THRÜNTAN 32:31 - AMÜSÜH HÜM CL Bible (BSI)

³¹ Api Peniel hobah ani akhiuk, tüsho anihbuh mutsuro mütsükhinü api akheangde alakheah.

THRÜNTAN 32:31 Iomraidhean Croise

THRÜNTAN 16:13

Judüki alibenü anihbe ki asukbuh Atungpuh mung hade ji: “Nü a I ngübuh Thrünpuh,” tümüde alibenü tha, “Kheakü inü I kheahbuh Khülang ngüdo.”

THRÜNTAN 19:15

Küyimki ayinkhikheanü, yunirübonü Lot ki niokheampü tha, “Asürang, nü niube le nü tsührübe mahne ha ching lakhi bea lung, jude yungsho kiuto thsümüchikhi ching nüsa aniuabahbah.”

THRÜNTAN 19:23

Lot Zoar khiungchoki alomi kheak ani akhiuka lakheah.

THRÜNTAN 32:25

Küyimki apinü anihbuh mukukkhi ngükhea, apinü amutsuro kheak qiu; tüsho apinü mihtsürü lung shochihchoki amutsuro phülapkhit.

THRÜNTAN 32:32

Jumonü Israelrünü khihni khiungde mutsuro kheak shihyin mütsühchoh, tümütüsho Jakob mutsuro ha yin kheak apinü qiu.

1 KIULONG THSÜRÜ 12:25

Judüki Jeroboamnü Ephraim awung lomi ching Shekem chipi ayün, tüsho ju ching la; api ju chingnü wukhiukbah Penuel ching chipi ayün.

1 KIULONG THSÜRÜ 18:26

Jumonü arü kilim jihkhi moshipung arünü lubah thsakham, tüsho yapsunü animuro khiungde Baal mung jide zhi, “O Baal, isa ki alojang!” Tüshe düsheak tümü müla tüsho malojih. Arünü athsükhi kingaün sadam mükamde arünü tsün.

MUNGSHIKHÜN 38:17

Tümüde I alungpü thsüde lah, tüsho I mulong rozhak mutuklode I miki lah.

ABEKHIT 24:10

tüsho arünü Israel Thrünpuh ngü. Tüsho api jing khüp ju shotolung-bluknü athsükhi limro thüning nangde müsühkhabündo alakheah.

ABEKHIT 24:11

Tüshe Israel limberübo kheak apinü akhah müjipkih. Junangde arünü Thrünpuh ngü, tüsho arünü tsühyung.

ISAIA 6:5

Tüsho inü tha, “ I ayokhe, I mülatsan, tümüde I a münküp mümüsühkhi mihtsürü ah, tüsho I a münküp mümüsühkhi mihtsürü bolung lah: tütüshe I müknü Wuto Atungpuh , kiulongthsüpuh ngüdo!”

MALAKI 4:2

Tüshe nüsa I mung wüntrerü thsungkheaknü thiyuro-lungki ani ju aghidükeangbo kheak athsüngu kihde akhiukbah. Nüsa moshi nunu ayam chingnü jukde ayükhi nangde jukde ayübah.

2 KORINT 12:7

Amikheak akhiukkhi hihde angükhi hode I changde mülümshihpü, Arimri yunithsürü khülang, I thsümüchishihpü I pang ching ayang khülang jih.

2 KORINT 12:9

Tüshe apinü I ki tha, “Nü thsungkheaknü I amüthsüm suhdahde lah, tümüde reangmüzahkhi ching I wu khiukdahde kamshihdo.” I reangmüzahkhi dünkheak inü alü asühde kükheangbah, junangde Khrista wu I kheak labah.

YUZÜNGTHALO 5:24

Tüsho nüsanü tha: Tsükjide Atungpuh isa Thrünpuhnü api müretahkhi tüsho api tokhi isa ki huhdo, tüsho isanü api düsheak mo phulungnü sodo. Khihni Thrünpuhnü mihtsürü ki asukachihkhi isanü ngüdo; tüsho api rhangdung lah.

YUZÜNGTHALO 5:26

Tümüde isa lakhi nangde, mo phulungnü arhang Thrünpuh düsheak sokhi mihtsürü shepü la?

MAHKHAPRÜ 6:22

Kheakü api ju Atungpuh yunirü thsüa lah de Gideonnü anikhit. Jumonü Gideonnü tha, “ Aha, O I Tungpuh T HRÜNPU H ! Tümüde inü Atungpuh yunirü mironü miro ngüdo.”

MAHKHAPRÜ 6:23

Judüki Atungpuhnü api ki tha, “Nü lung mungtsü laang; dütre, nü müshe.”

MAHKHAPRÜ 8:8

Tüsho ju chingnü api Penuel ching wutu tüsho ju ruk lang arü ki tha; tüsho Sukkoth mihtsürübonü alokhi nangde Penuel mihtsürübonü api ki alo.