THRÜNTAN 32:6 - AMÜSÜH HÜM CL Bible (BSI)

⁶ Judüki yunithsürübo Jakob kilim alode arübah tha, “Isa nü khiung Esau kilim yükheah tüsho api lung mihtsürü 400 belah.”

THRÜNTAN 32:6 Iomraidhean Croise

THRÜNTAN 31:18

Tüsho apinü anihbuh shiwühbo le apinü alü thsükhi kukrukbo alala, Paddan-aram ching ngükhi shiwühbo lubah Kanan lomi ching abuh Isak kilim yü.

THRÜNTAN 32:11

Inü tamkhüntamnüchoh, I khiung Esau khah chingnü I bekhitang; tümüde inü api trelah, jude yungsho api arübah tüsho I le tsührübo tüsho berübo laksahbah.

THRÜNTAN 32:7

Jumonü Jakob khide tre tüsho lümthsünü; tüsho apinü anihbuh lung bekhi mihtsürü, tüsho mihnu le moshi boto, tüsho kemelbo bo mahne thsüde cham.

THRÜNTAN 32:8

Tüsho apinü tha, “Esaunü bo khülang kilim arübah zündosho, bo khülang a atsokhitbah.”

THRÜNTAN 33:1

Jakobnü abinkih-a kheah tüsho Esau arüde alakhi ngü, tüsho api lung mihtsürü 400 lakheah. Jumonü apinü azürübo ju Lea, Rachel, tüsho yamlaberü mahne bolung chammüzütjih.

THRÜNTAN 33:15

Tüsho Esaunü tha, “Kheakü I lung bekhi mihtsürü khürü nü lung zojihanü.” Tüshe apinü alo, “Tümü yihnüpü lale? Inü I tungpuh miki amuzho lang ngüshang.”

THRÜNTAN 33:8

Judüki Esaunü tha, “Inü ashorukhi boto alala ha amütsan tümü a?” Tüsho apinü alo, “Harü ha I tungpuh miki amuzho yimpü lah.”

THRÜNTAN 34:11

Judüki Shekemnü alibe abuh le keoniorübo ki tha, “I nüsa miki amuzho ngüanü, tüsho nüsanü I ki tümüpürü thabanü inü ajihbah.

THRÜNTAN 47:25

Arünü alo, “Nünü isa rhangdungbo khümkhitdo; isa tungpuh miki isa amuzho ngüshang, tüsho isa Pharao yamlarübo thsübah.”

AMOS 5:19

khürü kekhüzü kheaknü tsobah kuto shorukhi nangde; yungsho thüyam ching yüzahbah rhü kheak angükihchoki, phurutonü anguhkhi nangde!

RUTH 2:13

Ruthnü alo, “I tungpuh, nünü I kheak khide amüthsüm huhchoh, tümüde I nü yamlaberü ruk yunga lalashe mulong sühakhimde asuk.”

RUTH 2:2

Moabberü Ruthnü Noami ki tha, “Yimlurünü abahkhi himüdre mopü thsüde I thulu ching yüanü. Mihtsürü khürünü a I ki amuzho huhpü labah de lümlah.” Noaminü alo, “I tsah-a, Yüang,”

1 SAMUEL 1:18

Tüsho alibenü tha, “Nü yamlarü nü mük ki tsüde ngüshang.” Judüki alibenü nihbe limro ching tso, tüsho aniubuh lung tsühyung tüsho amiro ching mulong tukthsükhi müladebah.