THRÜNTAN 33:11 - AMÜSÜH HÜM CL Bible (BSI)

¹¹ Muzhobah, nü kilim hande arükhi I müngühmühi luang, tümütüsho Thrünpuhnü I ki muzhode rhimodo, tüsho I suhdahde lah.” Apinü anihbuh ki thsungkih tüsho apinü ju lu.

THRÜNTAN 33:11 Iomraidhean Croise

THRÜNTAN 30:43

Hanangde Jakob ju khide lalim tsüde kam tüsho mihnu boto ato, athrürü tüsho aliberü yamlarübo, tüsho kemelbo le donkibo lakheah.

THRÜNTAN 32:21

Jumonü api müngühnü thsambah yü, tüshe api a ju re binkheampung ching bin.

THRÜNTAN 33:10

Tüsho Jakobnü tha, “Yung, muzhobah, I nü miki amuzho ngüa lasho, I khah chingnü I thsambah leangkhiang; nü miro ngükhi inü Thrünpuh miro ngükhi nangde lah, tüsho nünü I ki asühdo.

THRÜNTAN 33:12

Judüki Esaunü tha, “Isanü tsahmusuanü; isa yüanü, tüsho I nüsa müngüh yübah.”

THRÜNTAN 33:9

Tüshe Esaunü tha, “I suhdahde lah, I niurü, nü tümü lanü nü thsungkheak zoang.”

2 KIULONG THSÜRÜ 2:17

Tüshe küyimki api machihyi khiungde arünü api kheak reangkihkhea, apinü tha, “Arübo yüshang.” Jumonü arünü mihtsürü 50 yüshihbah nimung mahsam yim tüshe api müngü.

2 KIULONG THSÜRÜ 5:23

Naamannü tha, “Muzhobah shotoyinchi 6000 luang.” Apinü anihbuh kheak thsungkih, tüsho shotoyinchi 6000 tüsho khim mihbüm 2 rhüka qiuqiubo ching yukjih, tüsho api yamlarü 2 kilim jih-a Gehazi müngüh hanbah yüshih.

LUKNÜ ATHRÜTKHI THIYUSHEAK-ATSÜ HUHTANYU 14:23

Judüki aputungrünü yamlarü ki tha, ‘Lomi limtobo tüsho limrobo ching yübah arübo yana arüshang, junangde I yam mide akambah.

1 KORINT 3:21

Shenü she mihtsürü dünkheak dükükheang. Tümütüsho alala nüsa yo ah:

2 KORINT 6:10

mulong rozhakde la, tüshe kamruhroro asühachihde la; zhochihrü la, tüshe ahihdo alarü kamshih; tümü mülade la, tüshe lüpdükhi la.

FILIPI 4:18

Inü khiukde tüsho alü she leangkhido; nüsanü amühahkhi thsambahbo rhümthünea kingaün aleangkhikhukbe, shuhmülanga jihbe tüsho Thrünpuh asühshihbe Epaphrodita kilimnü leangkhibah I suhdahde lah.

1 TIMOTHI 4:8

pangnü mürangkhi ju alü khürü lah, tüshe akinnü mürangkhi ju limro alala ching lah, tümütüsho junü kheakü lakhi rhangdung tüsho arüpü lakhi rhangdung alokhikhibo ramlochoh.

JIHUSUA 15:19

Alibenü alo, “I kilim thsambah khülang jihang; tümüde nünü I Negeb lomi ching lashihlah, I kilim kenü khürü she jihang.” Jumonü Kalebnü akulim tüsho abolim lakhi kenübo jih.

MAHKHAPRÜ 1:15

Alibenü api ki tha, “Nünü I Negeb lo ching lashihla le kenü I kilim thsambah jihang.” Tüsho Kalebnü alibe kilim akube tüsho abobe kenü ju jih.

1 SAMUEL 25:27

Tüsho kheakü nü yamlaberünü I tungpuh kilim hande arükhi thsambah ha I tungpuh yande arürü athrününgtsüngbo kilim jihang.

1 SAMUEL 30:26

Küyimki David Ziklag ching arükhea, apinü ayankhikhi shihcham amüyamrübo, Juda azothsürübo kilim mühahde tha, “ Ha A TUN GPU H riribo kheaknü ayankhikhi nüsa thsungkheak thsambah khülang ah”;