THRÜNTAN 37:21 - AMÜSÜH HÜM CL Bible (BSI)

²¹ Tüshe Reubennü ju so, tüsho apinü arü khah chingnü anihbuh bekhit tüsho tha, “Isanü api mülaksahnü.”

THRÜNTAN 37:21 Iomraidhean Croise

THRÜNTAN 35:22

Tüsho küyimki ju lomi ching Israel lakheanü, Reubennü abuh hanniube Bilha kilim yü tüsho müyam; tüsho ju dünkheak Israelnü so. Jakob tsührü 12 lakheah:

THRÜNTAN 37:22

Tüsho Reubennü arü ki tha, “Thiyih dübuk, tüshe sunglo ching lakhi shingkung ching api jipyukang, tüsho api kheak khah düchung”–ha apinü arü kheaknü bekhitbah abuh kilim belode arüpü lümkhi thsükheah.

THRÜNTAN 42:22

Tüsho Reubennü arü ki tha, “Azübuh azhihde neak düyihbeak de inü nüsa ki mütha de? Tüshe nüsanü mani! Jumonü kheahang, api thiyihnü isa kheangchoh.”

THRÜNTAN 9:5

Tüsho nüsa rhangdung-thiyih thsungkheaknü tsükjide inü ju dün kheangbah. Shiwüh tüsho mihtsürü aban kheaknü akheangbah. Mihtsürü aban kheaknü nihbuh keoniorü rhangdung dün kheangbah.

MATHI 10:28

Tüsho shepünü pang laksahcho tüshe me mülaksahkhuknü dütre. Tüshe shepünü me tüsho pang chido thsümüchi ching dükheakshihpü kuklanü api treang.

JIHUSUA 10:28

Ju nimung Jihusuanü Makkeda tüsho ju kiulongthsüpuh laksah. Ju ching larü alala apinü sheshe maningshihde laksah. Apinü Jirikho kiulongthsüpuh kheak tümü rhimokheanü junangde Makkeda kiulongthsüpuh kheak she rhimo.