THRÜNTAN 35:5 - AMÜSÜH HÜM CL Bible (BSI)

⁵ Judüki arünü tsahmusu, tüsho arü miki kiutobo alala kheak Thrünpuh mihtrebe lakheah, tüsho arünü Jakob tsührübo yande mümüsham.

THRÜNTAN 35:5 Iomraidhean Croise

THRÜNTAN 34:30

Judüki Jakobnü Simeon le Levi ki tha, “Nükenü lomi ching larü Kananrü le Perizrü bolung I athraneanbe kamshihde I kheak küpkhuk hande arüdo; tümütüsho I wühkhe nüklah, arünü rukhüh mukhungbah I azhihbah tüsho I laksahbah.”

THRÜNTAN 35:4

Jumonü arünü arü khah ching lakhi khiungkerü thrünpuhbo alala tüsho arü nuku ching lakhi nüpübo alala Jakob kilim jih; tüsho Jakobnü jurü Shekem ching thülamdung khüp ramabah.

2 KIUTHSÜYUKHEAN 14:13

Asa tüsho api lung bonungrünü arübo Gerar khiungde müsham, tüsho Sudanrü she lang she rhangdung aninga müla khiungde keamabah; tümüde arübo Atungpuh tüsho api bonungrü müngüh thsümünima lakheah. Juda mihtsürübonü ayankhikhi kukruk ato hanbah yü.

2 KIUTHSÜYUKHEAN 14:14

Arünü Gerar mühi kiutobo alala kuk, tümüde Atungpuh trekhi arü kheak lakheah. Arünü kiutobo alala yankhi tüsho ayankhikhi kukruk tode lu.

2 KIUTHSÜYUKHEAN 17:10

Atungpuh trekhi Juda mühi lomi kiulongthsü alala kheak yükih, tüsho arünü Jehoshaphat azhihde thiri müthsü.

MUNGSHIKHÜN 105:14

apinü she ki she amülim rhimo mümülü; arü thsungkheaknü apinü kiulongthsürübo thürüh,

MUNGSHIKHÜN 14:5

Arübo tode atrekhi ching labah, tümüde thiyuro-lungki lün bolung Thrünpuh lah.

ABEKHIT 23:27

“Inü nüsa müngüh I trepü yüshihbah, nüsa yüpung mihtsürü alala bolung yingyingshihbah, tüsho nüsa riri alala rholode atsobah.

ABEKHIT 34:24

Tümüde inü nüsa müngüh trükshihbo yankhitbah tüsho nüsa lomi mülihshihbah; tüsho kam aban nüsa Atungpuh nüsa Thrünpuh miki wutuchoki shenü she nüsa lo lupü mülüm.

YUZÜNGTHALO 11:25

Mihtsürü shenü she nüsa azhihde müzhipkhuk; apinü nüsa ki thiyuchihchimkhi nangde, nüsanü tsahyukde ayüpung lomi alala ching nüsa dünkheak phüthsaksümde tüsho trede akamshihbah.

YUZÜNGTHALO 2:25

Ha nimungnü rünbah thüning bukkhüp trükshihbo kheak nüsa dünkheaknü amüyinsahkhi tüsho atrebe yükihshihbah. Arünü nüsa dünkheak sobah trede ajanbah.

JIHUSUA 5:1

Israelrü muhoyichoki khiungde Atungpuhnü Jordan ngahshihdo de Jordan aniyüzahlim Amor kiulongthsürü, tüsho Mediterranean keto yean Kanan kiulongthsürübo alalanü so. Israelrü dünkheaknü arübo trede mulong niuthünak tüsho arü me sühmüh mülade kam.

1 SAMUEL 11:7

Apinü moshipung mahne lubah khapthünak tüsho Israel lomi alala ching yunithsürü kheaknü arü kilim mühahde tha, “Shepünü Saul tüsho Samuel dunglim müyanbanü, api moshipung kheak ha ruk rhimobah!” Judüki Atungpuh trekhi mihtsürübo kheak akih, tüsho arü rukhüh thsübah akhiuk.

1 SAMUEL 14:15

Binkheampung, thulu, tüsho mihtsürü alala bolung trede alakheah; bonungrü tüsho thirithsürübonü she ajan; alo ajan; tüsho ju khide trede kam.