THRÜNTAN 37:25 - AMÜSÜH HÜM CL Bible (BSI)

²⁵ Arü yimtsühpü binde alachoki, arünü abinkih-a kheah tüsho Ishmaelrü hantsahrü bo khülang Gilead limnü arüde ngü. Arü yo kemelbo ju thüneathürabebo, molike tüsho jinjinlaknü hah thsüa lakheah, tüsho arü jurü hanbah Ijip lim yükide alakheah.

THRÜNTAN 37:25 Iomraidhean Croise

THRÜNTAN 31:21

Jumonü api lakhi alala bede apinü tso. Api tsahmusu tüsho ayung ho, tüsho Gilead wungbo lim yü.

THRÜNTAN 31:23

Judüki apinü anihbuh lung akeoniorübo bebah nimung thüne limtsah thsungkheak api müshamde yü, tüsho apinü Gilead wung ching anihbuh yanphuh.

THRÜNTAN 37:24

Jushu arünü api bea lu tüsho shingkung ching jipyuk. Tüsho shingkung ju ke müzahde akeangkeang lakheah.

THRÜNTAN 37:28

Küyimki Midiarü shothsümolorü arüde alakheanü, akhiung pürünü Josep ju shingkung chingnü thokhit tüsho shotoyinchi nak 20 mo Ishmaelrü ki yin. Tüsho arünü api Ijip lim bede yüki.

THRÜNTAN 37:36

Kheakü api ju Midiarünü Ijip ching Pharao torü tüsho api aheangrü wühkenobuh Potiphar ki yin.

THRÜNTAN 39:1

Kheakü Josep ju Ijip lim bede yüki. Tüsho ju ching bede yükirü Ishmaelrü kheaknü Pharao torü, aheangrü wühkenobuh, Ijiprü Potipharnü thulo.

THRÜNTAN 43:11

Tüsho arü abuh Israelnü arü ki tha, “Jude athsübeasho, hade thsang: Lomi chingnü akhiukkhi atsüdak sangaso khürü nüsa hahbo ching hanbah mihtsürübuh kilim thsambah thsüde yükiang–molike tüsho mukhuke anükhüh, rhümthüneabe tüsho jinjinlak, pista sangaso tüsho almondbo.

ESTER 3:15

Kiulongthsüpuh yukhüm hode thiyuzüng ju boto miki Susa kiuying ching thari, tüsho yunithsürünü ju yusheak lomibo ching hande yü. Susa kiuying lümshangmangnü mide alachoki kiulongthsüpuh le Haman ane a yukhu yungde bin.

MUNGSHIKHÜN 14:4

Amütsü rhimorü alala mükheahmudu müla shi, sherübonü yikhap tsühkhi nangde I mihtsürü tsühabahcho, tüsho Atungpuh ki müjicho?

MUNGSHIKHÜN 83:6

Edom tüsho Ishmaelrü khimyambo; Moab tüsho Hagarrü;

MÜCHITMUDU 30:20

Müzammüram liberünü arhimokhi limro ha lah: alibenü tsühchoh tüsho amün nana bahchoh, tüsho thachoh, “ Inü amülim tümü mürhimo.”

KHÜNBOLUNGKHÜN 5:1

Inü I wündo ching arüchoh, I tsübe, I yamkhünbe; inü I yo rhümthüneabe ju thüneathürabe lung lumukhungchoh, inü I mukhukerüp tüsho mukhuke tsühchoh, inü I niuhke tüsho I yukhu yungchoh. Tsühang, müyamrübo, yungang, tüsho amuzhonü müshangang.

JEREMIA 22:6

Tümüde Juda kiulongthsüpuh dünkheak Atungpuhnü ha thachoh: Nü a I ki Gilead nangde Lebanon wung nangde lah; tüshe nü sunglo, mihtsürü mülakhi kiuto kamshihpü inü thiyuchihchimchoh.

JEREMIA 46:11

Gilead lim wutuang, tüsho moli luang, O Ijip atsangkhit tsührübe! Akeangkeang ching nünü moli ahihdo ahorido; nü thsungkheaknü athsüngu müla.

JEREMIA 8:22

Gilead ching moli müla de? Ju ching thümürü müla de? Dale tümüde amuzhobe I mihtsürü shihphü müthsüngukhea?

EZEKIEL 47:18

Aniakhiuklim ju Hauran tüsho Damaska dükeak labah; Gilead tüsho Israel lomi dükeak Jordan yeande alabah; aniakhiuklim keto tüsho Tamar khiungbah. Ha aniakhiuklim thrip labah.

AMOS 6:4

Sherü thsotorü yapkiu kheak yapcho, tüsho dükhümbinkiubo kheak zuh-a bincho, tüsho mihnu bolungnü namfimihnunu tüsho moshi bolungnü moshi nunu tsühchonü ayokhe;

AMOS 6:6

shepünü phurusük chingnü yukhu yungcho, tüsho atsüdak müdangkenü nihbuh mujucho, tüshe Josep thsümünimkhi dünkheak mulong mutukthsü!

JIHUSUA 13:11

Ju chingnü Gilead, Geshur tüsho Maaka lomi Hermon wung alala, tüsho Bashan chingnü Saleka khiung;