THRÜNTAN 37:28 - AMÜSÜH HÜM CL Bible (BSI)

²⁸ Küyimki Midiarü shothsümolorü arüde alakheanü, akhiung pürünü Josep ju shingkung chingnü thokhit tüsho shotoyinchi nak 20 mo Ishmaelrü ki yin. Tüsho arünü api Ijip lim bede yüki.

THRÜNTAN 37:28 Iomraidhean Croise

THRÜNTAN 25:2

Alibenü api kilim Zimran, Jokshan, Medan, Midian, Ishbak, tüsho Shua zübejih.

THRÜNTAN 37:25

Arü yimtsühpü binde alachoki, arünü abinkih-a kheah tüsho Ishmaelrü hantsahrü bo khülang Gilead limnü arüde ngü. Arü yo kemelbo ju thüneathürabebo, molike tüsho jinjinlaknü hah thsüa lakheah, tüsho arü jurü hanbah Ijip lim yükide alakheah.

THRÜNTAN 37:36

Kheakü api ju Midiarünü Ijip ching Pharao torü tüsho api aheangrü wühkenobuh Potiphar ki yin.

THRÜNTAN 39:1

Kheakü Josep ju Ijip lim bede yüki. Tüsho ju ching bede yükirü Ishmaelrü kheaknü Pharao torü, aheangrü wühkenobuh, Ijiprü Potipharnü thulo.

THRÜNTAN 40:15

Tümüde I Ibrirü lomi chingnü ahüh-a lude tso; tüsho ha ching she inü rihyam ching binpü thülünde tümü mürhimode arünü I yuka zolah.”

THRÜNTAN 50:15

Arü abuh sheabah dunglim Josep keoniorübonü tha, “Khükia Josepnü isa thraneanbah, tüsho isanü api ki amütsü rhimokhi atsütsünü athrihlopü labah.”

MUNGSHIKHÜN 105:17

Apinü arü müngüh mihtsürü khülang, azhorü thsüde ayinkhi Josep yüshih.

MUNGSHIKHÜN 83:9

Nünü Kishon Ayung ching Midiarü, Sisera tüsho Jabin kheak rhimokhi nangde arü kheak rhimoang.

ABEKHIT 2:16

Midiarü amükeamrü khülang Jethro tsührü aliberü 7 lakheah, arünü arü abuh namfimihnubo thsungkheaknü sopungbo mide ke ju khip.

ABEKHIT 21:16

“Shepünü mihtsürü ahüh-a lubah ayinba, yungsho api khah ching yimkhitsho api asheshihbah.

ISAIA 60:6

Mükhebinkhi kemelbonü nü lomi zündobah, Midia tüsho Epha kemel nunubo; Sheba ching yo alala arübah. Arünü suna tüsho jinjinlak handarübah, tüsho Atungpuh mung shikhi zhiyukjihbah.

JEREMIA 38:13

Jushu arünü Jeremia shungliunü kekung chingnü thokhit. Tüsho Jeremia ju aheangrü mahkhappung ching lakheah.

LEVI 27:5

Mihtsürü ju kam 5 le 20 dükeak a-sho, athrürü dün shotoyinchi 20 tüsho aliberü dün shotoyinchi 10 de akhuang.

WÜHKHE 25:15

Tüsho alaksahkhi Midiaberü mung ju Midiarü buhtsüh ching azothsübuh Zur tsührü Kozbi lakheah.

WÜHKHE 25:17

“ Midiarü thsümüchiang, tüsho arü laksahang;

MATHI 26:15

tüsho tha, “Inü api nüsa kilim jihsho nüsanü I kilim tümü jihpü mulongla?” Tüsho arünü api kilim shotoyinchi 30 khekhita jih.

MATHI 27:9

Junangde Jeremia wukihrünü athakhi dünji: “Israel mihtsürübonü api dün akhukhi shotoyinchi 30 ju arünü lu,

YUNIRÜBO RHIMO 7:9

“Jakob tsührübonü Josep mükthsüde kambah api Ijip ching yin; tüshe api lung Thrünpuh lakheah,

MAHKHAPRÜ 8:22

Israel mihtsürübonü Gideon ki tha, “Nü le nü tsührü tüsho nü tsührü-tsührünü she isa kurungkheak yakzan shuhang; tümüde nünü isa Midiarü khah chingnü bekhitdo.”

MAHKHAPRÜ 8:24

Tüsho Gideonnü arü ki tha, “Inü nüsa ki khülang mushuanü; nüsanü ayankhikhi shihcham chingnü I kilim mihbüm abannü suna nüpü jihang.” (Arübo suna nüpübo lakheah, tümütüsho arübo Ishmaelrü lakheah.)