THRÜNTAN 34:5 - AMÜSÜH HÜM CL Bible (BSI)

⁵ Tüsho apinü atsührü Dina thsümünimkhi Jakobnü mükheah. Kheakü api tsührübo akam-shiwühbo lung thulu ching lakheah; jumonü arü malungyikia Jakobnü tümü müthsü.

THRÜNTAN 34:5 Iomraidhean Croise

THRÜNTAN 30:35

Jumonü ju nimung apinü mihnu pungbo le drebo amütri tüsho aneakjik kihkhibo, amüye kihkhi aban, tüsho namfimihnunu bolung amüwabo alala mokhita api tsührübo khah ching jih.

THRÜNTAN 34:4

Jumonü Shekemnü abuh Hamor ki tha, “Ha anünübe I niube thsüpü lujang.”

THRÜNTAN 34:6

Judüki Shekem abuh Hamornü Jakob kilim wukhiuk tüsho api ki asukachih.

THRÜNTAN 46:34

Nüsanü alobah, ‘Isa le isa abuh chido isa athunuchokinü isa rhimo ju shiwüh kümde arükheah,’ junangde nüsa Goshen lomi ching labah; tümüde namfimihnu neakrübo ju Ijiprü ki athraneanbe lah.”

2 SAMUEL 13:22

Tüshe Absalomnü Amnon ki atsü yungsho amütsü she mütha; tümüde Absalomnü Amnon thranean; tümütüsho apinü aniurü Tamar kheak reangkihde amütsü rhimo.

MUNGSHIKHÜN 39:9

Inü thiyu mütha, inü I mün mükhimshuh, tümütüsho nünü ha rhimokheah.

LEVI 10:3

Jumonü Mosanü Aron ki tha, “Atungpuhnü athakhi ju ha: I phünide arürü abannü I müsühkhitkhi kheak wüntre jihbeah; tüsho mihtsürübo alala ki I müretahshihbeah.” Tüshe Aronnü düsheak makhiukde la.

LUKNÜ ATHRÜTKHI THIYUSHEAK-ATSÜ HUHTANYU 15:25

“Kheakü akhiung ju thulu ching lakheah. Tüsho api alungbah thüyam phünide alachoki, khün tüsho atsünkhi düsheak so.

LUKNÜ ATHRÜTKHI THIYUSHEAK-ATSÜ HUHTANYU 15:29

Jumonü apinü abuh ki tha, ‘Kheahang, kam ahihdo inü nü tankihde arüdo; küyimkishe inü nü yukhüm mülakmih; tüshe nünü küyimkishe I kilim I müyamrü lung asühachihpü thsüde mihnu nunu müjih.

1 SAMUEL 10:27

Tüshe amüthülünkhi mihtsürü khürünü tha, “ Ha buh mihtsürünü küde thsah isa khümkhitkhukpü?” Arünü api mükhemükim thsü tüsho api kilim thsambah lubah marüjih. Tüshe apinü amüsomürang thsüabah.

1 SAMUEL 16:11

Samuelnü Jesse ki tha, “Nü tsührü alala ha ching la shi?” Tüsho apinü tha, “ Kheakü akheambuh aninga lah, tüshe api namfimihnu neakchoh.” Tüsho Samuelnü Jesse ki tha, “ Api ha ching arüshang; tümüde api ha ching marüyichokia isa mübin.”

1 SAMUEL 17:15

tüshe David a abuh yo namfimihnu yimkippü Bethlehem lim yüde alakheah.