THRÜNTAN 32:29 - AMÜSÜH HÜM CL Bible (BSI)

²⁹ Judüki Jakobnü api ki keokhi, “Muzhobah I ki nü mung thaang.” Tüsho apinü tha, “Nünü tümüde I mung keokhicho?” Tüsho apinü ju ching api müngühjih.

THRÜNTAN 32:29 Iomraidhean Croise

THRÜNTAN 17:5

Kheaküa nü mung Abram de müji, tüshe nü mung ju Abraham labah; tümüde inü nü trükshih ahihdo abuh kamshihdo.

THRÜNTAN 35:10

Tüsho Thrünpuhnü tha, “Nü mung Jakob ah; kheaküa nü mung Jakob de müji, tüshe nü mung Israel labah.” Jumonü apinü anihbuh mung Israel de ji.

THRÜNTAN 35:9

Kheakü api Paddan-aram chingnü arüchoki Thrünpuhnü Jakob ki akhiuk tüsho api müngühjih.

1 KIULONG THSÜRÜ 18:31

Elijanü Jakob tsührü khekhi trükbo ayannü lung 12 lu, shepü ki Atungpuh yu arüshihde tha, “Israel ju nü mung labah”;

2 KIULONG THSÜRÜ 17:34

Khihni khiungde arünü adüso jipü-yaklibo rhimochoh. Arünü Atungpuh mükingaün tüsho Atungpuhnü Israel de ajikhi Jakob tsührübo kilim thiyukhüm jihkhi yukhüm yungsho yuzüng yungsho yakzan yungsho thiyukhümbo müyan.

1 KIUTHSÜYUKHEAN 1:34

Abraham ju Isak abuh kam. Isak tsührübo: Esau tüsho Jakob.

JOB HU H T ANYU 11:7

Nünü Thrünpuh lümzülümdo-rhimo yimkhitkhukba de? Nünü Wuto akhü thsükhi yimkhitkhukba de?

MÜCHITMUDU 30:4

Shepü yinmi ching yükihbah akilokhea? Shepünü amüyi ching apung zhimkhea? Shepünü khim chingnü ke dümkhea? Shepünü lomi aredungbo thsüjihkhea? Nünü mükheahlasho, api mung she a, tüsho api tsührü mung she a?

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

HOSEA 6:1

Arang, isanü Atungpuh kilim rholoanü; tümüde apinü isa thonak, tüshe apinü isa thsüngubah; apinü isa yurijih, tüshe apinü isa mü rümjihbah.

WÜHKHE 20:14

Kheakü Mosanü yunithsürübo Kadesh chingnü Edom kiulongthsüpuh kilim yüshih, “Ha nü keoniorü Israelrünü thachoh: Isa kheak küpkhuk lakhi alala nünü mükheahlah,

LUKNÜ ATHRÜTKHI THIYUSHEAK-ATSÜ HUHTANYU 1:19

Tüsho yunirünü api ki alojihde tha, “l Gabriel, Thrünpuh miki zhipbuh, tüsho ha thiyusheak atsü hanbah thiyia arüshihkhi ah.

YUZÜNGTHALO 29:29

“Aramkhi kukruk ju Atungpuh isa Thrünpuh yo ah, tüshe akhiukahuhkhibo lünnü isa tüsho isa tsührübo yo ah, junangde isanü ha yakzan anibah.