THRÜNTAN 34:30 - AMÜSÜH HÜM CL Bible (BSI)

³⁰ Judüki Jakobnü Simeon le Levi ki tha, “Nükenü lomi ching larü Kananrü le Perizrü bolung I athraneanbe kamshihde I kheak küpkhuk hande arüdo; tümütüsho I wühkhe nüklah, arünü rukhüh mukhungbah I azhihbah tüsho I laksahbah.”

THRÜNTAN 34:30 Iomraidhean Croise

THRÜNTAN 12:12

Küyimki Ijiprünü nü ngübanü arünü athabah, ‘Ha api niube ah.’ Arünü I laksahbah; tüshe nü a alashihbah.

THRÜNTAN 12:2

Inü nü trükshih ato kamshihbah; inü nü müngühjihbah tüsho nü mung ato kamshihbah; tüsho nü müngühmühi labah.

THRÜNTAN 12:6

Abramnü Shekem ching More sangdung ato lapung khiungde lomi hode hantsah. Ju kim ching Kananrübo lomi ching lakheah.

THRÜNTAN 13:7

Tüsho Abram shiwüh le Lot shiwüh kheahrü dükeak alanaji akhiuk. Ju kim ching Kananrü le Perizrü she lomi ching lakheah.

THRÜNTAN 34:2

Tüsho küyimki lomi yakzanshuhbuh Hivrü Hamor tsührü Shekemnü alibe ngükhea, apinü anihbe bea lubah amütsü thsü tüsho alibe thsümünim.

THRÜNTAN 34:29

Arünü arü lakhi tüsho aliberübo le azürübo, arü yambo ching lakhi lüpdükhi yankhia lu.

THRÜNTAN 34:31

Tüshe anenü alo, “Apinü isa niurü müzammüramrü nangde arhimobea de?”

THRÜNTAN 46:26

Jakob lung yükhi mihtsürü alala, apang ching yo, Jakob tsührübo niuberübo thsürubah alalanü 66.

THRÜNTAN 46:27

Tüsho Ijip ching Josep kilim zübejihkhi tsührü 2 lakheah. Jakob yamkhün Ijip lim yükhi mihtsürü alalanü 70.

2 SAMUEL 10:6

Küyimki Amonrünü arübo David riri kamdo de amükheahkhitkhea, Amonrünü thiyia yüshih tüsho Beth-rehob tüsho Zoba ching Siriarü, jingtsahrü bonungrü 20,000, tüsho Maaka kiulongthsüpuh mihtsürü 1000, tüsho Tob mihtsürübo 12,000 muloa bebah arü.

2 SAMUEL 16:21

Ahithophelnü Absalom ki tha, “Thüyam neakpü lashihkhi nü buh hanniubebo kheak yübah nungang; tüsho nünü nü buh kheak thiriri kamchoh de Israel alalanü asobah, tüsho nü lung larübo mulong tode akambah.”

1 KIULONG THSÜRÜ 11:25

Hadadnü thsümüchide arhimokhi nangde Solomon nimungbo alala ching api Israel azhihrü lakheah; apinü Israel mükhemürang thsü tüsho Siria kurungkheak kiulongthsü.

1 KIULONG THSÜRÜ 18:18

Apinü alo, “Inü Israel küpkhuk müjih; tüshe nü tüsho nü buh yamkhünnü küpkhuk jihdo, tümütüsho nünü Atungpuh yukhümbo bahyuk tüsho Baalbo yando.

1 KIUTHSÜYUKHEAN 16:12

Apinü arhimokhi amüyinsahbe rhimobo, api khinthiyinbebo, tüsho apinü athakhi mahkhapkhibo lümkhitang,

1 KIUTHSÜYUKHEAN 16:19

Küyimki arü akhekhi nükde alakhea, kheakheahkhi anikhüh, tüsho ju ching mihsobo la,

1 KIUTHSÜYUKHEAN 19:6

Küyimki Amonrünü David kheak mütsüde rhimokhi arü zangrü lümkhitlokhea, Mesopotamia, Siria ching lakhi Maaka tüsho Zoba chingnü khora-lolungbe tüsho khorabonungrü muloshihpü Hanunnü shotoyinchi khahngak 34,000 mühah.

