THRÜNTAN 37:33 - AMÜSÜH HÜM CL Bible (BSI)

³³ Apinü ju kheahkhit tüsho tha, “Ha I tsührü shulünkhim ah. Mütüm shiwüh khürünü api tsühdo. Josep a atsütsünü adütre kamde thonakdo.”

THRÜNTAN 37:33 Iomraidhean Croise

THRÜNTAN 37:20

Jumonü arang, isanü api laksahanü tüsho alokhün khürü ching bahanü; tüsho isanü athabah, ‘Mütüm shiwüh khürünü api tsühdo.’ Api milimbo tümü kambanü isanü akheahbah!”

THRÜNTAN 37:32

Arünü züt-thsükhi shulünkhim ju arü abuh kilim lulode yü tüsho tha, “Isanü ha ngükheah, ha nü tsührü shulünkhim a shi yungnü kheahang.”

THRÜNTAN 42:38

Tüshe apinü tha, “I tsührü nü lung müyüki, tümüde akhiung sheabahdo, tüsho api lang aninga lah. Nüsa yükhi ching api kheak thsümütsü yükihsho, nünü I ku buyiukkhi mulong rozhakde shekhün ching yüzahshihbah.”

THRÜNTAN 44:20

Tüsho isanü isa tungpuh ki alo, ‘Isa abuh ashinbuhrü lah, tüsho api ashinshu tsührü, azürü lah; akhiung a sheabahdo, tüsho abe tsührü bolung api lang aninga lah, tüsho abuhnü api muzhochoh.’

THRÜNTAN 44:28

tüsho khülang I kinü wukhiukabahdo, tüsho tsükjide api a adütre kamde thonakdo de inü tha; tüsho judükinü inü api müngü.

THRÜNTAN 48:11

Tüsho Israelnü Josep ki tha, “Inü nü miro ngüpü mülüm; tüshe Thrünpuhnü nü tsührübo she I huhdo!”

1 KIULONG THSÜRÜ 13:24

Judüki api limro ching yüchoki, kekhüzü khülangnü limro ching api shoru tüsho api nguhsah. Apang ju limro ching bah-a lakheah, tüsho donki ju yean zhip; kekhüzü she ju ki zhip.

2 KIULONG THSÜRÜ 2:24

Küyimki apinü rholobah arü ngükhea, apinü Atungpuh mung chingnü arübo athru. Judüki kuto dreto 2 murung chingnü akhiuk tüsho azürü 42 ju adütre kamde chakthünak.

MÜCHITMUDU 14:15

Yancho mihtsürünü lüpdükhi akin lachoh, tüshe lümlung larünü nihbuh jingdükübo tsüde lümchoh.

JOHAN 13:7

Jisunü api ki alojihde tha, “Inü tümü rhimochonü nünü kheakü manikhit, tüshe ha dunglim nünü amükheahbah.”