THRÜNTAN 33:18 - AMÜSÜH HÜM CL Bible (BSI)

¹⁸ Tüsho Jakobnü api limro Paddan-aram chingnü Kanan lomi ching lakhi Shekem kiuto ching tsüde arü; tüsho apinü kiuto müngüh bin.

THRÜNTAN 33:18 Iomraidhean Croise

THRÜNTAN 12:6

Abramnü Shekem ching More sangdung ato lapung khiungde lomi hode hantsah. Ju kim ching Kananrübo lomi ching lakheah.

THRÜNTAN 25:20

Paddan-aram chingnü Aramrü Bethuel tsührübe tüsho Aramrü Laban niurü Rebeka luchoki Isak kam 40 azorü lakheah.

THRÜNTAN 28:2

Tsahmusubah Paddan-aram ching nü be abuh Bethuel yam ching yüang; tüsho ju ching nü kü Laban tsührübebo lung khülang nü niube luang.

THRÜNTAN 31:25

Junangde Labannü Jakob yanphuh. Kheakü Jakobnü awungbo ching api khimyambo thsü, tüsho Labannü api keoniorübo bebah Gilead awung-lomi ching thsü.

THRÜNTAN 35:9

Kheakü api Paddan-aram chingnü arüchoki Thrünpuhnü Jakob ki akhiuk tüsho api müngühjih.

THRÜNTAN 37:13

Tüsho Israelnü Josep ki tha, “Nü khiung pürübo Shekem ching namfimihnubo kümchoh yung de? Arang, inü nü arü kilim yüshihanü.” Jumonü api ki alo, “I ha kheak lah.”

THRÜNTAN 46:15

Harübo Paddan-aram ching Leanü Jakob kilim api tsührübe Dina bede zübejihkhi tsührübo ah. Api tsührübo tüsho tsührübebo alalanü 33 lakheah.

THRÜNTAN 48:7

Tümütüsho I Paddan chingnü arüchoki, Ephrath lim yüpü limro adükeak anükhüh lade, Kanan lomi ching Rachel I kinü sheabah; tüsho inü anihbe Ephrath (ju Bethlehem) lim yüpü limro kheak kiuyukabah.”

MUNGSHIKHÜN 60:6

Thrünpuhnü api arüngakopungnü tha, “Inü asühbah; inü Shekem chamnakbah tüsho Sukkoth jindükhün akebah.

JEREMIA 41:5

Shekem le Shilo tüsho Samaria chingnü mihtsürü 80 arü mükhühnam hüt tüsho khimmihbo rukrüp, tüsho arü pangbo tsüthünakbah, hi kingaün tüsho rhümthüneabe Atungpuh arüngyam ching jihpü lubah arü.

JOHAN 3:23

Kheakü Johan she Salim phüni Aenon ching baptide alakheah, tümütüsho ju ching ke suhde alakheah.

JOHAN 4:5

Jumonü Jakobnü atsührü Josep jihkhi lo phüni Samaria kiuto Saikar de ajikhi ching apinü arü.

YUNIRÜBO RHIMO 7:16

Tüsho arübo Shekem lim hanlode arü tüsho Abrahamnü Shekem abuh Hamor ki shonü athulokhi kiuyuk ching bah.

JIHUSUA 24:1

Jihusuanü Israel trük alala Shekem ching bemukhung, tüsho apinü azothsürübo, mahkhaprübo tüsho Israel atorübo ji tüsho arübo Atungpuh miki arü.

MAHKHAPRÜ 9:1

Kheakü Jerubbaal tsührü Abimelek ju abe keoniorü kilim yü tüsho abe guk yamkhün alala ki tha,