THRÜNTAN 37:14 - AMÜSÜH HÜM CL Bible (BSI)

¹⁴ Apinü anihbuh ki tha, “Nü khiung pürü le namfimihnubo tsüde lanahnü muzhobah yünü kheahang, tüsho I kilim thiyusheak lubah arüloang.” Jumonü apinü Hebron jindükhün chingnü thiyia wukhiukshih, tüsho apinü Shekem lim yü.

THRÜNTAN 37:14 Iomraidhean Croise

THRÜNTAN 13:18

Jumonü Abramnü api khimyam akhin, tüsho yübah Hebron ching Mamre arüngako sangbo thüninde la, tüsho Atungpuh kilim kingaün sadam khülang thsü.

THRÜNTAN 23:19

Ju dunglim Abrahamnü aniube Sara Kanan lomi ching Mamre müngüh (ju Hebron) Makpela ching lakhi lungkhün ching kiuyukabah.

THRÜNTAN 23:2

Sara Kanan lomi Kiriath-arba (ju Hebron) ching sheabah, tüsho Abrahamnü Sara thsungkheak tüzhopü tüsho mitrippü yü.

THRÜNTAN 29:6

Jakobnü arü ki keo, “Api tsüde lashi?” Arünü alo, “Am, api tsüde lah,” tüsho arünü tha, “Ha ching atsührübe Rachel namfimihnubo lung arüchoh.”

THRÜNTAN 35:27

Judüki Jakob ju Abram tüsho Isak lacholapung Mamre yungsho Kiriath-arba (ju Hebron) ching abuh Isak kilim arü.

THRÜNTAN 37:15

Kheakü mihtsürü khürünü api ngü, tüsho api thulu ching rümde alakheah. Mihtsürünü api ki keokhi, “Nü tümü yimcho?”

THRÜNTAN 41:16

Jumonü Josepnü Pharao ki alo, “Ju I kheak yung; Pharaonü alunekhi Thrünpuhnü alojihbah.”

THRÜNTAN 43:27

Judüki apinü arü tsüde alakhi dünkheak keokhi, “Nüsanü athakhi ashinbuhrü, nüsa abuh tsüde la shi? Api kheakü khiungde la shi?”

2 SAMUEL 11:7

Küyimki Uria api kilim arükhea, Davidnü Joab tüsho mihtsürübo tsüde la shi müla, tüsho thirithsükhi kürukanü keokhi.

2 SAMUEL 18:32

Kiulongthsüpuhnü Kushbuh ki tha, “Athrününgtsüngbuh Absalom tsüde la shi?” Kushbuhnü alo, “I tungpuh riribo, tüsho nü thsümünimpü asürürü alala ju buh athrününgtsüng nangde kamshang.”

1 KIULONG THSÜRÜ 2:33

Jumonü arü thiyih ju Joab ku kheak tüsho api tsühsoniusobo ku kheak lünnü arülobah; tüshe David, api tsühsoniusobo, api yamkhün, tüsho api kiulongthsü-binkiu kilim a Atungpuh kilimnü lünnü mungtsü labah.”

ESTER 2:11

Animokhün Mordekainü alibe ju küde kamcho tüsho tümü dünjibaki de thüyam limkhuh yüla arülade kheahde tsah.

MUNGSHIKHÜN 125:5

Tüshe sherü akhürang limrobo lim rholode tsochonü Atungpuhnü amülim rhimorü lung yana bahbah. Israel kheak mungtsü lashang!

JEREMIA 29:7

Tüshe inü nüsa ramtso yüshihkhi kiuto mungtsü tüsho lalim atsü thsungkheak yimang. Atungpuh ki tamkhüntamnüang, tümütüsho ju lalim tsüsho nüsa she lalim tsübah.

WÜHKHE 13:22

Arünü Negeb lim wutu, tüsho Hebron lim arü; tüsho ju ching Anak atoshang tsührübo Ahiman, Sheshai, tüsho Talmai pürü lakheah. (Hebron ju Ijip ching Zoan kheaknü kam thünenü akhuh thrüna lakheah.)

LUKNÜ ATHRÜTKHI THIYUSHEAK-ATSÜ HUHTANYU 19:42

tüsho tha, “Khihni ha nü kilim tümünü mungtsü hande arübanü nünü mükheahkhülaa! Tüshe jurü nü mükbo kinü jika lah.

JIHUSUA 14:13

Judüki Jihusuanü Jephunne tsührü Kaleb müngühjih tüsho Hebron kiuto api kilim yamrüplurüp jih.

JIHUSUA 14:14

Jumonü khihni khiungde Hebron ju Kenizrü Jephunne tsührü Kaleb tsühsoniusobo yamrüplurüp ah, tümütüsho api mulong athrünkhinü Atungpuh Israel Thrünpuh yan.

JIHUSUA 14:15

Ha müngüh a Hebron ju Kiriath de ajikheah, (Ha buh Araba ha Anakimrü lung atoshang mihtsürü lakheah). Tüsho kheaküa lomi ching thirithsü müladebah.

MAHKHAPRÜ 1:10

Tüsho Judarünü Kananrübo Hebron (atankih mung Kiriath-arba de ji) ching larübo azhihde yü. Tüsho arünü Sheshai, Ahiman tüsho Talmai laksah.

1 SAMUEL 17:22

Davidnü kukruk-hah neakbuh kilim zojihbah thirithsürü kilim shande yü, tüsho akhiung pürü ki salüm jih.