THRÜNTAN 35:22 - AMÜSÜH HÜM CL Bible (BSI)

²² Tüsho küyimki ju lomi ching Israel lakheanü, Reubennü abuh hanniube Bilha kilim yü tüsho müyam; tüsho ju dünkheak Israelnü so. Jakob tsührü 12 lakheah:

THRÜNTAN 35:22 Iomraidhean Croise

THRÜNTAN 35:18

Tüsho anihbe me chamachihde alachoki (tümüde alibe sheabah), alibenü api mung Ben-oni de ji; tüshe abuhnü api ki Benjamin de ji.

2 SAMUEL 13:21

Küyimki kiulongthsüpuh Davidnü harübo sokhea, api khide bukakhiuk tüshe apinü atsührü Amnon müthsümüchi, tümüde api ju adüjibuh lakheah.

2 SAMUEL 20:3

Davidnü Jirusalem ching api yam lim arü; tüsho kiulongthsüpuhnü thüyam kümpü lashihkhi hanniube 10 lu, tüsho arübo thüyam ching aheangshih, tüsho apinü arü kheak munung. Jumonü arübo ashe khiungde khimoberü nangde rihdoa la.

1 KIUTHSÜYUKHEAN 5:1

Jakob tsührü adüjibuh Reuben tsührübo. (Api adüjibuh lakheah, tüshe apinü abuh yapkiu müneanjihkhi hode anihbuh azopü yamrüplurüp ju Jakob tsührü Josep tsührübo kilim jih, junangde tsühsoniuso yukhean ching azopü yamrüplurüp ayannü api müthrütyuk;

ABEKHIT 2:1

Kheakü Levi trük mihtsürü khülangnü Leviberü khülang lung yamkhün thsü.

LEVI 18:8

Nü buh niube kheak müzammüram düthsü; junü nü buh mungchih ngüshihbah.

WÜHKHE 10:14

Akhuhde Judarünü arü kim ching bonungrü ayannü tsahmusu; tüsho arü limbebuh ju Amminadab tsührü Nashon.

WÜHKHE 13:4

Tüsho arü mungbo ju harü lakheah: Reuben trük chingnü, Zakkur tsührü Shammua.

YUNIRÜBO RHIMO 7:8

Judüki apinü anihbuh kilim tsütabahpü tangzüng jih; junangde Abrahamnü Isak ngü tüsho nimung tizheahpü ching api tsütabah; tüsho Isak kheaknü Jakob trükkhit tüsho Jakob kheaknü jipürü 12 trükkhit.

1 KORINT 5:1

Amükinrü bolung she müdünjikhi, nüsa bolung mihtsürü khülangnü bethsürü lung lakhi müzammüram lah de atsütsü thiyusheak jihdo.

YUZÜNGTHALO 27:12

“Küyimki nüsa Jordan hobanü mihtsürübo müngühmühi jihde Gerizim wung kheak harü zhipbah: Simeon, Levi, Juda, Issakar, Josep, tüsho Benjamin;

YUZÜNGTHALO 27:20

“‘Shepünü nihbuh abuh niuberü kheak müzammürambanü api muthrumünean thsang.’ Tüsho mihtsürü alalanü athabah, “Amen!”

AMIKHEAKAKHIUKKHI 21:14

Kiuto chipi ju khimtan thürükheak mahne, tüsho jurü kheak Namfimihnunu amüsühthsangyurü thürükheak mahne mung lakheah.

MAHKHAPRÜ 5:14

Amalek ching aying lakhi Ephraim chingnü khürü arü; nü ruyanrü bolung Benjamin lakheah. Makir chingnü wühkenorübo, Zebulun chingnü limthorü tso hanrü aki.

1 SAMUEL 2:22

Kheakü Eli khide ashinbuhrü lakheah. Atsührübonü Israel kheak rhimokhi tüsho arübonü ashorupung khimyam ripit ki tankihrü liberübo kheak nungkhi alala so.