THRÜNTAN 35:2 - AMÜSÜH HÜM CL Bible (BSI)

² Jakobnü api yamkhün tüsho api lung larü alala ki tha, “Nüsa bolung lakhi khiungkerü thrünpuhbo bahbah nüsa tsangkhitang, tüsho nüsa khimmihbo müthriang.

THRÜNTAN 35:2 Iomraidhean Croise

THRÜNTAN 18:19

Tümüde inü api mokhit, ju hode arünü alim tüsho thiyuro rhimopü Atungpuh limro zopü api tsührübo tüsho api dunglim ayamkhün ki apinü thiyukhüm jihbah, junangde apinü anihbuh ki alokhikhi lüpdükhi Abraham thsungkheak rhimobah.”

THRÜNTAN 31:19

Kheakü Laban anihbuh yo namfimihnu nam rhippü yüa lakheah, tüsho Rachelnü abuh yo yambuk thrünpuhbo ahüh-a lu.

THRÜNTAN 31:30

Kheakü atsütsü nü tsodo, tümütüsho nünü nü buh yamkhün tode lümrhihlah, tüshe tümüde nünü I thrünpuhbo ahühkhea?”

THRÜNTAN 31:34

Kheakü Rachelnü yambuk thrünpuhbo lubah kemel düthsün kheak binpung khüp yuk tüsho jurü kheak bin. Labannü khimyam alala ching kheah tüshe jurü müyimkhit.

THRÜNTAN 34:2

Tüsho küyimki lomi yakzanshuhbuh Hivrü Hamor tsührü Shekemnü alibe ngükhea, apinü anihbe bea lubah amütsü thsü tüsho alibe thsümünim.

THRÜNTAN 35:22

Tüsho küyimki ju lomi ching Israel lakheanü, Reubennü abuh hanniube Bilha kilim yü tüsho müyam; tüsho ju dünkheak Israelnü so. Jakob tsührü 12 lakheah:

2 SAMUEL 7:23

Thrünpuhnü api mihtsürü müngühnü trükshih tüsho ju thrünpuhbo yankhitde api mung thsüa lupü tüsho arü thsungkheak ato tüsho atrebe rhimopü, api mihtsürü thsüpü rhokhitpü yükhi, nünü Ijip chingnü rhokhitkhi nü mihtsürü Israel nangde alomi ching püpü trükshih she la?

2 KIULONG THSÜRÜ 17:29

Tüshe trükshih abannü nihbuh thrünpuhbo thsü tüsho arü lapung kiutobo ching, Samaria mihtsürübonü athsükhi achang dangpung arüngyambo ching yuka zo;

2 KIULONG THSÜRÜ 5:10

Elishanü api kilim yunithsürü yüshihde tha, “Yüang, Jordan ching thüne ki müsühang, tüsho nü shihtsü thsüngubah tüsho müsühde akambah.”

1 KIUTHSÜYUKHEAN 16:26

Tümümüde mihtsürü alala thrünpuhbo ju sangthsübo, tüshe Atungpuhnü thüningbo thrün.

JOB HU H T ANYU 1:5

Tüsho küyimki aniojikhi nimungbo tankihkhea, Jobnü arübo jibah müsühkhit, tüsho apinü yapsu mükikde asürübah arü khekhi yande taka kingaünkhi jih; tümüde Jobnü tha, “ Khükia I tsührübonü neak yihbeaka labah, tüsho arü mulong ching Thrünpuh athrua labah.” Hanangde Job nü kamruhroro rhimo.

MUNGSHIKHÜN 51:2

Inü alakmihkhibo müsüh-a bahjang, tüsho I neak chingnü I müsühjang.

MUNGSHIKHÜN 51:7

Monamnü I müsühjang, tüsho I müsühde akambah; I müsühjang, tüsho I phürüm kheaknü amüyebe labah.

ABEKHIT 19:10

Judüki Atungpuhnü Mosa ki tha, “ Mihtsürübo kilim yüang tüsho khihni le shido arü tsangkhitang, tüsho arü khimmih müsühshang.

ABEKHIT 19:14

Judüki Mosanü müzüng kheaknü mihtsürübo kilim akibah tsangkhitjih tüsho arünü arü khimmihbo müsüh.

ABEKHIT 23:13

I Atungpuhnü nü ki thakhi lüpdükhi aniang. Püpürü thrünpuhbo ki dütamkhüntamnü; arü mungbo she dütha.

