phuyubanü mihtsürübonü I luhmünechoh.

ISAIA 32:11

Niukang, nüsa keamramde lakhi liberübo, ajanang, nüsa reangkeamde larübo; nüsa khimmih yihkhitang, tüsho nüsa chim kheak shungliukhim yihang.

ISAIA 36:22

Judüki Hilkia tsührü Eliakim, shepü kiulongthsüpuh yam abebuh lakhea, tüsho athrütyukbuh Shebna, tüsho Asaph tsührü athrütbuh Joa, arü khim thorüpbahle Hezekia kilim arü, tüsho Rabshake yubo api ki thaa huh.

JEREMIA 36:24

Tütüshe kiulongthsüpuh yungsho api yamlarü harü yu sorü shenü she mütre, yungsho arü khimmih muthonak.

JEREMIA 48:37

Tümüde mihbüm aban ku hüta lah tüsho mükhühnam nipa lah; alala khahbo kheak atsütkhibo lah, tüsho chim kheak shungliukhim lah.

JOEL 2:13

Nüsa khimmih yungde nüsa mulong yihthünakang. Atungpuh , nüsa Thrünpuh kilim rholoang, tümüde api ju mihmuzho tüsho mihmüthsüm, arünnü bukakhiukchoh, tüsho düküngde amuzhopü suhdahde lah tüsho thsümüchi chingnü lümalochoh.

MATHI 11:21

“Karazin, nü are! Bethsaida, nü are! Nüsa kheak rhimokhi khinthiyinbebo Tair tüsho Sidon ching rhimokhülaa, arünü müngühnü shungliukhim tüsho awah awuhde mulong müthria labah.

MATHI 26:65

Judüki achangbe amükeambuhnü akhim thorüpde tha, “Apinü mükhemürang thado! Isanü thiyumütsan alü yihnüpü müla! Nüsanü kheakü apinü mükhemürangkhi sodo!

YUNIRÜBO RHIMO 14:14

Tüshe küyimki Barnaba le Paul bünenü ju sokheanü ane khim thorüpbah boto lung zhide alihde yü,

JIHUSUA 7:6

Jihusua tüsho Israelrü limberübonü mulong tukthsüde arü khim rukrüp, tüsho arü ku kheak asungthulung yükihde alo ching awuh, tüsho arü mulong tukthsükhi huhde Atungpuh tangzüng sangdan ki alo ching awuhde arelim khiungde yap.

AMIKHEAKAKHIUKKHI 11:3

Tüsho inü I thiyumütsan thsürü mahne shungliukhim phuyubah nimung 1260 müchitpü wu mülüjihbah.”

MAHKHAPRÜ 11:35

Küyimki apinü alibe ngükhea, apinü akhim thorüp tüsho zhi, “O! I tsah-a! Nünü I mulong rozhakde thsünüshihdo, tümütüsho inü Atungpuh kilim müthsümünimpü thsüde thiyuchihchim khülang thsüdo.”