THRÜNTAN 35:16 - AMÜSÜH HÜM CL Bible (BSI)

¹⁶ Judüki arünü Bethel chingnü hantsahmusu. Tüsho arübo Ephra khiungpü adükeak anükhüh lachoki Rachel khungarü zübepü khiung tüsho thsünü ato ching lakheah.

THRÜNTAN 35:16 Iomraidhean Croise

THRÜNTAN 3:16

Apinü alibe ki tha, “Inü nü khungarü hankhi thsünü alü kamshihbah; nü thsünüsahde khungarü zübebah; jude thsüthsü she nü niubuh mürühpü nü kheak labah, tüshe apinü nü kurungkheak yakzan shuhbah.”

THRÜNTAN 35:19

Junangde Rachel sheabah tüsho Ephra (ju Bethlehem) limro kheak kiuyukabah.

THRÜNTAN 48:7

Tümütüsho I Paddan chingnü arüchoki, Ephrath lim yüpü limro adükeak anükhüh lade, Kanan lomi ching Rachel I kinü sheabah; tüsho inü anihbe Ephrath (ju Bethlehem) lim yüpü limro kheak kiuyukabah.”

2 KIULONG THSÜRÜ 5:19

Apinü anihbuh ki tha, “Mungtsü chingnü yüang.” Tüshe küyimki api kinü Naaman anükhüh shude yüde alakhea,

1 KIUTHSÜYUKHEAN 2:19

Küyimki Azuba shekhea, Kalebnü Ephrath lu, anihbenü api kilim Hur zübejih.

MUNGSHIKHÜN 132:6

Kheahang, isanü ju Ephratha ching sodo; isanü ju Jearim mükeakbo ching ngüdo.

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

MATHI 2:1

Kiulongthsüpuh Herod kim ching, Judea ching lakhi Bethlehem ching Jisu zübe dunglim, aniakhiuklimnü mükheahmudurübo Jirusalem ching arü

MATHI 2:16

Küyimki mükheahmudurübonü api mülapyukdo de Herodnü amükheahkhea, api khide bukakhiuk; tüsho apinü mükheahmudurübo kheaknü anikhitkhi kim ayannü Bethlehem tüsho ju mühi athrürü nunu kam mahnenü abukkhüp alala laksahpü thiyukhüm jih.

MATHI 2:18

“Rama ching mitripkhi tüsho tode tüzhokhi düsheak so, Rachelnü atsührübo thsungkheak tripchoh tüsho mulong shukheampü thsunglochoh, tümütüsho arübo kheaküa müla.”

1 TIMOTHI 2:15

Tütüshe anihbenü azhihayihde akin, amuzho, tüsho amüsühkhi ching mutukzhakde lasho tsührü zübekhi hode aliberü ju akhümkhitbah.

RUTH 1:2

Ju buh mung Elimelek, aniube mung Naomi, tüsho atsührüne mung Mahlon tüsho Kilion; arübo ju Juda ching lakhi Bethlehem chingnü Ephrarü lakheah. Arübo Moab lomi ching yü tüsho ju ching la.

RUTH 4:11

Azothsürü tüsho chipimurung ki larübonü tha, “ Am, isa thiyumütsan thsürü ah. Rachel le Lea bünenü Jakob kilim tsührü hihde zübejihkhi nangde Atungpuhnü nü yamkhünbe müngühshang. Ephra trük ching nü alarü kamshang tüsho Bethlehem ching nü thushang.

1 SAMUEL 10:2

Küyimki nü khihni I kheaknü chamachihbanü nünü mihtsürü mahne Benjamin lomi, Zelza ching Rachel kiuyuk miki shorubah; anenü nü ki thabah, ‘Nünü yimde ayükhi donkibo ngüdo, tüsho nü buhnü arü le nü thsungkheak mulong sansande: I tsührü thsungkheak I küde athsüba? de athakhi thsü tukloabahdo.’

1 SAMUEL 4:20

Alibe ashepü thsüde alachoki, anihbe shorupü arükhi aliberünü tha, “Dütre, tümüde nünü athrürü khülang zübejihdo.” Tüshe anihbenü malo yungsho mani.