T H S AN GYU T H S AN GR ARÜ 5:1

Küyimki nü Thrünpuh yam ching yübanü nü jingdükübo aheangang; makharünü arhimokhi nangde shuhmülanga jihkhi kheaknü a anipü phünide ayükhi atsübe ah; tümütüsho arünü amütsü tümü rhimochonü mümükheah.

ISAIA 1:16

Nüsa müsühang; nüsa müsühde kamang; nüsanü amütsü rhimokhibo I mük kinü yihkhita bahang; amütsü rhimo arün thsang,

ISAIA 52:11

Tsoang, tsoang, ha chingnü wukhiukang! mümüsühkhi tümü düqiu; nüsa sherünü Atungpuh pungphuru hanla, ha bolung chingnü wukhiukang, nüsa tsangkhitang.

JEREMIA 13:27

Inü nü athraneanbebo, nü müzammüram, shihkünde alankhi awungbo tüsho mükeakbo ching machihde shihyinkhi ngüdo. Nü are, O Jirusalem! Külokhüh nü mümüsühde alaba?”

JEREMIA 16:20

Mihtsürübonü küju thrünpuhbo yungnü arü thsungkheak thrünpuhbo thsakhamkhukba de?

JEREMIA 5:7

Küde thsah inü nü neak bahjihpü? Nü tsührübonü I bahyukdo, tüsho akeang thrünpuhbo hode thiyuchihchim. Inü arü bukthsüde yimkip she, arünü müzammüram yihbeak tüsho müzammüramrü yambo ching shode tsah.

EZEKIEL 18:31

Nünü alakmihkhi alala chingnü tsokhitang, tüsho mulong aso tüsho me aso ngüang. Tümü thsükhi nü ashepü, O Israel yamkhün?

EZEKIEL 20:7

Tüsho inü arü ki tha, “ Nüsa mihbüm abannü nüsa mük ki lakhi athraneanbe mejakbo yihkhita bahang, tüsho Ijip sangthsü kheak nü dümünean. I Atungpuh nüsa Thrünpuh.”

EZEKIEL 36:25

Inü nü kheak ke amüsüh rhakkihbah, tüsho mümüsühkhibo chingnü nü müsühbah, tüsho nü sangthsübo alala chingnü inü nü müsühbah.

DANIEL 5:4

Arünü yukhu ju yung tüsho suna le shotoyinchi, müwayinchi, yinchi, sang, tüsho lung thrünpuhbo shijih.

LEVI 15:5

Tüsho shepünü ju buh yapkiu qiubanü nihbuh khimmih müsühbah, kemüyihbah tüsho arelim khiungde mümüsühkhi labah.

LEVI 17:16

Tüshe apinü khimmih mümüsüh yungsho kemümüyihsho, ju neak apinü ahanbah.

WÜHKHE 31:24

Tüsho nüsanü khimmihbo athüne nipü müsühang tüsho müsühde kamang, tüsho jushu nüsa binkheampung ching arüpü kuklah.”

YUNIRÜBO RHIMO 19:26

Tüsho Efisia ching lang yungde Asia alala ching Paulnü, khahbonü athsükhi thrünpuhbo a thrünpuhbo yung de thade mihtsürü ahihkhüh münityukde atsokhi nüsanü ngülah tüsho sochoh.

1 KORINT 10:7

Arü khürü nangde sangthsü kingaünrü düthsü; ha thrüta lah, “Mihtsürübonü binbah tsühyung tüsho atsünpü wusu.”

2 KORINT 7:1

Amuzho müyamrübo, tümütüsho isa harü alokhikhibo lah, pang tüsho me müneankhi lüpdükhi chingnü isanü müsühkhitanü, tüsho Thrünpuh trekhi ching banthsangkhi amüsüh kamanü.

GALATIA 4:8

Akhuhlim nüsanü Thrünpuh mümükheahchoki, nüsa ju thrünpuhbo yungde püpürü bukkhüp azhorü lakheah;

YUZÜNGTHALO 11:28

tüsho inü nüsa khihni thiyukhüm jihkhi Atungpuh nüsa Thrünpuh yukhümbo manide rholobah nüsanü mümükheahkhi püpü thrünpuhbo kilim yüsho, muthrumünean.

YUZÜNGTHALO 32:16

Arünü api keomukhuh-a khiungkerü thrünpuhbo kheak abukakhiukshih; arünü athraneanbe rhimode api bukakhiukshih.

