THRÜNTAN 35:7 - AMÜSÜH HÜM CL Bible (BSI)

⁷ Apinü ju ching kingaün sadam khülang thsü tüsho ju dangpung ki El Bethel de ji, tümütüsho api akhiung kheaknü atsochoki ju ching Thrünpuh api ki akhiuk.

THRÜNTAN 35:7 Iomraidhean Croise

THRÜNTAN 12:7

Judüki Atungpuhnü Abram ki akhiuk tüsho tha, “Nü tsühsoniusobo ki inü ha lo jihbah.” Tüsho apinü ju ching api ki akhiukbuh Atungpuh kilim kingaün sadam khülang thsü.

THRÜNTAN 12:8

Ju chingnü api aniyüzahlim Bethel tüsho aniakhiuklim Ai lakhi aniakhiuklim Bethel wungbo lim yü. Ju ching apinü Atungpuh kilim kingaün sadam khülang thsü tüsho Atungpuh mung ji.

THRÜNTAN 28:10

Jakobnü Beersheba chingnü chamachih tüsho Haran lim yü.

THRÜNTAN 28:13

Tüsho kheahang, ju kumung Atungpuh zhip tüsho tha: “I nü buh Abraham tüsho Isak Thrünpuh Atungpuh ah; nü yapkhi lo inü nü tüsho nü tsühsoniusobo kilim jihbah.

THRÜNTAN 28:17

Api trede alakheah tüsho tha, “Küdükhüh ha dangpung atrebe la! Ha Thrünpuh yam thsüa lah; ha yinmi ripit ah!”

THRÜNTAN 28:19

Tüsho apinü ju dangpung mung Bethel de ji; tüshe ju kiuto mung akhuhlim Luz lakheah.

THRÜNTAN 28:22

Tüsho inü ha mümih-lung khima zokhi ju Thrünpuh yam thsübah, tüsho nünü I kilim jihkhi alala chingnü inü nü kilim thürü shihcham jihbah.”

THRÜNTAN 29:1

Jumonü Jakobnü hantsahde yü tüsho aniakhiuklim mihtsürü lomi ching arü.

THRÜNTAN 31:13

I nünü mujudemüsühkhitkhi mümih-lung tüsho nünü I ki thiyuchihchim thsüpung Bethel Thrünpuh ah. Kheakü ha lomi zojihbah nü zübe lo lim alode yüang.’”

THRÜNTAN 35:1

Judüki Thrünpuhnü Jakob ki tha, “Asürang, Bethel lim wutuang tüsho ju ching laang; tüsho nü khiung Esau kheaknü nü tsochoki nü ki akhiukbuh Thrünpuh kilim kingaün sadam khülang thsang.”

THRÜNTAN 35:15

Tüsho Jakobnü api ki Thrünpuhnü asukachihkhi dangpung mung ju Bethel de ji.

THRÜNTAN 35:3

Jushu isanü tsahmusuanü tüsho Bethel lim wutuanü; tüsho inü ju ching I lümthsünü nimung I ki alojihbuh tüsho I yükhi limro ching I lung lakhi Thrünpuh kilim kingaün sadam khülang thsübah.”

ABEKHIT 17:15

Tüsho Mosanü kingaün sadam khülang thsübah amung ji, Atungpuh ju I yo riphin.

EZEKIEL 48:35

Kiuto mükamkhi ju khahnap 18,000 labah. Tüsho ju kimnü ründe kiuto mung ju, “Atungpuh Ju Ching Lah” de alabah.

MAHKHAPRÜ 6:24

Jumonü Gideonnü ju ching Atungpuh kilim kingaün sadam khülang thsü, tüsho ju ki, “Atungpuh ju mungtsü” de ji. Khihni khiungde ha Abiezerrü yo Ophra ching lah.