THRÜNTAN 34:19 - AMÜSÜH HÜM CL Bible (BSI)

¹⁹ Jumonü athrününgtsüngbuhnü ju rhimopü mashu, tümütüsho apinü Jakob tsührübe kheak asüh. Api ju abuh yamkhün alala kheaknü wüntre jihkhi lakheah.

THRÜNTAN 34:19 Iomraidhean Croise

THRÜNTAN 29:20

Jumonü Jakobnü Rachel dünkheak kam thüne tankih, tüshe apinü alibe muzhokhinü jurü nimung anükhüh nangde alakheah.

THRÜNTAN 34:18

Tüsho arü yubonü Hamor tüsho api tsührü Shekem asühshih.

THRÜNTAN 34:20

Hamor le api tsührü Shekem anenü kiuto chipiripit ki arü, tüsho arü kiuto mihtsürübo ki tha:

THRÜNTAN 41:20

Tüsho trukkhita makhamde alakhi moshibonü ashih-kihkhi atan moshibo thüne ju tsühabah,

2 KIULONG THSÜRÜ 5:1

Siria kiulongthsüpuh bonungrü wühkenobuh, Naaman ju mungthu mihtsürü tüsho anihbuh putungrünü wüntre jihkhi lakheah, tümütüsho api hode Atungpuhnü Siria kilim akuk ngüshih. Api athrungrü amüzhak mihtsürü thsüa lalashe, aphamrü lakheah.

1 KIUTHSÜYUKHEAN 4:9

Jabez ju api keoniorübo kheaknü alü wüntrebuh lakheah; tüsho abenü api mung Jabez jijihde tha, “Tümütüsho inü api thsünüde zübedo.”

KHÜNBOLUNGKHÜN 8:6

I nü mulong kheak yümkihkhi nangde, nü bin kheak yümkihkhi nangde zoang; tümüde amuzho ju ashebe nangde müranglah, mükthsükhi kiuyuk nangde bukakhiukkhi lah. Atrukhi ju, mo trukhi, momulo nangde lah.

ISAIA 5:13

Jumonü I mihtsürübo mükheahmudu mülade ramtso ching yübah; arü limberübo akhümnü ashebah, tüsho arü boto kethürinü rungngahbah.

ISAIA 62:4

Kheaküa nü Amihkhi de müji tüsho nü lomi Azhikkhi de müji; tüshe I Asühkhi Anihbe kheak lah de nü ki jibah, tüsho nü lomi rhangdo de ajibah; tümüde Atungpuhnü nü kheak asühchoh tüsho nü lomi arhangbah.

WÜHKHE 22:15

Tüsho Balaknü kiulongthsürü tsührübo akhuhlim kheaknü ahihbe tüsho khide adungtobo yüshih.

YUNIRÜBO RHIMO 13:50

Tüshe Jihudarünü kiuto ching adungto mihtsürü tüsho boto ching adungtorü Thrünpuh kingaünrü khiungkerü liberü thurumusu. Arünü Paul le Barnaba büne thsümüchipü tankih tüsho arü lomi chingnü yankhitabah.

YUNIRÜBO RHIMO 17:12

Jumonü Greekrü athrürü tüsho aliberü adungtobo ahihkhühnü kin.

1 SAMUEL 22:14

Judüki Ahimeleknü kiulongthsüpuh ki alo, “Nü yamlarü bolung shepü David nangde thiyuro la? Api kiulongthsüpuh tsühmeakrü ah tüsho nü aheangpü ching athrilah, tüsho nü yam ching alalanü wüntre jihchoh.