YUZÜNGTHALO 5:7

Nünü I miki püpürü thrünpuh tümü dülashih.

YUZÜNGTHALO 6:14

Nüsanü nüsa mükamde alakhi püpürü thrünpuhbo dunglim düyan,

YUZÜNGTHALO 7:25

Arü thrünpuhbo thsüa zokhi nüsanü monü atakbah; nüsanü arü kheak lakhi shotoyinchi yungsho suna dümürüh, yungsho nihbuh thsungkheak dulu, jude thsüsho junü nüsa mükhiplobah; tümüde ha Atungpuh nüsa Thrünpuh kilim athraneanbe lah.

IBRI 10:22

isanü amülim chingnü atsangkhitkhi mulong tüsho ke amüsühnü amüsühkhitkhi pangnü mulong jihde tüsho akin mütsankhinü Thrünpuh ki thüninde yüanü.

JAKOB 4:8

Thrünpuh thüninang tüsho apinü nü thüninbah. Aneakrübo, nüsa khahbo tüsho mulongbo müsühang, nüsa lümtrüp mihtsürübo.

JIHUSUA 23:7

junangde nüsa lung larü mihtsürü bolung mütsah yungsho arü Thrünpuh mung jide thiyuchihchim müthsü yungsho arü mütankih yungsho arü miki mümükhüm,

JIHUSUA 24:14

“Jumonü Atungpuh wüntreang, tüsho rhüngrhüngde tüsho thiyuronü api tankihang; nüsa jipürünü ke thripkhüh tüsho Ijip ching kingaünkhi thrünpuhbo bahkhiang tüsho Atungpuh tankihang.

JIHUSUA 24:15

Kheakü nüsanü api mütankihnesho, nüsa lakhi lo ching nüsa jipürünü akingaünkhi kethripkhüh yungsho Amorrü thrünpuhbo tankihba shi shepü tankihbanü khihni mokhitang; tüshe I tüsho I yamkhün a Atungpuh tankihbah.”

JIHUSUA 24:2

Jihusuanü mihtsürübo ki tha, “ Ha Atungpuh Israel Thrünpuhnü thachoh: Adüso nüsa jipürü Tera tüsho atsührü Abraham tüsho Nahor, Ephraim ayung thripkhüh lim lade püpürü thrünpuhbo kingaünkheah.

JIHUSUA 24:20

Nüsanü api bahyukde khiungkerü thrünpuhbo tankihsho, apinü nüsa ki atsü rhimo dunglim rholobah nüsa thsümüchide adükheakshihbah.”

JIHUSUA 24:23

Apinü tha, “Dale tüsho nüsa bolung lakhi khiungkerü thrünpuhbo bahyukang, tüsho Atungpuh Israel Thrünpuh kheak nüsa mulong jihang.”

JUDNÜ ATHRÜTKHI KIHÜM HUHTANYU 1:23

mo chingnü züngkhitde khürü khümkhitang; tüsho khürü ki trezung thsüde mihmüthsüm huhang, tüshe arü yüliyürakhi neakbonü amüneankhi khimmihbo thraneanang.

MAHKHAPRÜ 10:16

Jumonü arünü khiungkerü thrünpuhbo arü bolungnü yihkhita bah tüsho A TUN GPU H tankih. Tüsho Israel thsünükhi apinü küruhkhüh marümkheamde alakheah.

RUTH 1:15

Jumonü Naominü tha, “Ruth, nü chi a nihbe mihtsürü tüsho thrünpuhbo kilim alode wulungdo, nü she yande wulungang.”

1 SAMUEL 16:5

Apinü tha, “ Mungtsü chingnü ah; I Atungpuh ki laksah-a kingaünpü arüdo; nüsabo müsühkhitang tüsho I lung laksah-a kingaünkhi ching arang.” Tüsho apinü Jesse le atsührübo müsühkhit tüsho arübo laksah-a kingaünkhi ching jiyuk.

1 SAMUEL 7:3

Judüki Samuelnü Israel yamkhün alala ki tha, “Nüsa mulong athrünkhinü nüsa Atungpuh kilim rholochosho, dale khiungkerü thrünpuhbo tüsho Astar sangthsübo dükheabahang. Nüsa mulong A TUN GPU H kilim anguhang, tüsho api lang tankihang, tüsho nüsa Filistiarü khah chingnü abekhitbah.”