THRÜNTAN 37:20 - AMÜSÜH HÜM CL Bible (BSI)

²⁰ Jumonü arang, isanü api laksahanü tüsho alokhün khürü ching bahanü; tüsho isanü athabah, ‘Mütüm shiwüh khürünü api tsühdo.’ Api milimbo tümü kambanü isanü akheahbah!”

THRÜNTAN 37:20 Iomraidhean Croise

THRÜNTAN 37:19

Judüki arü khülangnü khülang ki thaachih, “Kheahang, ha milim mibuh thsü arüchoh!

THRÜNTAN 37:26

Jumonü Judanü api keoniorübo ki tha, “Isanü isa niurü laksahbah api thiyih ramkhi chingnü tümü alü la?

THRÜNTAN 37:32

Arünü züt-thsükhi shulünkhim ju arü abuh kilim lulode yü tüsho tha, “Isanü ha ngükheah, ha nü tsührü shulünkhim a shi yungnü kheahang.”

THRÜNTAN 37:33

Apinü ju kheahkhit tüsho tha, “Ha I tsührü shulünkhim ah. Mütüm shiwüh khürünü api tsühdo. Josep a atsütsünü adütre kamde thonakdo.”

THRÜNTAN 45:3

Judüki Josepnü api keoniorübo ki tha, “I Josep ah; I buh kheakü khiungde la shi?” Tüshe api keoniorübonü api ki malokhuk, tümüde Josep miki arübo müyinnim.

1 KIULONG THSÜRÜ 13:24

Judüki api limro ching yüchoki, kekhüzü khülangnü limro ching api shoru tüsho api nguhsah. Apang ju limro ching bah-a lakheah, tüsho donki ju yean zhip; kekhüzü she ju ki zhip.

2 KIULONG THSÜRÜ 2:24

Küyimki apinü rholobah arü ngükhea, apinü Atungpuh mung chingnü arübo athru. Judüki kuto dreto 2 murung chingnü akhiuk tüsho azürü 42 ju adütre kamde chakthünak.

MUNGSHIKHÜN 64:5

Arünü amütsü lümkhi kheak düngde tholochoh; arünü ramde qimürip zopü thade lümchoh, “Shenü isa ngüpü kukla?

MÜCHITMUDU 1:10

I tsah-a, amüneanrünü nü münitsho, hehuh düthsü.

MÜCHITMUDU 1:16

tümüde arü jing amütsü lim alihchoh, tüsho arünü thiyih bukpü niokheamchoh.

MÜCHITMUDU 10:18

Shepünü athraneankhi ramchonü akeangyu münküpbo lah, tüsho shepünü dünthamungtha bushihchonü makharü ah.

MÜCHITMUDU 27:4

Bukmükekhi ju yihkhro tüsho bukakhiukkhi ju düchi, tüshe shepünü mükthsükhi müngüh zhipkhukba?

MÜCHITMUDU 28:13

Shepünü nihbuh neakbo ramchonü akuk müngüchoh, tüshe shepünü jurü alokhiabahcho tüsho bahyukchonü mihmüthsüm labah.

MÜCHITMUDU 6:17

kükheangde akheahkhi, akeangyu thakhi mulo, amülim thiyih bukkhi khah,

ISAIA 28:15

Tümütüsho nüsanü tha, “ Isanü ashekhi kheak tangzüng khülang thsüdo, tüsho Ashe-lomi kheak thiyuchihchim khülang lah; küyimki thsümütsü arübanü, ju isa kheak marü; tümüde isa jikpung isanü akeangyu thsakhamdo, tüsho akeangyu ching isa jika lah”;

JOHAN 3:12

Inü nü ki alomi dünkheak thabah nünü mükinsho, nü ki yinmi dünkheak thakhi küde akinpü?

TITA 3:3

Tümüde isa she khülangki makhade mihyumanide, tsophülapde, shihkünkhi tüsho asühara aphuaphu azhorü thsüde, isa nimungbo alungchihpü, mükthsüpü, mihtsürü khülangnü khülang thraneanachihde hoshih;

1 SAMUEL 24:20

Kheakü tsükjide nü kiulongthsürü thsübah de inü mükheahlah, tüsho Israel kiulongthsü nü khah ching labah.

1 SAMUEL 26:2

Jumonü Saulnü asürü tüsho David yimpü amokhitkhi Israel 3000 bebah Ziph sunglo lim yüki.