1 KIUTHSÜYUKHEAN 2:7

Karmi tsührübo: Akar, Israel küpkhuk jihbuh, apinü amüsühkhitkhi kukrukbo ching müneanjih;

MUNGSHIKHÜN 105:12

küyimki arübo akhekhi nükde alakhea, atsütsü ju ching khide nükde, tüsho jaksorü lakheah.

ABEKHIT 5:21

Tüsho arünü ane ki tha, “Nükenü Pharao tüsho api torübo khah ching nukshang zhimshihbah isa laksahshihpü thsüde arünü isa thraneanshihkhi hode Atungpuhnü nüke kheak kheahshang tüsho mahkhapshang.”

MÜCHITMUDU 11:17

Amüthsüm lakhi mihtsürünü nihbuh me atsü thsungkheak rhimochoh, tüshe shepü bukmükenü nihbuh kheak küpkhuk hande arüchoh.

MÜCHITMUDU 11:29

Shepünü nihbuh yamkhün küpkhukshihchonü apung yimlubah, tüsho makharü a lümlung larü yamlarü thsübah.

MÜCHITMUDU 15:27

Yihnelune mihtsürünü nihbuh yamkhün ching küpkhuk hande arüchoh, tüshe shepünü buknimbo thraneanchonü kutsüpbah.

YUZÜNGTHALO 4:17

alo kheak lakhi shiwühbo khürü jak nangde yungsho apung ching phinkhi aghi kihbe wuhnu nunu jak nangde,

YUZÜNGTHALO 4:27

Tüsho Atungpuhnü mihtsürü bolung nüsa hiumüzütshihbah, tüsho Atungpuhnü nüsa külimpeang bebanü trükshih bolung nüsa nükde alabah.

YUZÜNGTHALO 7:7

“Nüsa wühkhe hihmonü Atungpuhnü nüsa muzhokhi yung yungsho amokhitkhi yung, tümüde nüsa mihtsürü alala bolungnü anükbe ah;

JIHUSUA 7:25

Tüsho Jihusuanü tha, “Nünü tümü thsükhi isa kheak küpkhuk hande arükhea? Atungpuhnü khihni nü kheak küpkhuk hande arüchoh!” Mihtsürü alalanü Akhan ju lungnü rusah; arünü ayamkhün tüsho lakhitbo she ruthünak tüsho monü takabahjih.

1 SAMUEL 13:4

Küyimki Saulnü Filistia thirithsürü binpung yankhitdo tüsho Filistiarünü Israel kheak mükihde kamdo de Israel alalanü asokhea, mihtsürübo Saul lung bepü Gilgal ching jimukhung.

1 SAMUEL 16:2

Samuelnü tha, “Inü küde thsah ayüba? Ha Saulnü sosho, apinü I laksahbah.” Tüsho Atungpuhnü tha, “Nü lung moshi nunu khülang beang, tüsho thaang, ‘I Atungpuh ki laksah-a kingaünpü arükheah.’

1 SAMUEL 27:1

Davidnü amulong chingnü tha, “ Kheakü nimung khülang ching I Saul khah hode ku kheambah; I thsungkheaknü Filistiarü lomi ching tsokhide ayüpü kheaknü tümü atsüdakbe müla; jushu Israel lomi ching Saulnü I yimkhi chingnü atuklobah, tüsho I api khah chingnü atsokhibah.”

1 SAMUEL 27:12

Akishnü hade lümde David kheak akin la, “ Apinü azangrü nihbuh mihtsürü Israelnü thraneanabahshihdo; jumonü api kamruhroro I yamlarü thsübah.”