THRÜNTAN 33:10 - AMÜSÜH HÜM CL Bible (BSI)

¹⁰ Tüsho Jakobnü tha, “Yung, muzhobah, I nü miki amuzho ngüa lasho, I khah chingnü I thsambah leangkhiang; nü miro ngükhi inü Thrünpuh miro ngükhi nangde lah, tüsho nünü I ki asühdo.

THRÜNTAN 33:10 Iomraidhean Croise

THRÜNTAN 19:19

Kheakü nüsa yamlarü nüsa miki amuzho ngüdo, tüsho I rhangdung khümkhitkhi huhde nüsanü amüthsüm alü kamshihdo; inü awungbo ching tsokhide müyükhuk; ha thsümütsünü I yanphuhbah tüsho I ashebah.

THRÜNTAN 32:30

Jakobnü ju dangpung mung Peniel de ji: “Tümüde inü mironü miro Thrünpuh ngüdo, tüshe I rhangdung aninga lah.”

THRÜNTAN 33:11

Muzhobah, nü kilim hande arükhi I müngühmühi luang, tümütüsho Thrünpuhnü I ki muzhode rhimodo, tüsho I suhdahde lah.” Apinü anihbuh ki thsungkih tüsho apinü ju lu.

THRÜNTAN 33:9

Tüshe Esaunü tha, “I suhdahde lah, I niurü, nü tümü lanü nü thsungkheak zoang.”

THRÜNTAN 43:3

Tüshe Judanü api ki tha, “Nüsa lung nüsa niurü mübesho nüsanü I miro müngülo de mihtsürünü isa ki müküpde thado.

THRÜNTAN 47:29

Küyimki Israel ashepü kim khiungkheanü, apinü atsührü Josep ji tüsho api ki tha, “Kheakü I nü miki amuzho ngüa lasho, muzhobah I pho dükeak nü khah yukang, tüsho I ki muzhode thiyuronü rhimoang. Muzhobah Ijip ching I mi dübah,

THRÜNTAN 50:4

Küyimki atüzhopü nimung hokhea, Josepnü Pharao yamkhün ki tha, “I nü miki amuzho ngüa lasho, muzhobah Pharaonü sode I ki thaang,

2 SAMUEL 14:24

Kiulongthsüpuhnü tha, “Api nihbuh yam ching yüshang; api I miki mazahbeah.” Jumonü Absalomnü nihbuh yam lim yü, tüsho kiulongthsüpuh miki müyüzah.

2 SAMUEL 14:28

Jumonü Absalomnü kiulongthsüpuh miki müyüzahde kam mahne bankhitde Jirusalem ching la.

2 SAMUEL 14:32

Absalomnü Joab ki alo, “ Kheahang, inü nü kilim thiyu ha arüshihdo: Ha ching arang, junangde inü akeokhikhi ha mühahbah nü kiulongthsüpuh ki yüshihbah, ‘ Tümü thsüpü I Geshur chingnü arükhea? I ju ching lakhipünü atsübe thsüdo.’ Jumonü kheakü I kiulongthsüpuh miki yüzahanü; I kheak amülim lasho apinü I laksahshang!”

2 SAMUEL 3:13

Apinü tha, “Tsülah; inü nü kheak tangzüng khülang thsübah. Tüshe nü kheaknü inü alunepü rhimo khülang ju: küyimki I shorupü arübanü, Saul tsührü Mikal mübesho küyimkishe I miki nü marü.”

JOB HU H T ANYU 33:26

Apinü Thrünpuh ki tamkhüntamnübah tüsho apinü api kheak asühbah, apinü api jak asühde akheahbah, tümüde apinü mihtsürü kilim api thiyuro-lungki jihlochoh.

MUNGSHIKHÜN 41:11

Arünü I kurungkheak akuk müngü, tüsho nünü I kheak asühlah de inü amükheahbah.

JEREMIA 31:2

Atungpuhnü ha thachoh: Mihtsürü sherü nukshang chingnü tsokhidünü sunglo ching mihmüthsüm ngüdo; küyimki Israelnü sühakhim yimkhea,

MATHI 18:10

“Harü anini bolung khülang she mükhemükim müthsüpü kümkangang, tümüde inü nüsa ki thachoh, yinmi ching arü yunirübonü yinmi ching labuh I Buh miro kamruhroro kheahde lah.

AMIKHEAKAKHIUKKHI 22:4

arünü api miro ngübah, tüsho arü kingkangbo kheak api mung labah.

RUTH 2:10

Ruthnü alo lim ami mükhümbah Boaz ki tha, “I khiungkeberü khülang ah dale nünü I mürühpü thsüde nü mük ki tümü kheahkhitkhea?”

1 SAMUEL 20:3

Tüshe Davidnü she thiyuchihchimde tha, “Nünü I muzholah de nü buhnü tsüde mükheahlah; tüsho ha Jonathannü dümükheahshih jude yungsho api mulong rozhakbah de apinü lümchoh. Tüshe tsükjide Atungpuh tüsho nü lale, I tüsho ashepü dükeak jingdükü zahlah.”