THRÜNTAN 35:11 - AMÜSÜH HÜM CL Bible (BSI)

¹¹ Kheaküshe Thrünpuhnü api ki tha: “I Wuto Thrünpuh. Aso asoang tüsho wüh buang; trükshihbo nü kheaknü akhiukbah tüsho nü pang chingnü kiulongthsürübo arübah.

THRÜNTAN 35:11 Iomraidhean Croise

THRÜNTAN 12:2

Inü nü trükshih ato kamshihbah; inü nü müngühjihbah tüsho nü mung ato kamshihbah; tüsho nü müngühmühi labah.

THRÜNTAN 13:16

Tüsho inü nü tsühsoniusobo asungthulung nangde akamshihbah; junangde khürünü asungthulung khekhuksho nü tsühsoniusobo she akhekhukbah.

THRÜNTAN 15:5

Apinü anihbuh wungdo ching bekhit tüsho tha, “Thüning lim kheahang, tüsho chiningbo nünü khekhamkhuksho kheang.” Tüsho apinü anihbuh ki tha, “Junangde nü tsühsoniusobo labah.”

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

THRÜNTAN 17:16

Inü alibe müngühjihbah tüsho anihbe hode nü kilim tsührü she khülang jihbah; inü alibe müngühjihbah tüsho anihbe ju trükshih ahihdo abe thsübah; mihtsürü kiulongthsürübo anihbe kheaknü arübah.”

THRÜNTAN 17:4

“I thsungkheaknü a, ha nü kheak I tangzüng ah, tüsho nü trükshih ahihdo abuh thsübah.

THRÜNTAN 18:14

Atungpuh thsungkheaknü tümükhüh khide chakla de? Münchikhi kim ching shikam I nü kilim alode arübah, tüsho Sara tsührü khülang labah.”

THRÜNTAN 18:18

Tümütüsho tsükjide Abraham ato tüsho sühmüh lakhi trükshih khülang kambah, tüsho lomi trükshih alala api kheaknü müngühmühibah.

THRÜNTAN 22:17

müngühmühi ching inü nü müngühjihbah, tüsho wühjabuja ching thüning ching chiningbo tüsho keyean loyibo nangde nü tsühsoniusobo bushihbah; tüsho nü tsühsoniusobonü arü riri kiutobo müküh-a lubah.

THRÜNTAN 28:14

Nü tsühsoniusobo alo asungthulung nangde alabah; nü aniyüzahlim tüsho aniakhiuklim, dukulim tüsho düjinglim bude ayübah; tüsho nü le nü müjih ching alomi yamkhün alala müngühmühibah.

THRÜNTAN 32:12

Tümüde nünü tha, ‘Tsükjide inü nü tsüde akümbah, tüsho nü tsühsoniusobo mükhekhambe keto loyi nangde hihde akamshihbah.’ ”

THRÜNTAN 36:31

Harü ha Israelrü kurungkheak kiulongthsürü shenü kiulong müthsüchoki, Edom lomi ching kiulongthsürübo ah.

THRÜNTAN 43:14

Tüsho Wuto Thrünpuhnü mihtsürübuh miki nüsa amüthsüm jihshang, junangde apinü nüsa niurü püpü le Benjamin büne dükhebah. I a tsührübo dükheakpü lasho, tümüyu lapü!”

THRÜNTAN 46:3

Tüsho apinü tha, “I a Thrünpuh, nü buh Thrünpuh ah; Ijip lim yükipü dütre, tümüde inü nü ju ching trükshih ato khülang kamshihbah.

THRÜNTAN 47:27

Jumonü Israelrü Ijip lomi, Goshen lo ching la; tüsho ju ching yamalobo lakheah tüsho khide wüh bu.

THRÜNTAN 9:1

Jumonü Thrünpuhnü Noa tüsho atsührübo müngühjih, tüsho arü ki tha: “Aso asode wüh buang, tüsho alomi mide kamang.

THRÜNTAN 9:7

Tüsho nüsa thsungkheaknü, tsührü laang tüsho wüh buang; alomi ching hihde kamshang tüsho bushang.”

1 KIUTHSÜYUKHEAN 16:16

apinü Abraham ki tangzüngkhi, apinü Isak ki thiyuchihchimkhi,

1 KIUTHSÜYUKHEAN 16:17

küpü apinü Jakob ki yakzan-thsükhi kamshihkhea, Israel kilim akheam mülakhi tangzüng,

1 KIUTHSÜYUKHEAN 16:18

tha, “Inü nü kilim Kanan lo yamrüplurüp thsungkheak nü shihcham jihbah.”

ABEKHIT 1:7

Tüshe Israelrü wüh bude hihdakde khide sühmüh lade arünü alomi mide kam.

ABEKHIT 2:24

Jumonü Thrünpuhnü arü ashekhi so, tüsho Abraham, Isak tüsho Jakob ki apinü tangzüngkhi lümkhit.

ABEKHIT 6:3

Inü Abraham, Isak tüsho Jakob ki Wuto Thrünpuh ah de akhiuka huh, tüshe inü arü ki I mung Atungpuh de mümükheahshihde alakheah.

LEVI 26:42

inü Jakob, Isak tüsho Abraham kheak tangzüngkhi lümkhitbah, tüsho inü alomi lümkhitbah.

2 KORINT 6:18

I nüsa abuh thsübah, tüsho nüsa I tsührübo le tsührübebo thsübah, Wuto Atungpuhnü thachoh.”