THRÜNTAN 37:24 - AMÜSÜH HÜM CL Bible (BSI)

²⁴ Jushu arünü api bea lu tüsho shingkung ching jipyuk. Tüsho shingkung ju ke müzahde akeangkeang lakheah.

THRÜNTAN 37:24 Iomraidhean Croise

THRÜNTAN 37:23

Küyimki Josep akhiung pürü kilim arükhea, arünü Josepnü aphuyukhi züt-thsükhi shulünkhim khukkhia lujih.

THRÜNTAN 37:25

Arü yimtsühpü binde alachoki, arünü abinkih-a kheah tüsho Ishmaelrü hantsahrü bo khülang Gilead limnü arüde ngü. Arü yo kemelbo ju thüneathürabebo, molike tüsho jinjinlaknü hah thsüa lakheah, tüsho arü jurü hanbah Ijip lim yükide alakheah.

THRÜNTAN 42:21

Judüki arü khülangnü khülang ki thaachih, “Tsükjide isa niurü dünkheaknü isa mülimkhi lah, tümüde apinü isa ki mushuchoki anihbuh me thsünükhi isanü ngüdo, tüshe isanü manijih; jumonü ha küpkhuk isa kheak arüdo.”

MUNGSHIKHÜN 35:7

Amütsan mülade arünü I thsungkheak azheang zo, tüsho I phuhpü müthrim asük kiu.

MUNGSHIKHÜN 40:2

apinü I atrebe alokhün, alomukmuk chingnü bekhit, tüsho I jingdükübo thsakhamjihde lung kheak I jing duboshih.

MUNGSHIKHÜN 88:6

Nünü I alokhün abobe, amiting, asük ching yapshihdo.

MUNGSHIKHÜN 88:8

Nünü I müyamrübo I kheaknü limshude tsoshih; nünü I arü ki athraneanbe kamshih; I rihdoa lah, tüsho I makhiukkhuk;

JEREMIA 38:6

Jumonü arünü Jeremia bea lu tüsho kiulongthsüpuh tsührü Malkia kekung, aheangrü mahkhappung lakhi ching Jeremia ju shungliunü chingbah yüzahshih. Kheakü kekung ching ke mülade akhimniuhniuh lang alakheah, tüsho akhimniuhniuh ching Jeremia yüzah.

TÜZHOKHI 4:20

Atungpuhnü mujude-mokhitkhi, isa rhangdung sheak arü alokhünbo ching hande yü– shepü dünkheak isanü tha, “Api alamme khüpnü trükshih bolung isa labah.”

ZEKARIA 9:11

Nüsa thsungkheaknü I thiyih tangzüng nüsa kheak lakhinü, inü nüsa aramrübo ke mülakhi shingkung chingnü zuzu thsüde adükhebah.