THRÜNTAN 32:4 - AMÜSÜH HÜM CL Bible (BSI)

⁴ Tüsho apinü arü ki thiyukhüm jihde tha, “I tungpuh Esau ki ha thaang, ‘Nü yamlarü Jakobnü ha thachoh: “I Laban lung kheakü khiungde ju ching lakheah.

THRÜNTAN 32:4 Iomraidhean Croise

THRÜNTAN 23:6

“Isa ki aniang, atungrü: nü isa bolung sühmüh lakhi limberü khülang ah; isa mibahpung amokhitkhi ching nü yo ashemi kiuyuka bahang. Nü yo ashemi kiuyuka bahpü thsüde isa shepü shepünü she nü kilim mibahpung asühde ajihbah.”

THRÜNTAN 25:30

Esaunü Jakob ki tha, “Muzhobah awo amürüm ju I kipang, tümüde I khümkeaka lah.” Jumonü api mung Edom de ajikheah.

THRÜNTAN 27:29

Mihtsürübonü nü tankihshang, tüsho trükshihbonü nü ki mükhümshang. Nü keoniorü alala kurungkheak aputungrü thsang, tüsho nü be tsührübonü nü ki mükhümshang. Nü athrurü muthrumüneanshang, tüsho nü müngühjihrü müngühshang!”

THRÜNTAN 27:37

Isaknü Esau ki alo, “Inü api ki nü kurungkheak aputungrü kamshihdo, tüsho api keoniorü alala api yamlarü kamshihdo. Inü api kilim hi tüsho yukhu jihdo. Kheakü inü nü thsungkheak tümü müthsükhuk, I tsah-a!”

THRÜNTAN 31:41

Hanangde I nü lung kam muku lakheah; nü tsührübe mahne thsungkheak inü nü kam thürükheak phüyi tankih, tüsho nü mihnu boto thsungkheak kam thuruk, tüsho nünü I mihkhah thürü ki müthrijih.

THRÜNTAN 32:18

Judüki nüsanü athabah, ‘Arübo nü yamlarü Jakob yo ah. Ha I tungpuh Esau kilim thsambah khülang ah; tüsho api she isa dunglim lah.’”

THRÜNTAN 32:5

I moshipungbo, donkibo, mihnu boto, tüsho athrürü le aliberü yamlarübo lah; tüsho nü miki I amuzho ngüshihpü inü I tungpuh ki thapü arüshihchoh.”’”

THRÜNTAN 33:14

Muzhobah I tungpuh a nü yamlarü müngühnü yüang. Inü Seir ching I tungpuh ki marüyi khiungde, I müngüh shiwüh boto tüsho azürübo arünnü kitde arübah.”

THRÜNTAN 33:8

Judüki Esaunü tha, “Inü ashorukhi boto alala ha amütsan tümü a?” Tüsho apinü alo, “Harü ha I tungpuh miki amuzho yimpü lah.”

THRÜNTAN 36:8

Jumonü Esaunü (ju Edom) Seir awung lomi ching la.

THRÜNTAN 36:9

Tüsho ha Seir wung ching lakhi Edomrü abuh Esau lünkhe ah.

THRÜNTAN 4:7

Nünü lungkide rhimokhülaa, nü müleangkhibea de? Tüshe tümü alungkianü nünü ju mürhimosho, khimdopü ki neak yaplah; hanü nü mürheangchoh, tüshe nünü ju kukbeah.”

1 KIULONG THSÜRÜ 20:32

Jumonü arünü arü chim kheak shungliukhim rümkih, arü ku kheak shungliu hingbah Israel kiulongthsüpuh ki yü, tüsho tha, “Nü yamlarü Ben-hadadnü tha, ‘ Muzhobah I lashang.’ ” Tüsho apinü tha, “Api kheakü khiungde la de? Api I keonio ah.”

ABEKHIT 32:22

Aronnü alo, “I tungpuh, bukdakhiuk; harü mihtsürü amütsü rhimopü lümkihkhi nünü mükheahlah.

MÜCHITMUDU 15:1

Thünakde alokhinü bukakhiukkhi keamshihchoh, tüshe thiyu amüküpnü bukakhiukpü thurumusuchoh.

MÜCHITMUDU 25:15

Arümkheamkhi hode yakzanshuhrü rükyukpü kuklah, tüsho mulo athünaknü ro yihshakpü kuklah.

MÜCHITMUDU 6:3

Jumonü I tsah-a, nü küdah thsüde bekhitang; tümüde nü a nü müyamrü khah ching yüzahdo: yüang tüsho nü küdah thsüde azhihayihang; nü müyamrü ki mushuang.

T H S AN GYU T H S AN GR ARÜ 10:4

Yakzanshuhrünü nü azhihde bukakhiuksho nü rhimo chingnü düdükhe, tümüde zhikde arümkheamkhinü alakmihkhi ato keamloshihpü kuklah.

ISAIA 21:11

Edom dünkheak müchityu. Khülangnü Seir chingnü I ki jichoh, “Aheangbuh, tsüngre künangde ahoba? Aheangbuh, tsüngre künangde ahoba?”

LUKNÜ ATHRÜTKHI THIYUSHEAK-ATSÜ HUHTANYU 14:11

Tümütüsho shepü küdah thsüde shuhkihchonü abobe kambah, tüsho shepünü azhihayihchonü ashuhkihbah.”

1 PETER 3:6

Saranü ju ruk Abraham ki mihyuanide, api ki atungpuh de ji. Tüsho nüsanü alungki rhimosho nüsa ju anihbe tsührübo ah tüsho tümünü she nüsa dütreshih.

MAHKHAPRÜ 5:4

O Atungpuh , nü küyimki Seir chingnü wukhiukkhea, nü küyimki Edom lo chingnü atsahkhitkhea, alomi ajan, thüningbonü bukkhi, amobonü ke bukkhi. @SP ACE=

1 SAMUEL 26:17

Saulnü David düsheak mütsan tüsho tha, “I tsührü David, ha nü düsheak a de?” Davidnü alo, “O kiulongthsüpuh, I tungpuh, ha I düsheak ah.”